თბილისში ნარკოტიკების გასაღების ფაქტზე უცხო ქვეყნის მოქალაქე დააკავეს

© photo: Sputnik / Stringerდაკავება
დაკავება - Sputnik საქართველო, 1920, 18.09.2021
გამოწერა
ბრალდებული ნარკოტიკულ საშუალებას შემდგომში გასაღების მიზნით ნაძალადევის რაიონში სხვადასხვა ლოკაციაზე ათავსებდა. საქმეზე დაწყებულია გამოძიება.
თბილისი, 18 სექტემბერი - Sputnik. პოლიციამ თბილისში ინტერნეტის მეშვეობით ნარკოტიკების გასაღების ფაქტზე უცხო ქვეყნის მოქალაქე დააკავა, ნათქვამია შინაგან საქმეთა სამინისტროს მიერ გავრცელებულ ინფორმაციაში.
გამოძიებით დადგინდა, რომ 33 წლის მამაკაცი ჩართული იყო ინტერნეტით ნარკოტიკების რეალიზაციის სქემაში. მან უკანონოდ შეძენილი alpha-PVP-ს შემცველი ნარკოტიკული საშუალება შემდგომში გასაღების მიზნით ნაძალადევის რაიონში სხვადასხვა ლოკაციაზე განათავსა.
ბრალდებულმა აღნიშნული ლოკაციების ფოტოგადაღება განახორციელა, რომლის მიხედვითაც მომხმარებელი ნარკოტიკული საშუალების ადგილმდებარეობას განსაზღვრავდა.
სამართალდამცველებმა ბრალდებულის პირადი და დროებითი საცხოვრებელი სახლის ჩხრეკისას სარეალიზაციოდ გამზადებული alpha-PVP-ს შემცველი ნახევარ კილოგრამზე მეტი ნარკოტიკული ნივთიერება ნივთმტკიცებად ამოიღეს.
გამოძიება სისხლის სამართლის კოდექსის 260-ე მუხლით მიმდინარეობს, რაც ნარკოტიკული საშუალების უკანონოდ გასაღებას გულისხმობს.
ყველა ახალი ამბავი
0