„მუსიკა შენს ფანჯრებთან“ – თბილისში მუსიკალური ფესტივალი გაიმართება

© Sputnik / Alexander Imedashviliძველი თბილისი
ძველი თბილისი - Sputnik საქართველო, 1920, 22.10.2021
გამოწერა
ფესტივალზე დასწრება შეზღუდულია და მუსიკის მოყვარულები ღონისძიებაზე გარკვეული პირობებით დაიშვებიან.
თბილისი, 22 ოქტომბერი – Sputnik. სასტუმრო „თბილისი მარიოტის“ ღია ეზოში 24 ოქტომბერს ფესტივალი „მუსიკა შენს ფანჯრებთან“ გაიმართება.
„მუსიკა შენს ფანჯრებთან“ – ესაა სოციოკულტურული პროექტი, რომლის კონცეფცია ასეთია: თუ თქვენ ვერ ესწრებით კონცერტს, ის თვითონ მოვა თქვენთან.

„კონცეპტArt“-ის მოძრავ ფესტივალში 100-ზე მეტი ცნობილი არტისტია გაერთიანებული. ფესტივალზე ქართველი პიანისტის ბექა გოჩიაშვილის დაუვიწყარი კომპოზიციები შესრულდება მუსიკოსებთან ლევან დეისაძესთან და ზაზა ცერცვაძესთან ერთად. საღამოს სპეციალური სტუმარი კი მომღერალი ნატალია ქუთათელაძე იქნება.

ქვეყანაში არსებული რეგულაციების გამო ფესტივალზე დასასწრები მხოლოდ 50 ბილეთი გაიყიდება. დასწრებას კი შეძლებენ სრულად ვაქცინირებული პირები, რომელთა მეორე აცრიდან ორი კვირაა გასული, ასევე ის პირები, ვინც ბოლო სამი თვის განმავლობაში გადაიტანა კორონავირუსი. ფესტივალზე დასწრება შესაძლებელი იქნება 48 საათის განმავლობაში ჩატარებული PCR ტესტის უარყოფითი პასუხის დამადასტურებელ მოწმობის წარდგენითაც.
აღნიშნული ფესტივალი თბილისში უკვე რამდენჯერმე გაიმართა. პირველ ასეთ კონცერტში, ორკესტრის გარდა, მონაწილეობდნენ მევიოლინე გიორგი ცაგარელი, მუსიკოსები ლევან დეისაძე, ზაზა ცერცვაძე. ასევე იყო საცეკვაო ნომერი ქორეოგრაფისა და მოცეკვავის თეა დარჩიას შესრულებით.
ყველა ახალი ამბავი
0