კახეთის რამდენიმე მუნიციპალიტეტის სოფელი კვლავ დაისეტყვა

© courtesy of Archil Khandamashviliსეტყვა კახეთში
სეტყვა კახეთში - Sputnik საქართველო, 1920, 23.09.2021
გამოწერა
НовостиTelegram
კახეთში სეტყვამ დაუკრეფავი ყურძნის მოსავალი მთლიანად გაანადგურა, ასევე დაზიანებულია სახურავები
თბილისი, 23 სექტემბერი - Sputnik. საგარეჯოს, ყვარლის და თელავის მუნიციპალიტეტების სოფლები დაისეტყვა. იუწყება ტელეკომპანია „რუსთავი2“.
ყვარელში დაზარალებულია რამდენიმე სოფლის მოსახლეობა. ენისელში, საბუეში, ალმატსა და გრემში მოსახლეობას საკარმიდამო ნაკვეთები და ნარგავები დაუზიანდა. ადგილობრივების ინფორმაციით, დაზიანდა საცხოვრებელი სახლების სახურავებიც.
„წინა სტიქიებს რაც გადაურჩა, მოსახლეობის დიდმა ნაწილმა ვენახი დროულად დაკრიფა, თუმცა სამწუხაროდ იყო გამონაკლისებიც. ზოგიერთს ამ დრომდე არ დაუკრეფიათ ყურძენი და მოსავალი მთლიანად განადგურდა. რამდენიმე საცხოვრებელი სახლის სახურავიც არის დაზიანებული“, - განაცხადა ყვარლის მუნიციპალიტეტის მერმა, როსტომ სესიაშვილმა.
ძლიერი სეტყვის შედეგად 7 სახურავი დაზიანდა საგარეჯოს მუნიციპალიტეტის სოფელ უჯარმაშიც.
თავსხმა წვიმა თბილისში - Sputnik საქართველო, 1920, 23.09.2021
ძლიერმა წვიმამ თბილისში პრობლემები შექმნა
თელავის მუნიციპალიტეტში კი სტიქიის შედეგად დაზარალებულია სოფელ გულგულის, შალაურისა და ვარდისუბნის მოსახლეობა.
ზარალის დამდგენი კომისიები მუშაობას ხვალ დილიდან დაიწყებენ.
ყველა ახალი ამბავი
0