https://sputnik-georgia.com/20210902/acrilebs-ufro-swrafad-da-msubuqad-gadaaqvt-koronavirusi-britaneli-mecnierebis-kvleva-259266791.html
აცრილებს უფრო სწრაფად და მსუბუქად გადააქვთ კორონავირუსი: ბრიტანელი მეცნიერების კვლევა
აცრილებს უფრო სწრაფად და მსუბუქად გადააქვთ კორონავირუსი: ბრიტანელი მეცნიერების კვლევა
Sputnik საქართველო
თბილისი, 2 სექტემბერი – Sputnik. ბრიტანელმა მეცნიერებმა დაადგინეს, რომ COVID-19-ზე აცრილ ადამიანებში კორონავირუსის ხანგრძლივი და მძიმე მიმდინარეობის ალბათობა... 02.09.2021-ს, Sputnik საქართველო
2021-09-02T20:14+0400
2021-09-02T20:14+0400
2021-09-03T07:13+0400
covid-19 - ბოლო ცნობები
მსოფლიო მეცნიერული კვლევები
დიდი ბრიტანეთი
https://cdnn1.img.sputnik-georgia.com/img/07e5/08/0f/252588189_0:160:3072:1888_1920x0_80_0_0_f06466d533ea9d894d3220c8819c3a01.jpg
თბილისი, 2 სექტემბერი – Sputnik. ბრიტანელმა მეცნიერებმა დაადგინეს, რომ COVID-19-ზე აცრილ ადამიანებში კორონავირუსის ხანგრძლივი და მძიმე მიმდინარეობის ალბათობა ორჯერ დაბალია, ვიდრე აუცრელებში, ნათქვამია სტატიაში, რომელიც სამეცნიერო ჟურნალ Lancet-ში გამოქვეყნდა.მეცნიერებმა ჩაატარეს კვლევა, რომელშიც მონაწილეობა COVID-19-ზე დადებითი ტესტის მქონე ადამიანებმა მიიღეს. მათ შორის იყვნენ პირები, რომლებსაც 8 დეკემბრიდან 4 ივლისამდე პერიოდში Pfizer, Moderna ან AstraZeneca-ს ვაქცინის თუნდაც ერთი დოზა ჰქონდათ მიღებული, ასევე პირები, რომლებსაც ვაქცინაცია არ გაუვლიათ.კვლევის შედეგები ეყრდნობოდა 2 მილიონზე მეტი ადამიანის მონაცემებს, რომლებიც ლონდონის სამეფო კოლეჯის მიერ შემუშავებულ სპეციალურ აპლიკაციაში დარეგისტრირდნენ. აპლიკაცია გამოიყენებოდა სიმპტომების, ტესტების შედეგების და ვაქცინაციის შესახებ მონაცემების ჩასაწერად.მოპოვებული ინფორმაციის თანახმად, 1,2 მილიონი ადამიანიდან, რომლებმაც ვაქცინის პირველი დოზა მიიღეს, კორონავირუსით დაინფიცირდა 6 ათასი ადამიანი (0,5%), ხოლო მეორე დოზით ვაქცინირებულთა ჯგუფიდან (970 ათასზე მეტი ადამიანი) COVID-19 2,3 ათასს გამოუვლინდა (0,2%).მეცნიერთა თქმით, ვაქცინაცია ამცირებს ჰოსპიტალიზაციის რისკს და ზრდის დაავადების უსიმპტომო მიმდინარეობის ალბათობას, მათ შორის 60 წელს ზემოთ ასაკის ადამიანებში. აუცრელებთან შედარებით აცრილ მონაწილეებში თითქმის ყველა სიმპტომი იშვიათად შეინიშნებოდა.
https://sputnik-georgia.com/20210830/samxret-afrikasi-koronavirusis-axali-stami-armoacines-259157818.html
დიდი ბრიტანეთი
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიო მეცნიერული კვლევები, დიდი ბრიტანეთი
მსოფლიო მეცნიერული კვლევები, დიდი ბრიტანეთი
თბილისი, 2 სექტემბერი – Sputnik. ბრიტანელმა მეცნიერებმა დაადგინეს, რომ COVID-19-ზე აცრილ ადამიანებში კორონავირუსის ხანგრძლივი და მძიმე მიმდინარეობის ალბათობა ორჯერ დაბალია, ვიდრე აუცრელებში, ნათქვამია სტატიაში, რომელიც სამეცნიერო ჟურნალ
Lancet-ში გამოქვეყნდა.
მეცნიერებმა ჩაატარეს კვლევა, რომელშიც მონაწილეობა COVID-19-ზე დადებითი ტესტის მქონე ადამიანებმა მიიღეს. მათ შორის იყვნენ პირები, რომლებსაც 8 დეკემბრიდან 4 ივლისამდე პერიოდში Pfizer, Moderna ან AstraZeneca-ს ვაქცინის თუნდაც ერთი დოზა ჰქონდათ მიღებული, ასევე პირები, რომლებსაც ვაქცინაცია არ გაუვლიათ.
კვლევის შედეგები ეყრდნობოდა 2 მილიონზე მეტი ადამიანის მონაცემებს, რომლებიც ლონდონის სამეფო კოლეჯის მიერ შემუშავებულ სპეციალურ აპლიკაციაში დარეგისტრირდნენ. აპლიკაცია გამოიყენებოდა სიმპტომების, ტესტების შედეგების და ვაქცინაციის შესახებ მონაცემების ჩასაწერად.
მოპოვებული ინფორმაციის თანახმად, 1,2 მილიონი ადამიანიდან, რომლებმაც ვაქცინის პირველი დოზა მიიღეს, კორონავირუსით დაინფიცირდა 6 ათასი ადამიანი (0,5%), ხოლო მეორე დოზით ვაქცინირებულთა ჯგუფიდან (970 ათასზე მეტი ადამიანი) COVID-19 2,3 ათასს გამოუვლინდა (0,2%).
„ჩვენ დავადგინეთ, რომ ვაქცინის ორი დოზის გაკეთების შემთხვევაში აცრის შემდგომი ინფიცირებიდან 28 და მეტი დღის განმავლობაში სიმპტომების გამოჩენის ალბათობა დაახლოებით ორჯერ მცირდება. ეს შედეგი ადასტურებს, რომ COVID-19-ის ხანგრძლივი მიმდინარეობის რისკი მცირდება მათში, ვინც ორჯერადი ვაქცინაცია ჩაიტარა, ზოგადად დაინფიცირების ალბათობის დადასტურებულ შემცირებასთან ერთად... ჩვენ ასევე დავადგინეთ, რომ ვაქცინის პირველი ან მეორე დოზის მიღების შემდეგ COVID-19 მიმდინარეობდა ნაკლებად მძიმე ფორმით, ვიდრე არავაქცინირებულ მონაწილეებში“, – ნათქვამია სტატიაში.
მეცნიერთა თქმით, ვაქცინაცია ამცირებს ჰოსპიტალიზაციის რისკს და ზრდის დაავადების უსიმპტომო მიმდინარეობის ალბათობას, მათ შორის 60 წელს ზემოთ ასაკის ადამიანებში. აუცრელებთან შედარებით აცრილ მონაწილეებში თითქმის ყველა სიმპტომი იშვიათად შეინიშნებოდა.
