ეს არჩევნები განსაზღვრავს ამ ქვეყნის მინიმუმ 10-15 წლის განვითარების პერსპექტივას - მელია
10:32 02.10.2021 (განახლებულია: 13:08 02.10.2021)
© photo: Sputnik / Stringerნიკა მელია
© photo: Sputnik / Stringer
გამოწერა
ნიკა მელიამ საკუთარი არჩევანი უკვე დააფიქსირა
თბილისი, 2 ოქტომბერი - Sputnik. ეს არჩევნები განსაზღვრავს ამ სახელმწიფოს მინიმუმ 10-15 წლის განვითარების პერსპექტივას, განაცხადა თბილისის მერობის კანდიდატმა ნიკა მელიამ საარჩევნო უბანზე ხმის მიცემის შემდეგ ჟურნალისტებთან.
„ვემზადებით ყველაფრისთვის, რაც ამ ქვეყანას სჭირდება. თქვენ გგონიათ „ქართული ოცნება“ მოიგებს? იცით რა მაწუხებს, როცა თქვენ, ერთს განიცდით, ერთს ფიქრობთ და მეორეს საუბრობთ. ეს უნდა დასრულდეს ამ ქვეყანაში, როცა გულწრფელობა ძალდატანებით არის ჩრდილში მოქცეული“, - მიმართა ნიკა მელიამ ჟურნალისტების ნაწილს.
ნიკა მელიამ საზოგადოებას არჩევნებში მონაწილეობისკენ მოუწოდა.
2 ოქტომბრის არჩევნებზე ქვეყანაში გაიხსნა 3.664 საარჩევნო უბანი.
საკრებულოს არჩევნები შერეული სისტემით ტარდება. პროპორციული სისტემით დეპუტატებს პარტიებისთვის მიცემული ხმებით აირჩევენ, ხოლო მაჟორიტარებს - კანდიდატისთვის ხმის მიცემით.
არჩევნები ამომრჩევლის ნებისმიერი აქტივობის შემთხვევაში ჩაითვლება ჩატარებულად.