საქართველოში საბაჟო პროცედურების გამარტივება იგეგმება

© photo: Sputnik / Samvel Sepetchyan / გადასვლა მედიაბანკშისაკონტროლო–გამშვები პუნქტი
საკონტროლო–გამშვები პუნქტი - Sputnik საქართველო, 1920, 18.09.2021
გამოწერა
საბაჟო საინფორმაციო სისტემების მოდერნიზაცია საერთაშორისო პარტნიორების მონაწილეობით საქართველოში სამი წელი გაგრძელდება.
თბილისი, 17 სექტემბერი – Sputnik. საქართველოს ფინანსთა სამინისტროს შემოსავლების სამსახური საბაჟო საინფორმაციო სისტემების მოდერნიზაციის მასშტაბურ პროექტს იწყებს, ნათქვამია უწყების განცხადებაში.
განახლებული სისტემა მნიშვნელოვნად გაზრდის საბაჟო კონტროლის ეფექტურობას, გააუმჯობესებს და გაამარტივებს საბაჟო პროცედურებს, მათ შორის კერძო სექტორის საქმიანობას.
პროექტის ფარგლებში საბაჟოს საინფორმაციო სისტემების მოდერნიზაცია ორ ეტაპად განხორციელდება, პირველი ეტაპი არსებული სისტემის შეფასებას და გაუმჯობესებული შესაძლებლობების განსაზღვრას დაეთმობა, ხოლო მეორე ეტაპი კი ახალი გადაწყვეტილებების დანერგვას მოემსახურება.
ავტომობილები თბილისში - Sputnik საქართველო, 1920, 07.06.2021
საქართველოში ავტომობილების საბაჟო საწყობების მუშაობის პირობები მარტივდება
პროექტის დასრულების შემდეგ შემოსავლების სამსახურს მონაცემთა დამუშავებისა და ბიზნეს–პროცესების წარმოების სრულიად განახლებული, თანამედროვე სტანდარტებისა და მოთხოვნების შესაბამისი მოქნილი და გამართული სისტემა ექნება.
პროექტი სამ წელზეა გათვლილი. მას მხარს უჭერენ აშშ-ის ექსპორტის კონტროლის და საზღვრის უსაფრთხოების პროგრამა (EXBS) და კომპანია NU Borders.
ამერიკული კომპანია NU Borders-ის წარმომადგნელები ფინანსთა სამინისტროს შემოსავლების სამსახურს სამუშაო ვიზიტით, 13-17 სექტემბერს ეწვივნენ. მათ შეხვედრები გამართეს შემოსავლების სამსახურის ხელმძღვანელ პირებთან და საბაჟო და საინფორმაციო ცენტრების წარმომადგენლებთან.
გარდა ამისა, ვიზიტის ფარგლებში EXBS–ისა და NU Borders–ის წარმომადგნელებმა მოინახულეს საბაჟო გამშვები პუნქტი „წითელი ხიდი“ და გაფორმების ეკონომიკურ ზონა „თბილისი“.
ყველა ახალი ამბავი
0