როცა ბავშვი ეჭვიანობს: როგორ მოვამზადოთ შვილები ახალშობილ დასთან ან ძმასთან შესახვედრად

CC BY-SA 2.0 / Ben Grey / Big Brotherუფროსი შვილი უმცროსთან შესახვედრად მის დაბადებამდე მოამზადეთ
უფროსი შვილი უმცროსთან შესახვედრად მის დაბადებამდე მოამზადეთ - Sputnik საქართველო, 1920, 25.09.2021
გამოწერა
НовостиTelegram
სულ მალე მომდევნო შვილს ელოდებით და არ იცით როგორ შეხვდებიან მას უფროსი დედმამიშვილები?
დამეთანხმებით, ბევრისთვის ეს მტკივნეული თემაა, რადგან ზოგჯერ პატარები არც ისე კეთილგანწყობილები ხვდებიან ოჯახის ახალ ბინადარს. იწყება ეჭვიანობა, ჭირვეულობა, რასაც შესაძლოა უფრო დიდი პრობლემები მოჰყვეს.
როგორ უნდა მოიქცეს მშობელი, რომ ეს პრობლემები თავიდან აიცილოს, როგორ შეამზადოს პატარა დაიკოსთან ან ძამიკოსთან შესახვედრად, ამის შესახებ „ავერსის“ პედიატრიული სამსახურის უფროსი, ბლოგერი თამარ ობგაიძე საუბრობს.
© FB / Pikis Saatiთამარ ობგაიძე
თამარ ობგაიძე - Sputnik საქართველო, 1920, 24.09.2021
თამარ ობგაიძე
- ეს რთული, მაგრამ განსაკუთრებული პერიოდია - შენ ხომ დედა კიდევ ერთხელ ხდები! გახსოვდეს, რომ ეს სასიამოვნო ამბავი ოჯახის უფროსი წევრების გარდა შვილებსაც უნდა შეატყობინო. ცოტა ხანში ხომ მათი ცხოვრებაც ძალიან შეიცვლება. სხვადასხვა ასაკის ბავშვი სხავადასხვაგავარად რეაგირებს ამ სიახლეზე და ამიტომ განსხვავებული მიდგომა დაგჭირდება. მოდი, ასაკის მიხედვით განვიხილოთ.
1-2 წლამდე ასაკის ბავშვი
ეს ის პერიოდია, როცა პატარას ბევრი არაფერი გაეგება იმისა, რასაც უხსნი ოჯახში მატების შესახებ. ეჭვიანობაც ყველაზე ნაკლებად სწორედ ამ ასაკში გამოიხატაება, თუმცა საუბარი და ახსნა მაინც აუცილებელია. ყველაზე კარგად ეს ნახატებიანი წიგნებით გამოვა. ამ წიგნებში უნდა ჩანდეს ახალშობილი, უფროსი და-ძმები, მშობლები. დათვალიერებისას აუხსენი, რომ სწორედ ასეთი პატარა მოვა მასთან სულ მალე. და ამ ახალ ადამიანს ჰქვია და ან ძმა. მაშინ კი, როცა შინ ოჯახის ახალი წევრით დაბრუნდები, არ დაივიწყო, რომ მომლოდინე პატარას რაიმე საჩუქარიც მოუტანო თან. მისთვის დის ან ძმის გაცნობასთან ერთად ეს საჩუქარი უფრო სასიმაოვნო ატმოსფეროს შექმნის.
ბავშვი  - Sputnik საქართველო, 1920, 24.02.2021
ბავშვი, რომელიც ყველაფერს გიჯერებთ, პიროვნება ვერ გახდება
2-4 წელი
დიახ, აქ გაცილებით რთულადაა საქმე. ეს ხომ ის პერიოდია, როცა ბავშვი მთლიანად მოკედლებული გყავს და ზოგჯერ საპირფარეშოშიც არ გიშვებს მარტოს. სწორედ ამიტომ, ამ ასაკობრივ ჯგუფს განსაკუთრებული მომზადება და ყურადღება სჭირდება, სანამ ოჯახის ახალ წევრს შეხვდება.
გაითვალისწინეთ, ამ პატარა არსებაში ის საფრთხეს ხედავს - ის ხომ მეტ ყურადღებას ითხოვს და იღებს?! მზადება, რა თქმა უნდა ორსულობიდანვე იწყება. ვინ გიზის გაბერილ მუცელში და რას უქადის ეს ამბავი მას, აუცილებლად უნდა აცნობო. ფერადი, მხიარული წიგნები ამ შემთხვევაშიც გამოგადგება, მაგალითად კი მისი მეგობრები ან ნათესავებიც გამოდგებიან, მათაც ხომ ჰყავთ სახლში პატარა და-ძმა.
როცა მომავალ შვილს საჭირო ნივთებს უყიდით, არც უფროსისთვის დაივიწყოთ საჩუქარი. აუცილებლად აცნობეთ, რომ პატარა დას ან ძმას ყურადრება და მოვლა დასჭირდება, ის ხანდახან იტირებს. კარგი იქნება, თუ უყიდი ახალ თოჯინას, რომელზეც იზრუნებს თავად. დაათვალიერეთ ერთად მისი ადრეული ბავშვობის ფოტოები, აჩვენე, როგორი პატარა იყო, როცა შენს ცხოვრებაში მოვიდა, ახლა კი სწორედ ასეთს მოიყვან სულ მალე.
ზოგჯერ სტრესი პატარასთვის რთული გადასატანია. შეიძლება ტუალეტს უკვე მიჩვეულ ბავშვს მოულოდნელად დაეწყოს „მარცხი“, მოინდომოს უკვე დავიწყებული საწოვარა. ამიტომ მას განსაკუთრებული ყურადღება და მოფერება სჭირდება სტრესის დასაძლევად. სამშობიუარო სახლში წასვლის წინ აუცილებლად დაემშვიდობე და აცნობე, რომ სულ მალე დაბრუნდები იმ პატარასთან ერთად, რომლის შესახებაც უყვებოდი.
ახალშობილისა და დედის ხელები - Sputnik საქართველო, 1920, 12.12.2018
როგორ უნდა მიხვდეს დედა, რომ ჩვილი დაპურებულია: დააკვირდით ხელს
5 წლის ასაკიდან
ამ ასაკის ბავშვებთან საუბარი უფრო ადვილია, გამონაკლისები, რა თქმა უნდა იქნებიან. ეჭვიანობის სცენებსაც მოაწყობენ, ჭამაზეც უარს იტყვიან, მაგრამ ალერსიანი ახსნით, დასაჩუქრებით, მის განსაკუთრებულობაზე ხაზგასმით, ნელ-ნელა მიაღწევთ შედეგს.
ესაუბრე და აუხსენი მისთვის გასაგებ ენაზე. ერთად მოუმზდეთ ახალშობილს სამოსი, მოვლის საგნები. მოუწყეთ კუთხე. ერთად შეარჩიეთ ახალშობილის სახელი. არ დაგავიწყდეს საჩუქრების ყიდვა და ახსნა, რომ ახალშობილი დიდ დროს და ყურადღებას მოითხოვს, ამიტომ მისი დახმარების გარეშე არაფერი გამოვა.
როცა ბავშვი გრძნობს საჭიროებას, ის გაცილებით მშვიდად და თან საქმიანად ხვდება ოჯახის ახალ წევრს. მისი გამოჩენისას კი აუცილებლად ჩართე უფროსი მოვლის საკთხებში, დაასაქმე, მას შეუძლია მოგიტანოს საფენი ან გადაგდოს ჭუჭყიანი საფენი, მოგაწოდოს სამოსი ან სხვა საჭირო ნივთები. ჩართე ყოველდღიური მოვლის რუტინაში.
მას შემდეგ, რაც სახლში ოჯახის ახალი წევრით დაბრუნდები, ყოველთვის უნდა გამოძებნო დრო უფროსი შვილებთან თამაშის, კითხვის, სეირნობის და სხვა აქტივობისათვის. მათ უნდა იგრძნონ, რომ დედა მათიცაა. ისინი ხომ განსაკუთრებულები არიან!
და, ბოლოს, არ დაგვავიწყდეს მამიკო! მას ხომ იმდენი შეუძლია, იმდენი... ის აუცილებლად უნდა ჩაერთოს პატარების მომზადების საკითხში. ერთად სეირნობით თუ სხვადასხვაგვარი აქტივობით, ერთობლივი ზრუნვით ოჯახი კიდევ უფრო მეტად ერთიანი გახდება. და ასე პრობლემებიც ადვილად გვარდება.
ყველა ახალი ამბავი
0