https://sputnik-georgia.com/20210927/covid-19-warmosobis-gamozieba-ganaxldeba-259922478.html
გებრეიესუსის მოთხოვნით: ჯანმო ვირუსის წარმოშობის გამოძიებას განაახლებს
გებრეიესუსის მოთხოვნით: ჯანმო ვირუსის წარმოშობის გამოძიებას განაახლებს
Sputnik საქართველო
თბილისი, 27 სექტემბერი — Sputnik. ჯანმრთელობის მსოფლიო ორგანიზაცია (ჯანმო) COVID-19-ის პანდემიის გამომწვევი ვირუსის წარმოშობასთან დაკავშირებით გამოძიების... 27.09.2021-ს, Sputnik საქართველო
2021-09-27T11:07+0400
2021-09-27T11:07+0400
2023-07-20T15:52+0400
მსოფლიო დღეს
covid-19
მსოფლიოს ახალი ამბები
https://cdnn1.img.sputnik-georgia.com/img/07e5/02/0a/250846493_0:0:2047:1151_1920x0_80_0_0_7798500728b391e1000fb457974d8ce7.jpg
თბილისი, 27 სექტემბერი — Sputnik. ჯანმრთელობის მსოფლიო ორგანიზაცია (ჯანმო) COVID-19-ის პანდემიის გამომწვევი ვირუსის წარმოშობასთან დაკავშირებით გამოძიების განახლებას გეგმავს, იწყება The Wall Street Journal.როგორც ჯანმოს წარმომადგენლები აცხადებენ, ამ ამოცანის შესრულებამდე ცოტა დრო დარჩა. ორგანიზაცია 20-კაციან გუნდს კრებს, რომელშიც ბიოდაცვისა და ლაბორატორიული უსაფრთხოების სპეციალისტები, ასევე ცხოველთა დაავადებების ექსპერტები შევლენ.მანამდე ვირუსის წარმოშობის გამოსაძიებლად მეცნიერთა საერთაშორისო ჯგუფი ჩინეთში მიმდინარე წლის იანვარ-თებერვალში იმყოფებოდა. ისინი ეწვივნენ უჰანის ვირუსოლოგიის ინსტიტუტსა და ასევე ლაბორატორია BSL-4-ს, რომელსაც უკავშირდება ვირუსის გაჟონვასთან დაკავშირებული ხმები. გარდა ამისა, მეცნიერებმა მოინახულეს ზღვის პროდუქტების ბაზარი „ჰუანანი“, საავადმყოფო და ასევე დაავადებათა კონტროლისა და პროფილაქტიკის ცენტრი.საერთაშორისო ჯგუფის შემაჯამებელი დასკვნის თანახმად, ვირუსი SARS-CoV-2, დიდი ალბათობით, ადამიანს ღამურებისგან გადაედო სხვა ცხოველის გავლით: მსგავსი პათოგენები აღმოჩენილია პანგოლინებშიც, რაც ასევე მეტყველებს ვირუსის სახეობათშორის გადაცემაზე. გამომდინარე იქიდან, რომ სპეციალისტებმა ვირუსის წყარო ვერ დაადგინეს, ჯანმოს გენერალურმა დირექტორმა ტედროს ადანომ გებრეიესუსმა ლაბორატორიიდან გაჟონვის შესახებ ვერსიის გამოძიება მოითხოვა.აგვისტოს დასაწყისში აშშ-ის კონგრესის წარმომადგენელთა პალატამ, ღია წყაროებსა და ირიბ მტკიცებულებებზე დაყრდნობით, გამოაქვეყნა ანგარიში, რომლის თანახმადაც, ვირუსი უჰანის ლაბორატორიაშია წარმოშობილი. ჩინეთის დაავადებათა კონტროლისა და პროფილაქტიკის ცენტრის სპეციალისტები, თავის მხრივ, ვარაუდობენ, რომ კორონავირუსი უჰანში შესაძლოა გაყინული პროდუქტების შეფუთვებიდან მოხვდა. მანამდე იგივე ჰიპოთეზა წამოაყენა ჯანმოს სამუშაო ჯგუფმაც, თუმცა ის პრიორიტეტულად არ მიიჩნიეს.
https://sputnik-georgia.com/20210824/SARS-CoV-2-dazvervis-axali-angariSi-252658393.html
https://sputnik-georgia.com/20210607/amerikelma-mecnierebma-koronavirusis-xelovnuri-warmoSoba-daamtkices-251957470.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/02/0a/250846493_159:0:2047:1416_1920x0_80_0_0_03d4fc9f9dcd34051be3e1411a603b94.jpgSputnik საქართველო
media@sputniknews.com
+74956456601
MIA „Rosiya Segodnya“
covid-19, მსოფლიოს ახალი ამბები
covid-19, მსოფლიოს ახალი ამბები
თბილისი, 27 სექტემბერი — Sputnik. ჯანმრთელობის მსოფლიო ორგანიზაცია (ჯანმო) COVID-19-ის პანდემიის გამომწვევი ვირუსის წარმოშობასთან დაკავშირებით გამოძიების განახლებას გეგმავს, იწყება
The Wall Street Journal.
როგორც ჯანმოს წარმომადგენლები აცხადებენ, ამ ამოცანის შესრულებამდე ცოტა დრო დარჩა. ორგანიზაცია 20-კაციან გუნდს კრებს, რომელშიც ბიოდაცვისა და ლაბორატორიული უსაფრთხოების სპეციალისტები, ასევე ცხოველთა დაავადებების ექსპერტები შევლენ.
მანამდე ვირუსის წარმოშობის გამოსაძიებლად მეცნიერთა საერთაშორისო ჯგუფი ჩინეთში მიმდინარე წლის იანვარ-თებერვალში იმყოფებოდა. ისინი ეწვივნენ უჰანის ვირუსოლოგიის ინსტიტუტსა და ასევე ლაბორატორია BSL-4-ს, რომელსაც უკავშირდება ვირუსის გაჟონვასთან დაკავშირებული ხმები. გარდა ამისა, მეცნიერებმა მოინახულეს ზღვის პროდუქტების ბაზარი „ჰუანანი“, საავადმყოფო და ასევე დაავადებათა კონტროლისა და პროფილაქტიკის ცენტრი.
საერთაშორისო ჯგუფის შემაჯამებელი დასკვნის თანახმად, ვირუსი SARS-CoV-2, დიდი ალბათობით, ადამიანს ღამურებისგან გადაედო სხვა ცხოველის გავლით: მსგავსი პათოგენები აღმოჩენილია პანგოლინებშიც, რაც ასევე მეტყველებს ვირუსის სახეობათშორის გადაცემაზე. გამომდინარე იქიდან, რომ სპეციალისტებმა ვირუსის წყარო ვერ დაადგინეს, ჯანმოს გენერალურმა დირექტორმა ტედროს ადანომ გებრეიესუსმა ლაბორატორიიდან გაჟონვის შესახებ ვერსიის გამოძიება მოითხოვა.
აგვისტოს დასაწყისში აშშ-ის კონგრესის წარმომადგენელთა პალატამ, ღია წყაროებსა და ირიბ მტკიცებულებებზე დაყრდნობით, გამოაქვეყნა ანგარიში, რომლის თანახმადაც, ვირუსი უჰანის ლაბორატორიაშია წარმოშობილი. ჩინეთის დაავადებათა კონტროლისა და პროფილაქტიკის ცენტრის სპეციალისტები, თავის მხრივ, ვარაუდობენ, რომ კორონავირუსი უჰანში შესაძლოა გაყინული პროდუქტების შეფუთვებიდან მოხვდა. მანამდე იგივე ჰიპოთეზა წამოაყენა ჯანმოს სამუშაო ჯგუფმაც, თუმცა ის პრიორიტეტულად არ მიიჩნიეს.