„სუიციდის ფხვნილი“: დაკავებული ათობით ადამიანს დაეხმარა თვითმკვლელობაში
09:49 28.10.2021 (განახლებულია: 15:53 20.07.2023)
CC BY 2.0 / Marco Verch / ფხვნილი
CC BY 2.0 / Marco Verch /
გამოწერა
თბილისი, 28 ოქტომბერი — Sputnik. სულ მცირე 33 ადამიანი გარდაიცვალა ნიდერლანდში „სუიციდის ფხვნილის“ მიღების შედეგად, რომლებიც მათ ეინდჰოვენში მცხოვრები ალექს ს-სგან შეიძინეს, იუწყება გამოცემა Dutch News-ი პროკურატურის განცხადებაზე დაყრდნობით.
Although euthanasia is legal in the Netherlands, under six strict conditions, it can only be carried out by a doctor. In all other cases, assisting suicide is illegal. https://t.co/gfzJneI3Fe
— DutchNews.NL (@DutchNewsNL) October 27, 2021
გავრცელებული ინფორმაციით, სამართალდამცველებმა ალექს ს. მიმდინარე წლის ზაფხულში დააკავეს თვითმკვლელობისკენ წაქეზების ბრალდებით. მას ასევე ბრალად ედება ნარკოტიკების შესახებ კანონების დარღვევა და ფულის გათეთრება.
პროკურატურის ცნობით, ალექს ს-მ 55.000 ევრო მიიღო „სუიციდის ფხვნილის“ გაყიდვით, რომელსაც ის ერთ-ერთი საიტის მეშვეობით ასაღებდა სულ რაღაც 20 ევროდ, რასაც საფოსტო მომსახურების ღირებულებაც ემატებოდა.
ამასთან ვრცელდება ინფორმაცია, რომ ალექს ს. ორგანიზაცია Coöperatie Laatse Wil-ის წევრია, რომელიც მხარს უჭერს ადამიანებისთვის თავის მოკვლის შესაძლებლობის მიცემას.
მიუხედავად იმისა, რომ ნიდერლანდში ევთანაზია კანონითაა დაშვებული, მისი განხორციელება, ექვსი მკაცრი პირობის დაცვით, მხოლოდ ექიმს შეუძლია. ყველა სხვა შემთხვევაში თვითმკვლელობისთვის ხელშეწყობა უკანონოდ მიიჩნევა.
ალექს ს-ს საქმიანობის გამოძიების ფარგლებში კიდევ რამდენიმე ადამიანია დაკავებული, რომლებიც ასევე იყვნენ Coöperatie Laatste Wil-ის წევრები.
"[Wim van Dijk] does not care about the possible jail term". Good, so send him there. https://t.co/QhKIrX6odN
— Antimalarkistische Aktion (@richardcoops) October 25, 2021
ერთ-ერთმა მათგანმა, ფსიქოლოგმა ვიმ ვან დეიკმა გაზეთ Volkskrant-ს განუცხადა, რომ მან „სუიციდის ფხვნილი“ 100 ადამიანს მიჰყიდა. მისი თქმით, ამის თაობაზე საჯაროდ იმიტომ საუბრობს, რომ თემაზე დებატები დაიწყოს.
ვან დეიკი ირწმუნება, რომ ფხვნილი მანაც ალექს ს-სგან შეიძინა.