Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

კორონავირუსის შედეგად ნეკრესის ეპარქიის მიტროპოლიტი გარდაიცვალა

© photo: Sputnik / Stringerსაქართველოს საპატრიარქო
საქართველოს საპატრიარქო - Sputnik საქართველო, 1920, 19.09.2021
გამოწერა
საპატრიარქო ნეკრესელი მიტროპოლიტის, მეუფე სერგის გარდაცვალების გამო მწუხარებას გამოთქვამს
თბილისი, 19 სექტემბერი – Sputnik. კორონავირუსით გამოწვეული გართულებების შედეგად გარდაიცვალა ნეკრესელი მიტროპოლიტი, მეუფე სერგი (ჩეკურიშვილი), იუწყება საქართველოს საპატრიარქო.
საპატრიარქო მეუფის გარდაცვალების გამო მწუხარებას გამოთქვამს. მეუფე სერგი 62 წლის ასაკში გარდაიცვალა.
„მეუფე სერგის ჯანმრთელობის მდგომარეობა დაამძიმა კორონავირუსით გამოწვეულმა ინფექციამ. იგი ბოლო დღეების განმავლობაში საავადმყოფოში მკურნალობდა. გამოვთქვამთ დიდ გულისტკივილსა და მწუხარებას მიტროპოლიტ სერგის გარდაცვალების გამო“, - ნათქვამია საპატრიარქოს განცხადებაში.
მიტროპოლიტი სერგი (ჩეკურიშვილი) ნეკრესის ეპარქიას 1997 წლიდან მართავდა.
საქართველო კორონავირუსის პანდემიის მეოთხე ტალღას ებრძვის. ბოლო 24 საათში კორონავირუსის შედეგად 43 ადამიანი გარდაიცვალა, პანდემიის დაწყებიდან დღემდე გარდაცვლილთა რაოდენობა 8.541-მდე გაიზარდა.
ყველა ახალი ამბავი
0