https://sputnik-georgia.com/20210910/gvirabis-msheneblobas-premierma-saukunis-proeqti-uwoda-259500454.html
საქართველოს პრემიერმა ახალი გვირაბის მშენებლობას საუკუნის პროექტი უწოდა
საქართველოს პრემიერმა ახალი გვირაბის მშენებლობას საუკუნის პროექტი უწოდა
Sputnik საქართველო
ქვეშეთი–კობის მონაკვეთი კობი–გუდაურის მონაკვეთის შემოვლითი გზაა, სადაც ზამთრის პერიოდში ხშირად იქმნება ზვავის ჩამოწოლის საშიშროება. 10.09.2021-ს, Sputnik საქართველო
2021-09-10T16:18+0400
2021-09-10T16:18+0400
2021-09-10T21:01+0400
ახალი ამბები
საქართველოს ეკონომიკა
ტრანსპორტი საქართველოში
https://cdnn1.img.sputnik-georgia.com/img/07e5/09/0a/259496067_314:114:1400:725_1920x0_80_0_0_eeae19f6aecd140e6f49c9f3e8629c47.jpg
თბილისი, 10 სექტემბერი – Sputnik. საქართველოს პრემიერ-მინისტრმა ირაკლი ღარიბაშვილმა საუკუნის პროექტი უწოდა 9-კილომეტრიანი გვირაბის და ახალი ქვეშეთი–კობის გზის მშენებლობას, რომელიც თბილისიდან ყაზბეგამდე ჩასვლას შესაძლებელს სულ რაღაც საათ-ნახევარში გახდის.ქვეშეთი–კობის მონაკვეთი კობი–გუდაურის მონაკვეთის შემოვლითი გზაა, სადაც ზამთრის პერიოდში ხშირად არის ზვავების ჩამოწოლის საშიშროება, რის გამოც გზა იკეტება. გვირაბის მშენებლობა ე.წ. საქართველოს სამხედრო გზაზე, რომელიც საქართველოსა და რუსეთს აკავშირებს, დაეხმარება სომეხ გადამზიდავებსაც, რომლებსაც „ზემო ლარსის“ საკონტროლო–გამშვები პუნქტისკენ გზაზე ხანდახან რამდენიმე დღე უწევთ „საცობში“ დგომა. „ეს არის მართლაც საუკუნის პროექტი, იმიტომ რომ წლის მანძილზე დაახლოებით 100 დღის განმავლობაში ეს გზა ჩაკეტილია და ჩვენი მოსახლეობა ვერ გადაადგილდება. შესაბამისად, ეს პროექტი მნიშვნელოვანია როგორც ჩვენი ქვეყნისა და მოსახლეობისთვის, ასევე მთლიანად რეგიონისთვის“, – განაცხადა ირაკლი ღარიბაშვილმა ქვეშეთი–კობის 9 კმ-იანი გვირაბის მშენებლობის დაწყების ცერემონიაზე.მთავრობის მეთაურის თქმით, დღის განმავლობაში ამ გზაზე დაახლოებით 3-4 ათასი ავტომანქანა გადაადგილდება, საიდანაც 70% მსუბუქი, ხოლო დანარჩენი მაღალი გამავლობის სატვირთო ავტომანქანაა.„ეს არის ყველაზე დიდი გვირაბი მთელ ამიერკავკასიაში, 9 კილომეტრია მისი სიგრძე და თავისი პარამეტრებით უნიკალურია მთელ მსოფლიოში“, – აღნიშნა ღარიბაშვილმა.პროექტის ღირებულება 1,2 მილიარდ ლარს შეადგენს.ღარიბაშვილმა მადლობა გადაუხადა დონორ ორგანიზაციებს, აზიის განვითარების ბანკს და მშენებელ კომპანიას გვირაბის მშენებლობაში ხელშეწყობისთვის.10 სექტემბერს ქვეშეთი–კობის 23-კილომეტრიანი გზის მშენებლობის ფარგლებში 9-კილომეტრიანი გვირაბის ბურღვისა და სამშენებლო სამუშაოები დაიწყო.გვირაბის მშენებლობისათვის სპეციალურად დამზადდა გვირაბგამყვანი საბურღი მანქანა TBM (Tunnel boring machine), რომელიც გამორჩეულია იმით, რომ სამუშაო პროცესში მისი ვიბრაცია მინიმალურია, რაც უზრუნველყოფს უსაფრთხო სამშენებლო პროცესს და გარემოზე მინიმალურ ზემოქმედებას. დანადგარი გამოირჩევა იმითაც, რომ ბურღვის პროცესში აწარმოებს გვირაბის მოპირკეთების სამუშაოსაც.ქვეშეთი-კობის 23-კილომეტრიანი გზის, მათ შორის 9-კილომეტრიანი გვირაბის მშენებლობა ჩრდილოეთი–სამხრეთის დერეფნის ჩქაროსნულ მაგისტრალად მოდერნიზების პროექტის უმნიშვნელოვანესი ნაწილია. პროექტის ფარგლებში დაგეგმილია ორზოლიანი ასფალტ-ბეტონის გზის, 5 ხიდის, 5 გვირაბის მშენებლობა და 1 ხიდის რეაბილიტაცია. მათ შორისაა საქართველოში ყველაზე დიდი, 9 კმ სიგრძისა და 15 მ დიამეტრის გვირაბის მშენებლობა.ამჟამად აქ არსებული გზის სიგრძე 34 კილომეტრია, ახალი გზის სიგრძე კი 23 კილომეტრი იქნება, რაც მანძილს 11 კმ-ით, ხოლო გადაადგილების დროს 1 საათით შეამცირებს. ამასთან, სატრანზიტო გადაზიდვები აღარ განხორციელდება კურორტ გუდაურის გავლით, რაც, ერთი მხრივ, განტვირთავს კურორტის საგზაო მოძრაობას, ხოლო მეორე მხრივ, სატრანზიტო მიმოსვლა გახდება უფრო უსაფრთხო.მშენებლობას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს აზიის განვითარებისა და ევროპის რეკონსტრუქციისა და განვითარების ბანკების (ADB, EBRD) ფინანსური მხარდაჭერით. პროექტის დასრულება 2024 წლისთვის იგეგმება.ამ გზის პარალელურად აშენდება გუდაურამდე მისასვლელი 5-კილომეტრიანი გზა და ტურისტული ცენტრი, რაც უსაფრთხოს და კომფორტულს გახდის გადაადგილებას და გაზრდის რეგიონის ტურისტულ პოტენციალს.
https://sputnik-georgia.com/20210611/saqarTveloSi-gvirabis-mSenebloba-daiwyo-251998774.html
https://sputnik-georgia.com/20210723/sagzao-infrastruqtura-252404200.html
https://sputnik-georgia.com/20210303/saqartveloshi-zemo-larsisken-mimaval-axal-gzas-moawyoben-251056999.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველოს ეკონომიკა, ტრანსპორტი საქართველოში
ახალი ამბები, საქართველოს ეკონომიკა, ტრანსპორტი საქართველოში
საქართველოს პრემიერმა ახალი გვირაბის მშენებლობას საუკუნის პროექტი უწოდა
16:18 10.09.2021 (განახლებულია: 21:01 10.09.2021) ქვეშეთი–კობის მონაკვეთი კობი–გუდაურის მონაკვეთის შემოვლითი გზაა, სადაც ზამთრის პერიოდში ხშირად იქმნება ზვავის ჩამოწოლის საშიშროება.
თბილისი, 10 სექტემბერი – Sputnik. საქართველოს პრემიერ-მინისტრმა ირაკლი ღარიბაშვილმა საუკუნის პროექტი უწოდა 9-კილომეტრიანი გვირაბის და ახალი ქვეშეთი–კობის გზის მშენებლობას, რომელიც თბილისიდან ყაზბეგამდე ჩასვლას შესაძლებელს სულ რაღაც საათ-ნახევარში გახდის.
ქვეშეთი–კობის მონაკვეთი კობი–გუდაურის მონაკვეთის შემოვლითი გზაა, სადაც ზამთრის პერიოდში ხშირად არის ზვავების ჩამოწოლის საშიშროება, რის გამოც გზა იკეტება. გვირაბის მშენებლობა ე.წ. საქართველოს სამხედრო გზაზე, რომელიც საქართველოსა და რუსეთს აკავშირებს, დაეხმარება სომეხ გადამზიდავებსაც, რომლებსაც „ზემო ლარსის“ საკონტროლო–გამშვები პუნქტისკენ გზაზე ხანდახან რამდენიმე დღე უწევთ „საცობში“ დგომა.
„ეს არის მართლაც საუკუნის პროექტი, იმიტომ რომ წლის მანძილზე დაახლოებით 100 დღის განმავლობაში ეს გზა ჩაკეტილია და ჩვენი მოსახლეობა ვერ გადაადგილდება. შესაბამისად, ეს პროექტი მნიშვნელოვანია როგორც ჩვენი ქვეყნისა და მოსახლეობისთვის, ასევე მთლიანად რეგიონისთვის“, – განაცხადა ირაკლი ღარიბაშვილმა ქვეშეთი–კობის 9 კმ-იანი გვირაბის მშენებლობის დაწყების ცერემონიაზე.
მთავრობის მეთაურის თქმით, დღის განმავლობაში ამ გზაზე დაახლოებით 3-4 ათასი ავტომანქანა გადაადგილდება, საიდანაც 70% მსუბუქი, ხოლო დანარჩენი მაღალი გამავლობის სატვირთო ავტომანქანაა.
„ეს არის ყველაზე დიდი გვირაბი მთელ ამიერკავკასიაში, 9 კილომეტრია მისი სიგრძე და თავისი პარამეტრებით უნიკალურია მთელ მსოფლიოში“, – აღნიშნა ღარიბაშვილმა.
პროექტის ღირებულება 1,2 მილიარდ ლარს შეადგენს.
ღარიბაშვილმა მადლობა გადაუხადა დონორ ორგანიზაციებს, აზიის განვითარების ბანკს და მშენებელ კომპანიას გვირაბის მშენებლობაში ხელშეწყობისთვის.
10 სექტემბერს ქვეშეთი–კობის 23-კილომეტრიანი გზის მშენებლობის ფარგლებში 9-კილომეტრიანი გვირაბის ბურღვისა და სამშენებლო სამუშაოები დაიწყო.
გვირაბის მშენებლობისათვის სპეციალურად დამზადდა გვირაბგამყვანი საბურღი მანქანა TBM (Tunnel boring machine), რომელიც გამორჩეულია იმით, რომ სამუშაო პროცესში მისი ვიბრაცია მინიმალურია, რაც უზრუნველყოფს უსაფრთხო სამშენებლო პროცესს და გარემოზე მინიმალურ ზემოქმედებას. დანადგარი გამოირჩევა იმითაც, რომ ბურღვის პროცესში აწარმოებს გვირაბის მოპირკეთების სამუშაოსაც.
ქვეშეთი-კობის 23-კილომეტრიანი გზის, მათ შორის 9-კილომეტრიანი გვირაბის მშენებლობა ჩრდილოეთი–სამხრეთის დერეფნის ჩქაროსნულ მაგისტრალად მოდერნიზების პროექტის უმნიშვნელოვანესი ნაწილია. პროექტის ფარგლებში დაგეგმილია ორზოლიანი ასფალტ-ბეტონის გზის, 5 ხიდის, 5 გვირაბის მშენებლობა და 1 ხიდის რეაბილიტაცია. მათ შორისაა საქართველოში ყველაზე დიდი, 9 კმ სიგრძისა და 15 მ დიამეტრის გვირაბის მშენებლობა.
ამჟამად აქ არსებული გზის სიგრძე 34 კილომეტრია, ახალი გზის სიგრძე კი 23 კილომეტრი იქნება, რაც მანძილს 11 კმ-ით, ხოლო გადაადგილების დროს 1 საათით შეამცირებს.
ამასთან, სატრანზიტო გადაზიდვები აღარ განხორციელდება კურორტ გუდაურის გავლით, რაც, ერთი მხრივ, განტვირთავს კურორტის საგზაო მოძრაობას, ხოლო მეორე მხრივ, სატრანზიტო მიმოსვლა გახდება უფრო უსაფრთხო.
მშენებლობას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს აზიის განვითარებისა და ევროპის რეკონსტრუქციისა და განვითარების ბანკების (ADB, EBRD) ფინანსური მხარდაჭერით. პროექტის დასრულება 2024 წლისთვის იგეგმება.
ამ გზის პარალელურად აშენდება გუდაურამდე მისასვლელი 5-კილომეტრიანი გზა და ტურისტული ცენტრი, რაც უსაფრთხოს და კომფორტულს გახდის გადაადგილებას და გაზრდის რეგიონის ტურისტულ პოტენციალს.
