არანაირი სიტყვა დარბევა არც გამოიყენოთ – კუჭავა „ნაციონალების“ აქციაზე

© Parliament of Georgiaკახა კუჭავა
კახა კუჭავა - Sputnik საქართველო, 1920, 14.10.2021
გამოწერა
პარლამენტის მიმდებარე ტერიტორიაზე, მათ შორის საკანონმდებლო ორგანოს ეზოში, სპეცრაზმია მობილიზებული.
თბილისი, 14 ოქტომბერი – Sputnik. სამართალდამცველი ორგანოები მოწოდების სიმაღლეზე არიან და ისინი შეძლებენ მშვიდობიან ფორმატში ჩატარდეს ოპოზიციის დღევანდელი აქცია, განუცხადა საქართველოს პარლამენტის თავმჯდომარემ კახა კუჭავამ ჟურნალისტებს.
დღეს, საღამოს 18:00 საათზე პარტია „ნაციონალური მოძრაობის“ აქცია თბილისში, თავისუფლების მოედანზე იმართება. მათი მთავარი მოთხოვნა მიხეილ სააკაშვილის პატიმრობიდან გათავისუფლებაა.
სააკაშვილის მხარდამჭერები თბილისში დიდი აქციისთვის ემზადებიან - ვიდეო
 - Sputnik საქართველო, 1920, 14.10.2021
სააკაშვილის მხარდამჭერები თბილისში დიდი აქციისთვის ემზადებიან – ვიდეო
პარალელურად პარლამენტის მიმდებარე ტერიტორიაზე და საკანონმდებლო ორგანოს ეზოში სპეცრაზმია მობილიზებული.
ჟურნალისტის შეკითხვაზე, შესაძლებელია თუ არა, რომ აქცია ძალის გამოყენებით დაშალონ, პარლამენტის თავმჯდომარემ უპასუხა, რომ მსგავსი არაფერი იგეგმება.

„არანაირი სიტყვა „დარბევა“ არც გამოიყენოთ, არც იგეგმება და ვერც იქნება ფიზიკურად, რადგან დარწმუნებული ვარ, რომ სამართალდამცველი ორგანოები არიან მოწოდების სიმაღლეზე, ნებისმიერი სახის მშვიდობიანი აქცია მშვიდობიან ფორმატში უნდა ჩატარდეს და მიეცეთ საშუალება გამოავლინონ თავიანთი ნება", – განაცხადა პარლამენტის თავმჯდომარემ.

„ნაციონალური მოძრაობის“ აქციას მხარდამჭერები საქართველოს სხვადასხვა რეგიონებიდან უერთდებიან და საავტომობილო კოლონებით დედაქალაქისკენ მოემართებიან. გზებზე კონტრაქციას მართავენ ხელისუფლების მხარდამჭერებიც, ისინი რეგიონებიდან მომავალ ოპოზიციური პარტიის მხარდამჭერთა კოლონას გზაზე ცოცხებით ხვდებიან. მათი განცხადებით, ცოცხები მიხეილ სააკაშვილის მმართველობის პერიოდის სიმბოლოა.
ყველა ახალი ამბავი
0