„ისე მენატრებოდა აქაურობა“ – მიხეილ სააკაშვილი ბათუმშია? – ვრცელდება ვიდეო

© photo: Sputnikმიხეილ სააკაშვილი
მიხეილ სააკაშვილი - Sputnik საქართველო, 1920, 01.10.2021
გამოწერა
რამდენიმე წუთის წინ ექს-პრეზიდენტმა გაავრცელა ვიდეო, სადაც მიხეილ სააკაშვილი საზოგადოებას ბათუმიდან მიმართავს.
თბილისი, 1 ოქტომბერი — Sputnik. საქართველოს ყოფილი პრეზიდენტი მიხეილ სააკაშვილი ახალ ვიდეოს აქვეყნებს. როგორც სააკაშვილი ვიდეომიმართვაში განმარტავს, ის ბათუმში იმყოფება.
„ეს არის ბათუმი. 2 ოქტომბერს უნდა მივიდეთ არჩევნებზე, მივცეთ ხმა „ნაციონალურ მოძრაობას“ და არავითარ შემთხვევაში არც ივანიშვილს, არც გახარიას. აქ უნდა ყოფილიყო ბათუმის ტექნოლოგიური უნივერსიტეტი, რომელიც გაანადგურეს. ხომ ხედავთ, ყველაფერი გავრისკე... ისე მენატრებოდა აქაურობა... დღეს არის ჩემი ოცნების აღსრულება“, – აცხადებს ვიდეომიმართვაში მიხეილ სააკაშვილი.
საქართველოს მესამე პრეზიდენტმა საკუთარ Facebook-გვერდზე რამდენიმე საათის წინ გამოაქვეყნა წარწერა: „დილა მშვიდობისა საქართველო. უკვე საქართველოდან 8 წლის შემდეგ.
ექს-პრეზიდენტმა მანამდე, 27 სექტემბერს საკუთარ Facebook-გვერდზე თბილისში გამოფრენის დამადასტურებელი ავიაბილეთის ჯავშნის ფოტო გაავრცელა, რომლის თანახმადაც, იგი დედასთან გიული ალასანიასთან ერთად თბილისში 2 ოქტომბერს – თვითმმართველობის არჩევნების დღეს, 23:05 საათზე უნდა ჩამოფრენილიყო.
ჯერჯერობით უცნობია, თუ სად იმყოფება ამჟამად სააკაშვილი და მართლა შეძლო თუ არა მან ქვეყნის საზღვრის გადმოკვეთა. საქართველოს შინაგან საქმეთა სამინისტრო არც ადასტურებს და არც უარყოფს მესამე პრეზიდენტის ქვეყანაში ჩამოსვლას.
მმართველ პარტია „ქართული ოცნება – დემოკრატიულ საქართველოში“ სააკაშვილის დაბრუნებას ეჭვით უყურებდნენ და აცხადებდნენ, რომ თუ სააკაშვილი სამშობლოში დაბრუნდება, მას დააკავებენ. მიხეილ სააკაშვილმა საქართველო 2013 წლის ნოემბერში დატოვა და მას შემდეგ სამშობლოში აღარ დაბრუნებულა, თუმცა არაერთხელ დადო უკან დაბრუნების პირობა. ექს-პრეზიდენტზე შიდასახელმწიფოებრივი ძებნაა გამოცხადებული. 2015 წელს მას ჩამოერთვა საქართველოს მოქალაქეობა და უკვე ექვსი წელია ის უკრაინის მოქალაქეა.
ყველა ახალი ამბავი
0