საქართველოს იმიჯს აზიანებენ – ტურისტული სექტორი თაღლითებზე

© Sputnik / Alexander Imedashvili ერთ–ერთი კაფე თბილისში
ერთ–ერთი კაფე თბილისში - Sputnik საქართველო, 1920, 23.09.2021
გამოწერა
შინაგან საქმეთა სამინისტრომ თბილისში ორი ბარი დალუქა, სადაც უცხოელებს უსინდისოდ ატყუებდნენ.
თბილისი, 23 სექტემბერი – Sputnik. თაღლითების დამნაშავე ჯგუფის მხილება და დასჯა ქვეყანაში ტურიზმის განვითარებისთვის მნიშვნელოვანია, მიიჩნევენ საქართველოს გიდების ასოციაციაში.
შინაგან საქმეთა სამინისტრომ გუშინ ტურისტების ძარცვის თაღლითური სქემა გახსნა. სპეცოპერაცია თბილისის ორ ბარში – „სკარპასა“ და „როიალში“ ჩატარდა. ჯერჯერობით დაკავებულია ბარ „სკარპას“ მფლობელი. გამოძიება სსკ-ის ორი – თაღლითობისა და ქურდობის მუხლით მიმდინარეობს, რაც ექვსიდან ცხრა წლამდე პატიმრობას ითვალისწინებს.
გიდების განცხადებაში აღნიშნულია, რომ ასეთი თაღლითური სქემები ტურისტულ სფეროში მომუშავე ადამიანებს დიდი ხანია აწუხებთ.

„მსგავსი თაღლითური სქემები მრავალი წელია აწუხებს ტურიზმის სექტორში ჩართულ პირებს და ქვეყნის სტუმრებს. აღნიშნულის აღკვეთა კი უაღრესად მნიშვნელოვანია ტურიზმის სტაბილურად განვითარებისა და ქვეყნის იმიჯისთვის“, – ნათქვამია განცხადებაში

შსს-ს მოქმედებებს მიესალმება ასევე ტურიზმის ეროვნული ადმინისტრაციის თავმჯდომარის მოვალეობის შემსრულებელი მედეა ჯანიაშვილი. მისი თქმით, ამგვარი თაღლითობა სერიოზულად ურტყამს საქართველოს, როგორც ტურისტული ქვეყნის იმიჯს საერთაშორისო ბაზარზე.
„მსგავსი თაღლითური ქმედებები მნიშვნელოვნად აზიანებს საქართველოს, როგორც ტურისტული ქვეყნის იმიჯს საერთაშორისო ბაზარზე. ამდენად, მნიშვნელოვანია და, რა თქმა უნდა, ძალზე მისასალმებელი შინაგან საქმეთა სამინისტროს მიერ ასეთი ფაქტების ოპერატიულად გამოვლენა და აღკვეთა“, – განაცხადა ჯანიაშვილმა.
ტურისტები თბილისის ქუჩებში ღამით - Sputnik საქართველო, 1920, 22.09.2021
როგორ ძარცვავდნენ თბილისის კაფე-ბარსა და კლუბში ტურისტებს: თაღლითური სქემა
როგორც გამოძიებით დადგინდა, კაფე-ბარ „სკარპას“ მფლობელს და ამავე კვების ობიექტის თანამშრომლებს მეტი ფინანსური სარგებლის მიღების მიზნით უცხოელ მოქალაქეებთან, ტურისტებთან მათ მიერ შეკვეთილი პროდუქციის ნაცვლად იაფფასიანი პროდუქცია მიჰქონდათ, ასევე მენიუში ცვლიდნენ პროდუქციის ფასებს და კლიენტებს შეკვეთის შეუსაბამო, არარეალურ, დიდ თანხებს ახდევინებდნენ.
მაგალითად, მიმდინარე წლის სექტემბერში კაფე-ბარ „სკარპაში“ ბრალდებულთან დანაშაულებრივ კავშირში მყოფ გოგონასთან ერთად იმყოფებოდა ჩინეთის მოქალაქე, რომელიც ალკოჰოლური სასმელის მიღების შემდეგ ცუდად გახდა და გონება დაკარგა. გონზე მოსვლის შემდეგ კი აღმოაჩინა, რომ მისი ანგარიშიდან სამ ეტაპად 5000-5000 ლარის ოდენობით კაფე-ბარ „სკარპას“ ანგარიშზე გადარიცხული იყო 15000 ლარი.
ყველა ახალი ამბავი
0