„კატო კოდუასთან კონფლიქტი მქონდა, შემდეგ ბოდიშიც მოვიხადეთ“ – პაიჭაძე გერზე საუბრობს
„ეს იყო 13 აპრილს, როცა დათო დააკავეს. მერე დაველაპარაკეთ ერთმანეთს და ბოდიშიც მოვიხადეთ. ბოროტმა ქალებმა გამოიყენეს სათავისოდ, მაგრამ საკუთარი ტოტი მოიჭრეს. მარიამ კუკუნაშვილს კომენტარში დავუწერე, რომ საკუთარ თავზე არ ვდარდობდი, რატომ აყენებდა შეურაცხყოფას ადამიანს, რომელსაც არ იცნობდა. თითქოს დამადანაშაულა, რომ უსაყვარლესი წყვილი დავშალე, არადა, ეს წყვილი რამდენიმე წლის დაშლილი იყო. ხალხმა ისე აღიქვა, რომ ჩემ გამო მოხდა რაღაც საშინელება. რეალურად კი თვალები გავახელინე ყველას და ბინძური სათვალე გავუწმინდე“, – აღნიშნა ალექსანდრამ.
„ის ადამიანები, რომლებმაც ჩემზე თქვეს, რომ მასთან ფულის გამო ვარ, თავად ყველაფერზე წავლენ ფულის გამო. მყავდა ფანტასტიკური შეყვარებული დათომდე, სამი წელი, ბოლო წელი უმუშევარი იყო და ძალიან კარგი ურთიერთობა გვქონდა. შემდეგ მას დეპრესია დაეწყო და დავშორდით. ბედნიერება უნდა შეინახო შენთვის... სულ ამას ვამბობდი, რომ არ გააზიაროთ პირადი, გავაზიარე და დაილეწა ყველაფერი“, – აღნიშნა მოდელმა.