ტოჩინოშინის მარცხი შემოდგომის ბაშოზე - ქართველმა სუმოისტმა ბრაზილიელთან წააგო

© AFP 2024 / JIJI PRESSლევან გორგაძე, იგივე ტოჩინოშინი
ლევან გორგაძე, იგივე ტოჩინოშინი - Sputnik საქართველო, 1920, 18.09.2021
გამოწერა
ლევან გორგაძე შემოდგომის ბაშოს მეშვიდე დღეს ბრაზილიელ მეტოქესთან იორიკირის ილეთით დამარცხდა და სატურნირო მდგომარეობა მნიშვნელოვნად გაიუარესა.
თბილისი, 18 სექტემბერი - Sputnik. ქართველი სუმოისტი ლევან გორგაძე, იგივე ტოჩინოშინი, ტოკიოში მიმდინარე სუპერტურნირის მეშვიდე დღეს დამარცხდა.
ტოჩინოშინი დღეს მე-14 მაეგაშირა ბრაზილიელ სუმოისტ კაისეის დაუპირისპირდა და იორიკირის ილეთით დამარცხდა.
ლევან გორგაძე (ტოჩინოშინი) - Sputnik საქართველო, 1920, 17.07.2021
ტოჩინოშინმა ნაგოია ბაშოზე ზედიზედ მეორე მოგება მოიპოვა
პირველი შეტაკების შემდეგ სუმოისტებმა ქამრებში ჩავლება მოახერხეს, რის შემდეგაც ბრძოლა დაახლოებით 25 წამი გაგრძელდა. საბოლოოდ ბრაზილიელმა ტოჩინოშინის დოჰიოდან გადაყვანა შეძლო და შემოდგომის ბაშოზე საკუთარი ბალანსი გაიუმჯობესა (3:4).
აღსანიშნავია, რომ ლევან გორგაძის ანგარიშზე შვიდი საჭიდაო დღის შემდეგ ორი გამარჯვება და ხუთი მარცხია. ქართველი სუმოისტი შემდეგ ორთაბრძოლას მე-15 მაეგაშირა იჩიამამოტოსთან გამართავს, რომელსაც მსგავსად ქართველი სუმოისტისა ორი მოგება და ხუთი მარცხი აქვს მოგროვებული.
ყველა ახალი ამბავი
0