მეცნიერებმა „დელტას“ წინააღმდეგ „სპუტნიკ V“-ს მაღალი ეფექტურობა დაამტკიცეს

© AP Photo / Aaron Favilaრუსული ვაქცინა Спутник V
რუსული ვაქცინა Спутник V - Sputnik საქართველო, 1920, 17.09.2021
გამოწერა
კორონავირუსის საწინააღმდეგო პირველი ვაქცინა რუსეთში 2020 წლის აგვისტოში დაარეგისტრირეს.
თბილისი, 17 სექტემბერი — Sputnik. კორონავირუსის საწინააღმდეგო რუსული ვაქცინა „სპუტნიკ V" „დელტა“ შტამის წინააღმდეგ უფრო ეფექტურია, ვიდრე AstraZeneca-ს და Sinopharm-ის პრეპარატები, წერს გაზეთი La Nacion კორდობის ეროვნული უნივერსიტეტის (არგენტინა) კვლევებზე დაყრდნობით.
სპეციალისტებმა შეისწავლეს კორონავირუსგადატანილთა, ასევე AstraZeneca-ს, Sinopharm-ის და „სპუტნიკ V"-ს ვაქცინებით ორჯერადად აცრილთა პლაზმის 309 ნიმუში.

„კორონავირუსის ინდური ვარიანტის გამანეიტრალებელი ანტისხეულების ყველაზე მაღალი ტიტრი აღმოაჩნდათ მათ, ვინც ვირუსი ადრე გადაიტანა და „სპუტნიკ V“-ს ორივე დოზით არის აცრილი. შემდეგ მოდიან ისინი, ვინც რუსული ვაქცინა ორი დოზით მიიღო, მაგრამ ადრე კორონავირუსი არ გადაუტანია. ყველაზე ნაკლები დაცვა ჰქონდათ მათ, ვინც Sinopharm-ის ორი დოზით აიცრა (ვირუსი არ ჰქონდათ გადატანილი)“, – ნათქვამია კვლევაში.

„დელტა“ შტამი ვირუსის თავდაპირველ ვარიანტზე დაახლოებით ორჯერ უფრო აგრესიულია და მუტაციას განაგრძობს. ჯანმომ იგი „შეშფოთების გამომწვევ“ ვარიანტს მიაკუთვნა.
„დელტასთან“ ერთად ამ ჩამონათვალში შესულია „ალფა“ (ბრიტანული), „ბეტა“ (სამხრეთაფრიკული) და „გამა“ (ბრაზილიური) შტამები.
გამალეის ეპიდემიოლოგიისა და მიკრობიოლოგიის ეროვნული კვლევითი ცენტრის დირექტორის თქმით, ანტისხეულების მარაგი, რომელიც „სპუტნიკ V“-თი ვაქცინაციის შედეგად ჩნდება, საკმაოდ მაღალია, რათა თავი დავიცვათ დღეს ყველასთვის ცნობილი კორონავირუსის ვარიანტებისგან.
ყველა ახალი ამბავი
0