დემნა გვასალია „მოდის ოსკარზეა“ წარდგენილი

© Facebook / Demna Gvasalia Dailyდემნა გვასალია
დემნა გვასალია - Sputnik საქართველო, 1920, 16.09.2021
გამოწერა
თბილისი, 16 სექტემბერი – Sputnik. ქართველი დიზაინერი დემნა გვასალია მოდის ინდუსტრიაში ყველაზე პრესტიჟულ ამერიკულ ჯილდოზე, მოდის ოსკარად წოდებულ CFDA-ზეა ნომინირებული. ინფორმაცია გვასალიას „ინსტაგრამის“ ოფიციალურ გვერდზე ვრცელდება.
ეს ჯილდო დიზაინერმა ერთხელ უკვე მიიღო – 2017 წელს მოდის სფეროში შეტანილი შემოქმედებითი წვლილისთვის „ვეტმანისა“ (Vetements) და „ბალენსიაგასთვის“ (Balenciaga) შექმნილი კოლექციებისთვის.
CFDA-ს დაჯილდოების ცერემონია 10 ნოემბერს ნიუ-იორკში გაიმარება. CFDA მოდის ინდუსტრიაში ყველაზე მაღალი დონის ჯილდოდ ითვლება და მას უმეტესად ლეგენდად ქცეულ დიზაინერებს გადასცემენ.
ქართველი დიზაინერი დემნა გვასალია მსოფლიო საზოგადოებისთვის მას შემდეგ გახდა ცნობილი, რაც 2009-2012 წლებში Maison Martin Margiela-ში ქალების კოლექციის მთავარი დიზაინერის პოზიცია დაიკავა.
2013-2015 წლებში კი „ლუი ვიტონის“ მოდის სახლის მთავარ დიზაინერებს შორის მოხვდა. პარალელურად, 2014 წლიდან გვასალია მუშაობდ მის მიერ შექმნილი ბრენდის „ვეტმანის“ კოლექციებზე. 2015 წლის ოქტომბერში დემნა გვასალია ფრანგული მოდის სახლ „ბალენსიაგას“ სამხატვრო ხელმძღვანელად დაინიშნა. აღნიშნულ ამპლუაში გვასალიას დებიუტი 2016 წლის პარიზის მოდის კვირეულზე შედგა.
ყველა ახალი ამბავი
0