შორენა ბეგაშვილი და ლაშა ბარათელი დაშორდნენ – ნახეთ რას წერს ბეგაშვილი

© Facebook / Shorena Begashviliშორენა ბეგაშვილი
შორენა ბეგაშვილი - Sputnik საქართველო, 1920, 20.10.2021
გამოწერა
პოპულარული ტელეწამყვანი და მოდელი კვლავ თავისუფალია
მოდელი და ტელეწამყვანი შორენა ბეგაშვილი ე.წ. კანონიერ ქურდს ლაშა ბარათელს დაშორდა. ეს ფაქტი ბეგაშვილმა „ინსტაგრამის“ „სთორიზე“ სოციალური ქსელის ხელმომწერებთან კითხვა-პასუხის დროს დაადასტურა. „მარტო ვარ“, – დაწერა შორენა ბეგაშვილმა.
ჯერ კიდევ ზაფხულში შვებულება ბეგაშვილმა საყვარელ მამაკაცთან ერთად გაატარა ესპანეთში. უცნობია რა გახდა წყვილის დაშორების მიზეზი. შორენამ საყვარელ კაცზე დაახლოებით ერთი წლის წინ საჯაროდ საკუთარ გადაცემაში ისაუბრა. მსახიობმა და ტელეწამყვანმა განაცხადა, რომ ე.წ. კანონიერი ქურდი ლაშა ბარათელი იმის გამო შეუყვარდა, რომ ის არის კაცი, რომლის სიტყვასაც ძალა აქვს და ის რასაც ამბობს, იმას ასრულებს.
ბეგაშვილის ცხოვრებაში უკანასკნელი პერიოდი პირველი შემთხვევა იყო, როდესაც გრძნობებს აღარ მალავდა. დავით ბაგრატიონთან გასაიდუმლოებული რომანის და შემდეგ ბიზნესმენ ირაკლი ნანაძესთან საიდუმლო ქორწინების მერე მან ჯერ სოციალურ ქსელში, შემდეგ კი საკუთარ გადაცემაში განაცხადა, რომ ურთიერთობაში იყო.
შორენას რჩეული ე.წ. კანონიერი ქურდი ლაშა ბარათელი, იგივე „ჭია", რომელიც შორენაზე 7 წლით უმცროსია, თუმცა ბეგაშვილი ამბობდა, რომ ეს მათ ურთიერთობააში საერთოდ არ იგრძნობოდა.
ბარათელი ბოლო წლებია ესპანეთში ცხოვრობს. ის რამდენიმე წლის წინ საქართველოში დააკავეს, თუმცა საქართველოს ტერიტორიაზე ქმედითი დანაშაულის ჩადენა ვერ დაუმტკიცეს და რადგან ბარათელი ოფიციალურად საქართველოს მოქალაქეც არ არის, სამართალდამცველებს მისი გათავისუფლება მოუწიათ.
ყველა ახალი ამბავი
0