15 ოქტომბრიდან მირიან მეფის ქუჩიდან აღმაშენებლის ხეივნისკენ მოძრაობა შეიზღუდება

© photo: Sputnik / Stringerავტოტრანსპორტი
ავტოტრანსპორტი - Sputnik საქართველო, 1920, 14.10.2021
გამოწერა
თბილისის მერია მოსახლეობას შექმნილი დისკომფორტისთვის ბოდიშს უხდის.
თბილისი, 14 ოქტომბერი – Sputnik. ხვალიდან მირიან მეფის ქუჩიდან აღმაშენებლის ხეივნისკენ მიმავალი გზის მონაკვეთზე საავტომობილო მოძრაობა ნაწილობრივ შეიზღუდება, ნათქვამია თბილისის მერიის მიერ გავრცელებულ განცხადებაში.
ტრანსპორტის გადაადგილებაზე დაწესებული შეზღუდვა 15 ოქტომბრიდან 25 ოქტომბრამდე პერიოდში იმოქმედებს.
როგორც მერიაში განმარტავენ, შეზღუდვის მიზეზი დიდ დიღომში ჰიპერმარკეტ „გუდვილის“ მიმდებარე ტერიტორიაზე სანიაღვრე ქსელის მოწყობის სამუშაოებია.
„პროექტის მიხედვით, სანიაღვრე ქსელი 330 გრძივ მეტრზე ეწყობა, რაც უხვი ნალექის დროს წყლის შეტბორვის პრობლემას მთლიანად მოხსნის“, – აღნიშნავენ თბილისის მერიაში.
თბილისის მერია მოსახლეობას შექმნილი დისკომფორტის გამო ბოდიშს უხდის.
ყველა ახალი ამბავი
0