https://sputnik-georgia.com/20211023/specrazmis-mobilizacia-regionebsi-xelisufleba-mediasi-gavrcelebul-informacias-uaryofs-261427340.html
სპეცრაზმის მობილიზაცია რეგიონებში: ხელისუფლება მედიაში გავრცელებულ ინფორმაციას უარყოფს
სპეცრაზმის მობილიზაცია რეგიონებში: ხელისუფლება მედიაში გავრცელებულ ინფორმაციას უარყოფს
Sputnik საქართველო
მსგავსი დეზინფორმაციის გავრცელება ქვეყანაში არჩევნების წინ მოსახლეობაში პანიკის და შიშის დათესვას ემსახურება, აღნიშნეს სუსში 23.10.2021-ს, Sputnik საქართველო
2021-10-23T17:51+0400
2021-10-23T17:51+0400
2021-10-23T17:51+0400
ახალი ამბები
საქართველო
საქართველოს რეგიონები
პოლიტიკა საქართველოში
https://cdnn1.img.sputnik-georgia.com/img/24871/50/248715063_0:0:1280:721_1920x0_80_0_0_7381c8705981fc51b152aabaad92ae5f.jpg
თბილისი, 23 ოქტომბერი – Sputnik. ოპოზიციური ტელეარხები მეორე დღეა ავრცელებენ ინფორმაციას სპეცდანიშნულების რაზმების მობილიზაციის შესახებ ცალკეულ რეგიონებში, მათ შორის სამეგრელოში, ხელისუფლება ამას საარჩევნოდ უწყებების დისკრედიტაციის ახალ მცდელობას უწოდებს.სამეგრელოსა და შიდა ქართლის რეგიონებში განსაკუთრებული დანიშნულების რაზმების მობილიზაციის შესახებ ინფორმაცია პირველმა ოპოზიცურმა „მთავარმა არხმა“ გაავრცელა. მისი მონაცემებით, მობილიზაცია შესაძლოა არჩევნების მეორე ტურში ამომრჩევლებზე ზეწოლის მიზნით ხორციელდებოდეს.აღნიშნული ინფორმაცია ორმა ძალოვანმა უწყებამ უარყო.მსგავსი განცხადება შინაგან საქმეთა სამინისტრომაც გაავრცელა.„განსაკუთრებული მობილიზება არ ხდება და პოლიციელთა გეგმური როტაცია განსაკუთრებულ დავალებათა დეპარტამენტში ჩვეულებრივი სამუშაო პროცესია. აღნიშნული როტაცია სხვადასხვა პერიოდულობით ტარდება“, - აღნიშნულია შსს-ს განცხადებაში.უწყებაში ასევე აღნიშნეს, რომ პოლიციის ძალები იქნებიან მობილიზებული მხოლოდ და მხოლოდ უსაფრთხოების და საზოგადოებრივი წესრიგის დასაცავად, მათ შორის შაბათს დაგეგმილ ექს-პრეზიდენტ მიხეილ სააკაშვილის მხარდამჭერ აქციაზე.„შინაგან საქმეთა სამინისტროს თანამშრომლები მართლწესრიგის და უსაფრთხოების დაცვის მიზნით ყოველთვის მობილიზებული არიან", - აცხადებენ შსს-ში.ტელეარხის ინფორმაციაზე ნეგატიური რეაქცია ჰქონდა ქვეყნის პრემიერ-მინისტრ ირაკლი ღარიბაშვილსაც.საქართველოში 30 ოქტომბერს მერის არჩევნების მეორე ტური გაიმართება. განსაკუთრებით სერიოზული ბრძოლა წარიმართება სამეგრელოს ცენტრში - ზუგდიდში, სადაც მთავარი ოპოზიციური პარტია „ერთიანი ნაციონალური მოძრაობის“ კანდიდატ ანზორ მელიას პირველივე ტურში გამარჯვებისთვის მხოლოდ 3% დააკლდა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, საქართველოს რეგიონები, პოლიტიკა საქართველოში
ახალი ამბები, საქართველო, საქართველოს რეგიონები, პოლიტიკა საქართველოში
სპეცრაზმის მობილიზაცია რეგიონებში: ხელისუფლება მედიაში გავრცელებულ ინფორმაციას უარყოფს
მსგავსი დეზინფორმაციის გავრცელება ქვეყანაში არჩევნების წინ მოსახლეობაში პანიკის და შიშის დათესვას ემსახურება, აღნიშნეს სუსში
თბილისი, 23 ოქტომბერი – Sputnik. ოპოზიციური ტელეარხები მეორე დღეა ავრცელებენ ინფორმაციას სპეცდანიშნულების რაზმების მობილიზაციის შესახებ ცალკეულ რეგიონებში, მათ შორის სამეგრელოში, ხელისუფლება ამას საარჩევნოდ უწყებების დისკრედიტაციის ახალ მცდელობას უწოდებს.
სამეგრელოსა და შიდა ქართლის რეგიონებში განსაკუთრებული დანიშნულების რაზმების მობილიზაციის შესახებ ინფორმაცია პირველმა ოპოზიცურმა „მთავარმა არხმა“ გაავრცელა. მისი მონაცემებით, მობილიზაცია შესაძლოა არჩევნების მეორე ტურში ამომრჩევლებზე ზეწოლის მიზნით ხორციელდებოდეს.
აღნიშნული ინფორმაცია ორმა ძალოვანმა უწყებამ უარყო.
„სახელმწიფო უსაფრთხოების სამსახურის სპეცდანიშნულების რაზმის არცერთ თანამშრომელს თავისი მუდმივი დისლოკაციის ადგილი არ დაუტოვებია. მსგავსი დეზინფორმაციის გავრცელება, პირდაპირ ემსახურება წინასაარჩევნოდ საზოგადოებაში შიშისა და პანიკის დათესვას, აზიანებს სახელმწიფო უსაფრთხოების სამსახურის იმიჯს და მიზნად ისახავს უწყების მიმართ საზოგადოების ნდობის შემცირებას“, – აღნიშნულია სახელმწიფო უსაფრთხოების სამსახურის განცხადებაში.
მსგავსი განცხადება შინაგან საქმეთა სამინისტრომაც გაავრცელა.
„განსაკუთრებული მობილიზება არ ხდება და პოლიციელთა გეგმური როტაცია განსაკუთრებულ დავალებათა დეპარტამენტში ჩვეულებრივი სამუშაო პროცესია. აღნიშნული როტაცია სხვადასხვა პერიოდულობით ტარდება“, - აღნიშნულია შსს-ს განცხადებაში.
უწყებაში ასევე აღნიშნეს, რომ პოლიციის ძალები იქნებიან მობილიზებული მხოლოდ და მხოლოდ უსაფრთხოების და საზოგადოებრივი წესრიგის დასაცავად, მათ შორის შაბათს დაგეგმილ ექს-პრეზიდენტ მიხეილ სააკაშვილის მხარდამჭერ აქციაზე.
„შინაგან საქმეთა სამინისტროს თანამშრომლები მართლწესრიგის და უსაფრთხოების დაცვის მიზნით ყოველთვის მობილიზებული არიან", - აცხადებენ შსს-ში.
ტელეარხის ინფორმაციაზე ნეგატიური რეაქცია ჰქონდა ქვეყნის პრემიერ-მინისტრ ირაკლი ღარიბაშვილსაც.
„არარსებული ამბავი გამოიგონეს, სრული ტყუილი, რომ თითქოს ჩვენ ვაპირებდით სპეცრაზმის გაგზავნას სამეგრელოში“, - განაცხადა ღარიბაშვილმა და „მთავარ არხს“ პროვოკატორი უწოდა.
საქართველოში 30 ოქტომბერს მერის არჩევნების მეორე ტური გაიმართება. განსაკუთრებით სერიოზული ბრძოლა წარიმართება სამეგრელოს ცენტრში - ზუგდიდში, სადაც მთავარი ოპოზიციური პარტია „ერთიანი ნაციონალური მოძრაობის“ კანდიდატ ანზორ მელიას პირველივე ტურში გამარჯვებისთვის მხოლოდ 3% დააკლდა.
