https://sputnik-georgia.com/20211020/facebook-momaval-kvirasi-saxels-seicvlis-261317148.html
Facebook-ი მომავალ კვირაში სახელის შეცვლას აპირებს
Facebook-ი მომავალ კვირაში სახელის შეცვლას აპირებს
Sputnik საქართველო
Facebook-ი მომავალ კვირაში სახელის შეცვლას აპირებს
2021-10-20T10:12+0400
2021-10-20T10:12+0400
2023-07-20T15:53+0400
მსოფლიო დღეს
საზოგადოება
აშშ
მსოფლიოს ახალი ამბები
https://cdnn1.img.sputnik-georgia.com/img/23034/08/230340856_0:177:3015:1872_1920x0_80_0_0_a0bf1b889794c5e967ca5f55dd75eeb0.jpg
თბილისი, 20 ოქტომბერი − Sputnik. კომპანია Facebook მომავალ კვირაში სახელწოდების შეცვლას გეგმავს, იუწყება პორტალი Verge წყაროზე დაყრდნობით.გავრცელებული ინფორმაციით, სოციალური ქსელის დამაარსებელი მარკ ცუკერბერგი კომპანიისთვის სახელის შეცვლაზე ყოველწლიურ კონფერენცია Facebook Connect-ზე ისაუბრებს, რომელიც 28 ოქტომბერს გაიმართება. თუმცა გამორიცხული არ არის, ცვლილებების შესახებ უფრო ადრეც გამოცხადდეს.პორტალის ცნობით, ახალი სახელი მკაცრადაა გასაიდუმლოებული, იმდენად მკაცრად, რომ კომპანიის ლიდერშიფის ყველა წევრმაც კი არ იცის. სავარაუდოდ, ის რაღაცნაირად იქნება დაკავშირებული Horizon-თან, ვირტუალური ოფისის სახელწოდებასთან, რომელიც აგვისტოში წარმოადგინა „ფეისბუქმა“.როგორც მარკ ცუკერბერგმა მანამდე განაცხადა, „მეტასამყარო“ მეტ შესაძლებლობას გაუჩენს არა მარტო შემოქმედებითი პროფესიების ადამიანებს, რომლებსაც ქალაქის ცენტრიდან მოშორებით სურთ ცხოვრება და მუშაობა, არამედ იმ ტერიტორიებზე მცხოვრებლებსაც, სადაც განათლებასა და რეკრეაციულ ობიექტებზე წვდომა გართულებულია.აღსანიშნავია, რომ გასულ ზაფხულს Facebook-მა სპეციალური გუნდი ჩამოაყალიბა მეტასამყაროსთვის, ხოლო ორიოდე დღის წინ ცნობილი გახდა, რომ კომპანია კიდევ 10 ათასი თანამშრომლის აყვანას გეგმავს ევროპაში მეტასამყაროზე სამუშაოდ.ტერმინი „მეტასამყარო“ მწერალმა-ფანტასტმა ნილ სტივენსონმა მოიგონა ვირტუალური სამყაროს აღსაწერად, სადაც ადამიანები რეალური სამყაროდან გარბიან. ახლა ამ ტერმინს მსოფლიოს ერთ-ერთი უდიდესი კომპანია ამკვიდრებს და, როგორც Verge წერს, მას მოუწევს განმარტოს, რატომ უნდა ჩაეფლონ ადამიანები ვირტუალურ სამყაროში.
https://sputnik-georgia.com/20210714/Facebook-axal-funqcias-amatebs-252316792.html
https://sputnik-georgia.com/20210617/Facebook-axa-programas-testavs-252046174.html
აშშ
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
facebook რებრენდინგი სახელის შეცვლა
facebook რებრენდინგი სახელის შეცვლა
თბილისი, 20 ოქტომბერი − Sputnik. კომპანია
Facebook მომავალ კვირაში სახელწოდების შეცვლას გეგმავს, იუწყება პორტალი
Verge წყაროზე დაყრდნობით.
„Facebook-ი მომავალ კვირაში სახელწოდების შეცვლას გეგმავს, რათა მეტასამყაროს აგებისკენ მიმართულებაზე გააკეთოს აქცენტი“, − ნათქვამია პუბლიკაციაში.
გავრცელებული ინფორმაციით, სოციალური ქსელის დამაარსებელი მარკ ცუკერბერგი კომპანიისთვის სახელის შეცვლაზე ყოველწლიურ კონფერენცია Facebook Connect-ზე ისაუბრებს, რომელიც 28 ოქტომბერს გაიმართება. თუმცა გამორიცხული არ არის, ცვლილებების შესახებ უფრო ადრეც გამოცხადდეს.
პორტალის ცნობით, ახალი სახელი მკაცრადაა გასაიდუმლოებული, იმდენად მკაცრად, რომ კომპანიის ლიდერშიფის ყველა წევრმაც კი არ იცის. სავარაუდოდ, ის რაღაცნაირად იქნება დაკავშირებული Horizon-თან, ვირტუალური ოფისის სახელწოდებასთან, რომელიც აგვისტოში წარმოადგინა „ფეისბუქმა“.
როგორც მარკ ცუკერბერგმა მანამდე განაცხადა, „მეტასამყარო“ მეტ შესაძლებლობას გაუჩენს არა მარტო შემოქმედებითი პროფესიების ადამიანებს, რომლებსაც ქალაქის ცენტრიდან მოშორებით სურთ ცხოვრება და მუშაობა, არამედ იმ ტერიტორიებზე მცხოვრებლებსაც, სადაც განათლებასა და რეკრეაციულ ობიექტებზე წვდომა გართულებულია.
აღსანიშნავია, რომ გასულ ზაფხულს Facebook-მა სპეციალური გუნდი ჩამოაყალიბა მეტასამყაროსთვის, ხოლო ორიოდე დღის წინ ცნობილი გახდა, რომ კომპანია კიდევ 10 ათასი თანამშრომლის აყვანას გეგმავს ევროპაში მეტასამყაროზე სამუშაოდ.
ტერმინი „მეტასამყარო“ მწერალმა-ფანტასტმა ნილ სტივენსონმა მოიგონა ვირტუალური სამყაროს აღსაწერად, სადაც ადამიანები რეალური სამყაროდან გარბიან. ახლა ამ ტერმინს მსოფლიოს ერთ-ერთი უდიდესი კომპანია ამკვიდრებს და, როგორც Verge წერს, მას მოუწევს განმარტოს, რატომ უნდა ჩაეფლონ ადამიანები ვირტუალურ სამყაროში.
