https://sputnik-georgia.com/20210910/doqtori-komarovski-ramdeni-tafli-seizleba-wamos-bavsvma-259508722.html

რამდენი თაფლი შეიძლება ჭამოს ბავშვმა: ყველაზე პოპულარული პედიატრის რჩევა

რამდენი თაფლი შეიძლება ჭამოს ბავშვმა: ყველაზე პოპულარული პედიატრის რჩევა

Sputnik საქართველო

დოქტორი კომაროვსკი — თანამედროვე პედიატრიის ერთ-ერთი საუკეთესო წარმომადგენელი, უმაღლესი კატეგორიის ბავშვთა ექიმი, ნიჭერი მედიკოსი, ათობით წიგნის ავტორი... 10.09.2021-ს, Sputnik საქართველო

2021-09-10T21:19+0400

2021-09-10T21:19+0400

2021-09-10T21:19+0400

სასარგებლო რჩევები

რჩევები მშობლებს

ექიმის რჩევები

https://cdnn1.img.sputnik-georgia.com/img/23883/56/238835640_0:0:1920:1080_1920x0_80_0_0_b203db4c570c630bdfc7c38eb128de60.jpg

მას იცნობენ არა მხოლოდ სამშობლოში, არამედ მის საზღვრებს გარეთაც. გადაცემას „დოქტორ კომაროვსკის სკოლა“ მილიონობით ადამიანი უყურებს, რომელშიც ექიმი აბსოლუტურად გასაგები ენით, მარტივად აწვდის მშობლებს საჭირო ინფორმაციას ბავშვების ჯანმრთელობის შესახებ.მის რჩევებს ითალისწინებენ და ემადლიერებიან, პატივს სცემენ და უყვართ. იმიტომ რომ ნამდვილი ექიმია — მცოდნე და განათლებული.ქვემოთ დოქტორ კომაროვსკის პასუხს გაგაცნობთ მშობლის შეკითხვაზე: რამდენი თაფლი შეიძლება ჭამოს ბავშვმა დღის განმავლობაში? აი, რას ამბობს ექიმი:„თაფლი მართლაც რომ სავსეა სასარგებლო ნივთიერებებით: ვიტამინებით, ფრუქტოზით, მიკროელემენტებით... თუმცა მთავარი მაინც ისაა, რომ ის ტკბილია, ხოლო სიტკბო — ეს ენერგიაა. ენერგია კი სადღაც უნდა დაიხარჯოს.ამიტომ, თუ ბავშვს პუტკუნა ლოყები და ფუშფუშა ტაკო აქვს, თანაც მთელი დღე გორაობს, მაშ, რატომღა უნდა მისცეთ ტკბილი თაფლი?მაგრამ თუ ბავშვი გამხდარია, სადგისგაყრილივით მოძრავი და მთელი დღე ველოსიპედითაც დაჰქრის, კანფეტის მაგივრად თუ თაფლს მივცემთ, ვინ ვიქნებით? ვინ და ყოჩაღები! დაიმახსოვრეთ: იმისათვის, რომ შვილისთვის ტკბილეულის მიცემის მორალური უფლება გქონდეთ, ბავშვი უნდა იყოს გამხდარი, აქტიური და გამუდმებით დატვირთული ფიზიკურად.როცა გაქვთ შესაძლებლობა, შეცვალოთ „ღარიბი“ შაქარი ვიტამინებითა და მიკროელემენტებით მდიდარი თაფლით, შეცვალეთ. მაგალითად, დაუტკბეთ ბავშვს ხაჭო თაფლით და არა შაქრით, ჩაიში მურაბის მაგივრად თაფლი ჩაუშვით...მაგრამ დაიმახსოვრეთ: მართალია, თაფლი შაქარზე მარგებელია, მაგრამ ზედმეტი სიტკბო, თუნდაც თაფლის სახით, ბავშვს არაფერში სჭირდება. ეს იმიტომ, რომ არსებობს კიდევ ერთი პრობლემა, მით უმეტეს, თუ ბავშვს ფიჭის წოვა-ღეჭვა უყვარს: პირში ტკბილის დიდხანს გაჩერება კარიესს იწვევს!ასე რომ, გაითვალისწინეთ ზემოთ ნათქვამი, შეუთანხმდით შვილს და გადაწყვიტეთ, როდის და რამდენ თაფლს მიირთმევს იგი“.

https://sputnik-georgia.com/20210618/evgeni-komarovski-Tu-bavSvi-sakvebITmoiwamla-252067837.html

https://sputnik-georgia.com/20210419/temperaturis-sworad-gazomva-komarovskis-rCeva-251507556.html

2021

ახალი ამბები

ka_KA

სასარგებლო რჩევები , რჩევები მშობლებს, ექიმის რჩევები