https://sputnik-georgia.com/20211011/glovis-drestan-dakavsirebit-saqartvelosi-saxelmwifo-drosebi-daesva-260421543.html
გლოვის დღესთან დაკავშირებით საქართველოში სახელმწიფო დროშები დაეშვა
გლოვის დღესთან დაკავშირებით საქართველოში სახელმწიფო დროშები დაეშვა
Sputnik საქართველო
თბილისი, 11 ოქტომბერი - Sputnik. ბათუმში დატრიალებული ტრაგედიის გამო საქართველოს ყველა ადმინისტრაციულ შენობაზე სახელმწიფო დროშები დაეშვა. 11.10.2021-ს, Sputnik საქართველო
2021-10-11T01:04+0400
2021-10-11T01:04+0400
2021-10-11T01:04+0400
ახალი ამბები
შემთხვევები საქართველოში
https://cdnn1.img.sputnik-georgia.com/img/07e5/0a/0a/260413532_0:29:960:569_1920x0_80_0_0_536ee164e83b231956780eb37b187b10.jpg
თბილისი, 11 ოქტომბერი - Sputnik. ბათუმში დატრიალებული ტრაგედიის გამო საქართველოს ყველა ადმინისტრაციულ შენობაზე სახელმწიფო დროშები დაეშვა.საქართველოში 11 ოქტომბერი გლოვის დღეს გამოცხადდა. ბათუმში, 26 მაისის ქუჩაზე 8 ოქტომბერს ნაშუადღევს საცხოვრებელი სახლის სადარბაზო ჩამოინგრა. ტრაგედიამ იმსხვერპლა ცხრა ადამიანი, მათ შორის სამი ბავშვი. დაღუპულებიდან ოთხი ადამიანი ერთი ოჯახის წევრები არიან. დაშავებულია ერთი მამაკაცი.დროშები დაშვებულია პრეზიდენტის სასახლეზე, პარლამენტის შენობაზე, მთავრობის ადმინისტრაციის, თავდაცვის სამინისტროს ადმინისტრაციულ შენობებსა და ყველა სამხედრო ბაზაზე.საზარელმა ტრაგედიამ მთელი ქვეყანა შეძრა. ორი დღის განმავლობაში ქვეყანა მთელი მსოფლიოდან უწყვეტ ნაკადად იღებს სამძიმრის წერილებს. ბათუმში ტრაგედიის ადგილზე „გლოვის კედელი“ მოეწყო, სადაც ბათუმელებს მთელი დღის განმავლობაში ყვავილები და სანთლები მიაქვთ. ისინი გარდაცვლილთა გამო მწუხარებას გამოთქვამენ და დამნაშავეების უმკაცრესად დასჯას მოითხოვენ.მომხდარზე სამი ადამიანია დაკავებული. საგამოძიებო უწყება მათ სამშენებლო სამუშაოს წარმოებისას უსაფრთხოების წესის დარღვევას ედავება, რამაც ადამიანების სიცოცხლის მოსპობა და მძიმე შედეგი გამოიწვია.პროკურატურის მტკიცებით, ბრალდებულებმა მოშალეს როგორც არამზიდი, ასევე მზიდი კონსტრუქცია (კედლები), რითაც დაირღვა საცხოვრებელი კორპუსის სიმტკიცე და მდგრადობა, რამაც გამოიწვია შვიდსართულიანი კორპუსის ნგრევა და ადამიანების სიცოცხლის მოსპობა.დაკავებულებს 5 წლამდე პატიმრობა ემუქრება.
https://sputnik-georgia.com/20211010/niko-kvaracxelias-ojaxma-batumsi-darupuli-arasrulwlovnebis-zmebs-stipendia-daunisna-260415963.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/0a/0a/260413532_0:0:960:720_1920x0_80_0_0_64804751b56da29f54ac615d5174234c.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, შემთხვევები საქართველოში
ახალი ამბები, შემთხვევები საქართველოში
გლოვის დღესთან დაკავშირებით საქართველოში სახელმწიფო დროშები დაეშვა
თბილისი, 11 ოქტომბერი - Sputnik. ბათუმში დატრიალებული ტრაგედიის გამო საქართველოს ყველა ადმინისტრაციულ შენობაზე სახელმწიფო დროშები დაეშვა.
საქართველოში 11 ოქტომბერი გლოვის დღეს გამოცხადდა. ბათუმში, 26 მაისის ქუჩაზე 8 ოქტომბერს ნაშუადღევს საცხოვრებელი სახლის სადარბაზო ჩამოინგრა. ტრაგედიამ იმსხვერპლა ცხრა ადამიანი, მათ შორის სამი ბავშვი. დაღუპულებიდან ოთხი ადამიანი ერთი ოჯახის წევრები არიან. დაშავებულია ერთი მამაკაცი.
დროშები დაშვებულია პრეზიდენტის სასახლეზე, პარლამენტის შენობაზე, მთავრობის ადმინისტრაციის, თავდაცვის სამინისტროს ადმინისტრაციულ შენობებსა და ყველა სამხედრო ბაზაზე.
საზარელმა ტრაგედიამ მთელი ქვეყანა შეძრა. ორი დღის განმავლობაში ქვეყანა მთელი მსოფლიოდან უწყვეტ ნაკადად იღებს სამძიმრის წერილებს. ბათუმში ტრაგედიის ადგილზე „გლოვის კედელი“ მოეწყო, სადაც ბათუმელებს მთელი დღის განმავლობაში ყვავილები და სანთლები მიაქვთ. ისინი გარდაცვლილთა გამო მწუხარებას გამოთქვამენ და დამნაშავეების უმკაცრესად დასჯას მოითხოვენ.
მომხდარზე სამი ადამიანია დაკავებული. საგამოძიებო უწყება მათ სამშენებლო სამუშაოს წარმოებისას უსაფრთხოების წესის დარღვევას ედავება, რამაც ადამიანების სიცოცხლის მოსპობა და მძიმე შედეგი გამოიწვია.
პროკურატურის მტკიცებით, ბრალდებულებმა მოშალეს როგორც არამზიდი, ასევე მზიდი კონსტრუქცია (კედლები), რითაც დაირღვა საცხოვრებელი კორპუსის სიმტკიცე და მდგრადობა, რამაც გამოიწვია შვიდსართულიანი კორპუსის ნგრევა და ადამიანების სიცოცხლის მოსპობა.
დაკავებულებს 5 წლამდე პატიმრობა ემუქრება.