Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

„კარგი ამბები გვაქვს“: თინა ხიდაშელის ჯანმრთელობის მდგომარეობა გაუმჯობესდა

© Sputnik / Alex Shlamovთინა ხიდაშელი
თინა ხიდაშელი - Sputnik საქართველო, 1920, 26.09.2021
გამოწერა
თინა ხიდაშელმა კორონავირუსით გამოწვეულ ავადმყოფობას დღემდე ვერ დააღწია თავი. პოლიტიკოსს სერიოზული მკურნალობა დასჭირდა, ის დამოუკიდებლად ჯერ კიდევ ვერ გადაადგილდება.
ყოფილი თავდაცვის მინისტრი თინა ხიდაშელი გამოკვლევებზე კვლავ იმყოფება გერმანიაში, სადაც მას მისი მეუღლე დავით უსუფაშვილი ახლავს. ამის შესახებ „ფეისბუქზე” მან თავად დაწერა. ყოფილი მინისტრი თავის მეგობრებს სასიხარულო ამბავს უზიარებს. მისი თქმით, ექიმები დარწმუნებული არიან, რომ ის სიარულს დამოუკიდებლად შეძლებს.
„ფუნქცია, რომელიც ფაქტიურად მკვდარი და თითქოს უიმედო იყო, აღდგა. რაც იმას ნიშნავს, რომ სრულფასოვან სიარულს შევძლებ. რა თქმა უნდა დრო დასჭირდება ამ ყველაფერს, მაგრამ დღეს უკვე ეჭვი აღარ აქვთ, რომ ძველებურად გავივლი“, - წერს თინა ხიდაშელი.
მისი თქმით, გერმანიაში კიდევ ერთი კვირის განმავლობაში მას დამატებითი კვლევები ჩაუტარდება.
როგორც თინა ხიდაშელი წერს, ავადმყოფობის გამო საქართველოში საარჩევნო პროცესს გამოეთიშა, მაგრამ გერმანიაში დღეს მიმდინარე საპარლამენტო არჩევნებს და „ლიბერალების ღონისძიებებს“ დაესწრო.
თინა ხიდაშელს კორონავირუსი მიმდინარე წლის 18 თებერვალს დაუდასტურდა და მას საავადმყოფოში მკურნალობდნენ. გარკვეული პერიოდის შემდეგ კლინიკიდან გაწერეს, მაგრამ ჯანმრთელობის მდგომარეობის გაუარესების გამო ისევ საავადმყოფოში გადაიყვანეს.
ყველა ახალი ამბავი
0