Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

როგორ იცავს თავს კორონავირუსისგან თბილისის სამედიცინო უნივერსიტეტი

© photo: Sputnikთსსუ
თსსუ - Sputnik საქართველო, 1920, 06.10.2021
გამოწერა
სტუდენტები და მასწავლებლები დადგენილ წესებს მისდევენ – სამედიცინო უნივერსიტეტში COVID-19-ის გავრცელების მინიმალური რისკია.
თბილისი, 6 ოქტომბერი – Sputnik. თბილისის სახელმწიფო სამედიცინო უნივერსიტეტში სწავლის უსაფრთხო გარემოა შექმნილი – სტუდენტებს შეუძლიათ პრაქტიკულ, ლაბორატორიულ და კლინიკურ მეცადინეობებზე დასწრება.
როგორც უნივერსიტეტის ადმინისტრაცია აცხადებს, აკადემიური და ადმინისტრაციული პერსონალის მთელი შემადგენლობა, ასევე თანაშემწეები და მოწვეული ლექტორები სამი სავალდებულო წესიდან ერთს ასრულებენ – არიან ან სრულად ვაქცინირებული, ან კორონავირუსის დადასტურებიდან არ გასულა ექვსი თვე, ან კვირაში ერთხელ წარადგენენ PCR–ტესტის უარყოფით პასუხს.

„COVID-19-თან ბრძოლის ამ ურთულეს პერიოდში თბილისის სახელმწიფო სამედიცინო უნივერსიტეტის (თსსუ) სოციალური პასუხისმგებლობა განუზომლად დიდია. თსსუ – უმაღლესი სამედიცინო განათლების ძირითადი კერაა საქართველოში და მისი თანამშრომლები, სტუდენტები პანდემიის დაწყების დღიდან აქტიურად არიან ჩართული უხილავ მტერთან ბრძოლაში. დღეს, როცა პანდემიის დასრულების გზა ვაქცინაციაზე გადის, თბილისის სახელმწიფო სამედიცინო უნივერსიტეტმა მისი უპირველესი მოვალეობა – შეექმნა უსაფრთხო ეპიდემიოლოგიური გარემო 8.000-მდე სტუდენტისთვის – დიდი წარმატებით შეასრულა“, – ნათქვამია უმაღლესი სასწავლებლის განცხადებაში.

სექტემბერში საქართველოს მთავრობამ გადაწყვიტა, რომ სამედიცინო სასწავლებლებში სტუდენტებმა, რომლებიც პრაქტიკას გადიან არადისტანციურად, უნდა წარადგინონ ან ცნობა ვაქცინაციის შესახებ, ან უარყოფითი PCR–ტესტი კვირაში ერთხელ. ასევე შეძლებენ ისინი პრაქტიკულ მეცადინეობებზე დასწრებას, თუ წარადგენენ ცნობას, რომ ბოლო ექვსი თვის განმავლობაში გადაიტანეს კორონავირუსი.
ყველა ახალი ამბავი
0