Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოში მოქალაქის კოვიდ-სტატუსის გარკვევა QR-კოდით მოხდება

© photo: Sputnik / Roman Vladimirov / გადასვლა მედიაბანკშიQR–კოდი
QR–კოდი - Sputnik საქართველო, 1920, 07.09.2021
გამოწერა
აპლიკაციაში ასახული იქნება ინფორმაცია მოქალაქის ვაქცინაციის, ან ბოლო 6 თვეში გადატანილი კოვიდ-ინფექციის შესახებ.
თბილისი, 7 სექტემბერი — Sputnik. საქართველოს ჯანდაცვის სამინისტრო COVID Pass-ის აპლიკაციის შემუშავებაზე მუშაობს, რომელიც მოქალაქის კოვიდ-სტატუსის იდენტიფიცირებას მოახდენს, განაცხადა შრომის ინსპექციის ხელმძღვანელმა ბექა ფერაძემ ბრიფინგზე.
მისი თქმით, აპლიკაცია მოქალაქის კოვიდ-სტატუსის იდენტიფიცირებას სპეციალური QR-კოდით მოახდენს.
„ამ აპლიკაციაში სრულად დაცული იქნება პერსონალური ინფორმაცია და მისი გამოყენებით მომხმარებელი მოახდენს დადასტურებას, რომ ეთანხმება მისი ინფორმაციის დამუშავებას“, – განაცხადა ფერაძემ.
თენგიზ ცერცვაძე - Sputnik საქართველო, 1920, 07.09.2021
COVID-19 - ბოლო ცნობები
რამდენად აგრესიული იქნება კორონავირუსის მეხუთე ტალღა საქართველოში
ფერაძის განმარტებით, აპლიკაციაში იქნება ინფორმაცია ბოლო 72 საათის განმავლობაში ჩატარებული PCR–ტესტის შესახებ, მასში ასევე ასახული იქნება 24 საათის განმავლობაში ე.წ. სწრაფი ტესტის შედეგიც. ამასთან, აპლიკაციაში ასახული იქნება ინფორმაცია მოქალაქის ვაქცინაციის, ან ბოლო 6 თვეში გადატანილი კოვიდ-ინფექციის შესახებ.
როგორც ფერაძემ განაცხადა, ჯანდაცვის სამინისტროს სამუშაო ჯგუფი უახლოეს დღეებში ბიზნეს-სექტორის წარმომადგენლებს შეხვდება და ახალ აპლიკაციას გააცნობს.
ყველა ახალი ამბავი
0