Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

„ერთ-ერთ საარჩევნო უბანზე სკანერი გაფუჭდა“ - რა შენიშვნა აქვს ევროპარლამენტარს

© photo: Sputnik / Stringerარჩევნები
არჩევნები - Sputnik საქართველო, 1920, 02.10.2021
გამოწერა
საქართველოს მოქალაქეები დღეს მერებსა და საკრებულოს დეპუტატებს ირჩევენ.
თბილისი, 2 ოქტომბერი- Sputnik. ბევრი საარჩევნო უბანი მეორე სართულზეა განთავსებული და რთულად ხელმისაწვდომია შეზღუდული შესაძლებლობების მქონე პირებისთვის, განაცხადა თვითმმართველობის არჩევნებზე ევროპარლამენტის დელეგაციის თავმჯდომარემ, მიხაელ გალერმა.
საქართველოს მოქალაქეები დღეს მერებსა და საკრებულოს დეპუტატებს ირჩევენ.
„ამ დროისთვის, შეგვიძლია ვთქვათ, რომ პროცესი ჩვეულ რეჟიმში მიმდინარეობს. ბევრი საარჩევნო უბანი მეორე სართულზეა განთავსებული და რთულად ხელმისაწვდომია შეზღუდული შესაძლებლობების მქონე პირებისთვის. ასე რომ, მცირე პრობლემა არის, თუმცა ეს არის ტექნიკური საკითხი. ერთ-ერთ საარჩევნო უბანზე სკანერი გაფუჭდა, თუმცა ესეც არის ტექნიკურად მოსაგვარებელი საკითხი“, - აღნიშნა გალერმა.
მისი თქმით, ზოგადად, პროცედურა ნორმალურად მიმდინარეობს.
„ჩვენ დავაკვირდით უბნების გახსნის პროცესს ამ დილით, უბნების გახსნამ მშვიდ ვითარებაში ჩაიარა. ისინი დროულად გაიხსნა. ყველა საჭირო მასალა ხელმისაწვდომი იყო, პერსონალი ადგილზე იმყოფებოდა“, - განაცხადა ევროპარლამენტარმა.
ცესკოს ბოლო მონაცემებით, 2 ოქტომბრის არჩევნებზე რეგისტრაცია გაიარა 89 ადგილობრივმა და 53-მა საერთაშორისო სადამკვირვებლო ორგანიზაციამ.
კარლ ჰარცელი - Sputnik საქართველო, 1920, 02.10.2021
არჩევნები 2021
კარლ ჰარცელი: ეს არის მნიშვნელოვანი არჩევნები საქართველოს მომავლისთვის
საქართველოს კანონმდებლობით, ადგილობრივი და საერთაშორისო დამკვირვებლების უფლებები ერთმანეთისგან განსხვავდება.
მაგალითად, საერთაშორისო დამკვირვებლებს შეუძლიათ მხოლოდ დააკვირდნენ არჩევნების პროცესს, ხმების დათვლის პროცესს და გაეცნონ კენჭისყრის შედეგების შემაჯამებელ ოქმებს.
2 ოქტომბრის არჩევნებზე ქვეყანაში გაიხსნა 3.664 საარჩევნო უბანი.
12:00 საათისთვის საკუთარი არჩევანი უკვე დააფიქსირა ამომრჩეველთა 17,72% -მა.
საკრებულოს არჩევნები შერეული სისტემით ტარდება. პროპორციული სისტემით დეპუტატებს პარტიებისთვის მიცემული ხმებით აირჩევენ, ხოლო მაჟორიტარებს - კანდიდატისთვის ხმის მიცემით.
არჩევნები ამომრჩევლის ნებისმიერი აქტივობის შემთხვევაში ჩაითვლება ჩატარებულად.
ყველა ახალი ამბავი
0