Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

ზუგდიდში ოპოზიცია მრავალათასიან წინასაარჩევნო აქციას მართავს

© photo: Sputnik / Stringerენმ-ის აქცია ზუგდიდში
ენმ-ის აქცია ზუგდიდში - Sputnik საქართველო, 1920, 27.10.2021
გამოწერა
სამეგრელო საქართველოს ერთ-ერთი რეგიონია, სადაც მმართველმა პარტიამ თავისი პოზიციები სერიოზულად დათმო
თბილისი, 27 ოქტომბერი – Sputnik. ყველაზე მსხვილმა ოპოზიციურმა პარტიამ „ერთიანმა ნაციონალურმა მოძრაობამ“ ზუგდიდის ცენტრში მრავალათასიანი მიტინგი შეკრიბა, რომლითაც სამეგრელოში თავისი წინასაარჩევნო კამპანია დაასრულა.
მთელი რეგიონიდან შეკრებილმა აქციის მონაწილეებმა ქალაქის ცენტრალური მოედანი მთლიანად გაავსეს. მათ უჭირავთ საქართველოს დროშები, მუნიციპალიტეტების სახელწოდებები და ბანერი „თავისუფლება მიშას“.
„ზუგდიდის მერად არჩევის შემდეგ მე ვიქნები ყველას მერი. აბსოლუტურად არ აქვს მნიშვნელობა, პოლიტიკურად რომელ მხარეს არის, მთავარია მას უყვარდეს საქართველო და სამშობლო. მე ვიქნები მათი მერიც, ვინც ხმა არ მომცა პირველ ტურში, მაგრამ ვისაც უყვარს სამშობლო და ფიქრობს, თავისი შვილებისა და შვილიშვილების მომავალზე. გვეყოფა სიძულვილის ენით ლაპარაკი, პოლიტიკური ნიშნით განსხვავება, ეს წარსულს უნდა ჩავაბაროთ“, - განაცხადა ზუგდიდის მერობის კანდიდატმა ანზორ მელიამ.
აქციაზე პატიმრობაში მყოფი ექს-პრეზიდენტი მიხეილ სააკაშვილიც ახსენეს. აქციის მონაწილეები მის სახელს სკანდირებდნენ.
აქციაზე ასევე წაიკითხეს სააკაშვილის მიმართვა სამეგრელოს მოსახლეობისადმი, სადაც მან თავისი მხარდამჭერები გაამხნევა და მოუწოდა, საქართველოს გათავისუფლება ამ რეგიონიდან დაიწყონ.
მმართველი პარტიის აქცია - Sputnik საქართველო, 1920, 27.10.2021
არჩევნები 2021
ირაკლი ღარიბაშვილი: „ძველი შეცდომები აღარ უნდა გავიმეოროთ...“
ახლა აქციაზე ზუგდიდის კოალიციური მთავრობის წარდგენა მიმდინარეობს.
ზუგდიდი ერთ-ერთია იმ ქალაქებს შორის, სადაც 2 ოქტომბერს გამართული ადგილობრივი არჩევნების შედეგების მიხედვით მერობის კანდიდატი „ნაციონალური მოძრაობიდან“ პირველ ადგილზე გავიდა. ანზორ მელიამ მოიპოვა 46,883%, ხოლო მისმა კონკურენტმა მმართველი პარტიიდან მამუკა წოწერიამ მხოლოდ 41,15%. ახლა ეს ორი კანდიდატი ერთმანეთს მეორე ტურში დაუპირისპირდება.
არჩევნების მეორე ტური 30 ოქტომბერს გაიმართება.
ყველა ახალი ამბავი
0