https://sputnik-georgia.com/20210928/demna-gvasalia-guram-gvasalia-259954783.html
გაიცანით დემნა გვასალიას უცნობი ძმა გურამი, რომელიც ასევე მოდის სფეროში მოღვაწეობს – ფოტო
გაიცანით დემნა გვასალიას უცნობი ძმა გურამი, რომელიც ასევე მოდის სფეროში მოღვაწეობს – ფოტო
Sputnik საქართველო
დემნა გვასალია ბოლო დროს ძალიან პოპულარული გახდა. ბევრმა არ იცის, რომ მას ჰყავს ძმა გურამი, რომელიც ასევე მოდის სფეროში მოღვაწეობს. 28.09.2021-ს, Sputnik საქართველო
2021-09-28T12:01+0400
2021-09-28T12:01+0400
2023-08-17T12:57+0400
ქართველი ცნობადი სახეები
https://cdnn1.img.sputnik-georgia.com/img/24662/65/246626547_0:178:1101:797_1920x0_80_0_0_d8a83d227002437aebdf0bd267e10a52.jpg
დემნა გვასალია დღეს ის სახელი და გვარია, რომელიც თავისთავადაც უკვე ბრენდად იქცა და მსოფლიო იცნობს. რა ხანია, დემნამ საკუთარი სიტყვა თქვა მსოფლიო მოდაში, ჯერ თავისი ბრენდით - „ვეტემენტსით“, ახლა კი „ბალენსიაგას“ სახელით.ბევრმა არ იცის, რომ დემნას სახელი მოდის სამყაროში თავდაპირველად სწორედ ამ ბრენდის სახელით გაისმა, რომელიც მან და მისმა უმცროსმა ძმამ - გურამმა შექმნეს. ბიჭები სოხუმში დაიბადნენ, მერე, ომის შემდეგ მცირე ხანს თბილისში ცხოვრობდნენ, შემდეგ - უკრაინაში, მერე კი ემიგრაციაში წავიდნენ გერმანიაში.გვასალიას ოჯახი თავდაპირველად საცხოვრებლად დიუსელდორფში გადავიდა 2000 წელს, სადაც წელიწად-ნახევრის განმავლობაში დარჩა და დემნა სწორედ აქ მიხვდა, რა სურდა. მიუხედავად ოჯახის სურვილისა, რომ ბანკში დაეწყო მუშაობა, 2002 წელს ანტვერპენში Royal Academ of Fine Arts-ში დაიწყო სწავლა. მსგავსი ისტორია აქვს გურამსაც, ის ლონდონში, მოდის სკოლაში სწავლობდა.„შემდეგ დავბრუნდი პარიზში და კონსულტაციებს ვუტარებ დღესაც დიდ და მცირე ბრენდებს განვითარებასა და წინსვლაში", – ამბობს გურამი, რომელიც ასევე არის ავტორი წიგნისა Size Zero: A Guide To Spiritual Management და ლექციებსაც ატარებს ამ თემაზე.გურამი ახლაც ძმების მიერ ერთად დაარსებული ბრენდის Vetements-ის გენერალური დირექტორია, ამბობს, რომ ხშირად ენატრება საქართველო.რაც შეეხება პირველ წარმატებებს, მათი აზრით, ერთ-ერთი მიზეზი ის არის, რომ სწორად შეაფასეს დრო და სოციალური ქსელები. ასევე ის, რომ კოლაბორაციის ფასს მიხვდნენ და შედეგად – სხვადასხვა ბრენდთან ერთობლივი კოლექციები მოდის ინდუსტრიაში ერთ-ერთ მთავარ ტრენდად იქცა.
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
დემნა გვასალია გურამ გვასალია
დემნა გვასალია გურამ გვასალია
გაიცანით დემნა გვასალიას უცნობი ძმა გურამი, რომელიც ასევე მოდის სფეროში მოღვაწეობს – ფოტო
12:01 28.09.2021 (განახლებულია: 12:57 17.08.2023) დემნა გვასალია ბოლო დროს ძალიან პოპულარული გახდა. ბევრმა არ იცის, რომ მას ჰყავს ძმა გურამი, რომელიც ასევე მოდის სფეროში მოღვაწეობს.
დემნა გვასალია დღეს ის სახელი და გვარია, რომელიც თავისთავადაც უკვე ბრენდად იქცა და მსოფლიო იცნობს. რა ხანია, დემნამ საკუთარი სიტყვა თქვა მსოფლიო მოდაში, ჯერ თავისი ბრენდით - „ვეტემენტსით“, ახლა კი „ბალენსიაგას“ სახელით.
„ჩემი საკუთარი ისტორიის, ამბის მოთხრობა მინდოდა. ამით დავუბრუნდი ნამდვილ ფესვებს ჩემს ნაღვლიან ქვეყანაში. დიდი ზომის ტანსაცმელი ჩემი ბიძაშვილების გარდერობიდანაა, მათ მაშინ ფული ჰქონდათ, მე კი წარმოდგენაც არ მქონდა, თუ საერთოდ არსებობდა მოდა”, – ამბობდა გვასალია ძმასთან ერთად შექმნილი ბრენდის „ვეტემენტსის“ ერთ-ერთი ჩვენების შემდეგ.
ბევრმა არ იცის, რომ დემნას სახელი მოდის სამყაროში თავდაპირველად სწორედ ამ ბრენდის სახელით გაისმა, რომელიც მან და მისმა უმცროსმა ძმამ - გურამმა შექმნეს. ბიჭები სოხუმში დაიბადნენ, მერე, ომის შემდეგ მცირე ხანს თბილისში ცხოვრობდნენ, შემდეგ - უკრაინაში, მერე კი ემიგრაციაში წავიდნენ გერმანიაში.
გვასალიას ოჯახი თავდაპირველად საცხოვრებლად დიუსელდორფში გადავიდა 2000 წელს, სადაც წელიწად-ნახევრის განმავლობაში დარჩა და დემნა სწორედ აქ მიხვდა, რა სურდა. მიუხედავად ოჯახის სურვილისა, რომ ბანკში დაეწყო მუშაობა, 2002 წელს ანტვერპენში Royal Academ of Fine Arts-ში დაიწყო სწავლა. მსგავსი ისტორია აქვს გურამსაც, ის ლონდონში, მოდის სკოლაში სწავლობდა.
„შემდეგ დავბრუნდი პარიზში და კონსულტაციებს ვუტარებ დღესაც დიდ და მცირე ბრენდებს განვითარებასა და წინსვლაში", – ამბობს გურამი, რომელიც ასევე არის ავტორი წიგნისა Size Zero: A Guide To Spiritual Management და ლექციებსაც ატარებს ამ თემაზე.
გურამი ახლაც ძმების მიერ ერთად დაარსებული ბრენდის Vetements-ის გენერალური დირექტორია, ამბობს, რომ ხშირად ენატრება საქართველო.
„მიყვარს ჩემი ქვეყანა და ვამაყობ, რომ საქართველოდან ვარ. ეს დიდ ძალას მაძლევს. რა იქნებოდა, საქართველოში რომ დავრჩენილიყავი? ყველაფერი ღმერთის ნებაა. თუმცა თუ მაინც დავრჩებოდი, ალბათ პრეზიდენტად ვიყრიდი კენჭს“, – ამბობს გურამი.
რაც შეეხება პირველ წარმატებებს, მათი აზრით, ერთ-ერთი მიზეზი ის არის, რომ სწორად შეაფასეს დრო და სოციალური ქსელები. ასევე ის, რომ კოლაბორაციის ფასს მიხვდნენ და შედეგად – სხვადასხვა ბრენდთან ერთობლივი კოლექციები მოდის ინდუსტრიაში ერთ-ერთ მთავარ ტრენდად იქცა.
