https://sputnik-georgia.com/20210831/eldar-kashia-259176552.html
ფარიონი – თევზის ახალი ქართული სახეობა იმუნიტეტის გასაძლიერებლად
ფარიონი – თევზის ახალი ქართული სახეობა იმუნიტეტის გასაძლიერებლად
Sputnik საქართველო
გამძაფრებული ეპიდემიოლოგიური სიტუაციის დროს ექიმები უფრო აქტიურად ალაპარაკდნენ ორგანიზმის ძლიერი იმუნიტეტის აუცილებლობაზე. იმ პროდუქტების ჩამონათვალში, რაც... 31.08.2021-ს, Sputnik საქართველო
2021-08-31T14:35+0400
2021-08-31T14:35+0400
2021-08-31T19:31+0400
ინტერვიუ
საინტერესო ადამიანები
https://cdnn1.img.sputnik-georgia.com/img/07e5/08/1f/259175697_0:0:2048:1153_1920x0_80_0_0_bf2ad519cbe692cb9232e3e53c905a8f.jpg
შავ ზღვაში თევზჭერის ლიცენზია ქართველმა მეთევზეებმა რამდენიმე წლის წინ მიიღეს. ამას გარდა, ბოლო დროს ჩვენში თევზის გამოსაზრდელი ავზები და სატბორე მეურნეობებიც აქტიურად ამუშავდა. არც ისე დიდი ხნის წინ სოფლის მეურნეობის სამინისტროს სამეცნიერო-კვლევით ცენტრში თევზის გაუმჯობესებული, ქართული სახეობა გამოიყვანეს.ამ სიახლეზე და დარგში არსებულ პრობლემებზე გვესაუბრება სოფლის მეურნეობის სამინისტროს სამეცნიერო-კვლევითი ცენტრის მთავარი სპეციალისტი აკვაკულტურის მიმართულებით, ბატონი ელდარ კაშია.- ბატონო ელდარ, ადრე ძირითადად უცხოეთიდან შემოდიოდა საქართველოში თევზი, დღეს მდგომარეობა შეიცვალა და დარგში სასიკეთო ძვრები შეიმჩნევა...- ადრე, კომუნისტების დროს საქართველოში თევზი ძირითადად რუსეთიდან შემოჰქონდათ. დღეს ჩვენში უკვე არსებობს როგორც ცივი წყლის თევზების გამოსაზრდელი ავზები, ასევე თბილი წყლის თევზების სატბორე მეურნეობები. ჩვენი სამეცნიერო-კვლევითი ცენტრი აქტიურად მუშაობს და სასელექციო გუნდი ცდილობს ჩვენ მიერ დანერგილი სიახლეები და მიღწევები ქართველ ფერმერებზე მაქსიმალურად გავავრცელოთ.- მთავარი პრობლემა ქართველი ფერმერებისთვის იყო თევზის საკვები, რომელიც ადრე თურქეთიდან შემოდიოდა. დღეს რა მდგომარეობაა ამ მხრივ?- დიახ, თევზის საკვები საკმაოდ ძვირი ჯდება და ის ძირითადად თურქეთიდან შემოდიოდა. მაშინ თევზს, ხამსას (ქაფშიას) ფქვილად ამუშავებდნენ. ამის შემდეგ თევზის ფხვნილი და თევზის ზეთი მიდიოდა თურქეთში, სადაც ადგილობრივ ქარხნებში მათგან გრანულირებულ საკვებს ამზადებდნენ. მერე თევზის საკვებს ისევ მათგან საკმაოდ ძვირად, ოთხმაგ ფასად ვყიდულობდით. საქონლის საკვებზეც ანალოგიური ხდებოდა. დღეს ეს პრობლემა, შეიძლება ითქვას, უკვე მოგვარდა.- ანუ თევზის საკვები ადგილზე მზადდება?- დიახ, უკვე მეორე წელია, რაც ჩვენთან, კერძოდ, წნორში ამუშავდა თევზის საკვების დამამზადებელი ქარხანა, რომელიც იმას, რაც თურქებს უნდა შემოეტანათ, გარკვეულწილად ახორციელებს. თუმცა ეს საკმარისი არ არის, ამიტომ მომავალში ანალოგიური ქარხნების გახსნას კიდევ აპირებენ. ისინი თევზის საკვების უცხოურ მომწოდებებს ჩაენაცვლებიან. ამის შემდეგ მათი თვითღირებულებაც ნაკლები იქნება. აქედან გამომდინარე, თევზი უკვე რეალურ ფასად გაიყიდება.- თქვენ გიკავშირდებათ თევზის ახალი ქართული ჯიშის ფარიონის მოშენების მნიშვნელოვანი ფაქტი.- მცირე შესწორებას შევიტან – ეს არ არის ახალი ჯიში, ეს გაუმჯობესებული სახეობის თევზია. მოხდა ფარავნის კობრის შეჯვარება რიონის კობრთან და ამ გზით გაუმჯობესებული კობრი გამოვიყვანეთ. მოგახსენებთ, რომ ბოლო 30 წელია, რაც ჩვენში თევზის სელექციაზე არ მუშაობენ. ბევრი მეურნეობა თევზის გადარჩევას არ ახორციელებს, რათა მათი შეჯვარება მოხდეს. ეს მათ თვისებებზე უარყოფითად მოქმედებს – თევზი სწრაფად არ იზრდება და დაავადებების შედეგად იღუპება. ჩვენ მიერ გამოყვანილი ფარიონი კი ძლიერი იმუნიტეტით გამოირჩევა და თანაც გემრიელი ხორცი აქვს. - თუ არსებობს ჩვენში სასწავლო დაწესებულება, პროფესიული კოლეჯი, რომელიც ამ დარგის სპეციალისტებს ამზადებს?- ფოთში დიდი ხანია არსებობს კოლეჯი, მაგრამ იქ არ ისწავლებოდა შესაბამისი დარგი. უკვე რამდენიმე წელია, რაც ეს კოლეჯი ამ დარგის სპეციალისტებს, ფერმერ–მეთევზეებსაც უშვებს. „მილენიუმის პროგრამით“ ამ კოლეჯისთვის შესაბამისი სახელმძღვანელოებიც შევადგინეთ. ასე რომ, უკვე იზრდება ახალი თაობა, რომელიც მიიღებს შესაბამის განათლებას და ფერმერული მეურნეობების განვითარების საქმეში თავის წვლილს შეიტანს.
Sputnik საქართველო
media@sputniknews.com
+74956456601
MIA „Rossiya Segodnya“
2021
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
ინტერვიუ, საინტერესო ადამიანები
ინტერვიუ, საინტერესო ადამიანები
ფარიონი – თევზის ახალი ქართული სახეობა იმუნიტეტის გასაძლიერებლად
14:35 31.08.2021 (განახლებულია: 19:31 31.08.2021) გამძაფრებული ეპიდემიოლოგიური სიტუაციის დროს ექიმები უფრო აქტიურად ალაპარაკდნენ ორგანიზმის ძლიერი იმუნიტეტის აუცილებლობაზე. იმ პროდუქტების ჩამონათვალში, რაც ჯანმრთელობაზე დადებითად მოქმედებს, პირველ რიგში, ზღვის პროდუქტებს, კერძოდ, სხვადასხვა სახეობის თევზს ასახელებენ.
შავ ზღვაში თევზჭერის ლიცენზია ქართველმა მეთევზეებმა რამდენიმე წლის წინ მიიღეს. ამას გარდა, ბოლო დროს ჩვენში თევზის გამოსაზრდელი ავზები და სატბორე მეურნეობებიც აქტიურად ამუშავდა. არც ისე დიდი ხნის წინ სოფლის მეურნეობის სამინისტროს სამეცნიერო-კვლევით ცენტრში თევზის გაუმჯობესებული, ქართული სახეობა გამოიყვანეს.
ამ სიახლეზე და დარგში არსებულ პრობლემებზე გვესაუბრება სოფლის მეურნეობის სამინისტროს სამეცნიერო-კვლევითი ცენტრის მთავარი სპეციალისტი აკვაკულტურის მიმართულებით, ბატონი ელდარ კაშია.
- ბატონო ელდარ, ადრე ძირითადად უცხოეთიდან შემოდიოდა საქართველოში თევზი, დღეს მდგომარეობა შეიცვალა და დარგში სასიკეთო ძვრები შეიმჩნევა...
- ადრე, კომუნისტების დროს საქართველოში თევზი ძირითადად რუსეთიდან შემოჰქონდათ. დღეს ჩვენში უკვე არსებობს როგორც ცივი წყლის თევზების გამოსაზრდელი ავზები, ასევე თბილი წყლის თევზების სატბორე მეურნეობები. ჩვენი სამეცნიერო-კვლევითი ცენტრი აქტიურად მუშაობს და სასელექციო გუნდი ცდილობს ჩვენ მიერ დანერგილი სიახლეები და მიღწევები ქართველ ფერმერებზე მაქსიმალურად გავავრცელოთ.
- მთავარი პრობლემა ქართველი ფერმერებისთვის იყო თევზის საკვები, რომელიც ადრე თურქეთიდან შემოდიოდა. დღეს რა მდგომარეობაა ამ მხრივ?
- დიახ, თევზის საკვები საკმაოდ ძვირი ჯდება და ის ძირითადად თურქეთიდან შემოდიოდა. მაშინ თევზს, ხამსას (ქაფშიას) ფქვილად ამუშავებდნენ. ამის შემდეგ თევზის ფხვნილი და თევზის ზეთი მიდიოდა თურქეთში, სადაც ადგილობრივ ქარხნებში მათგან გრანულირებულ საკვებს ამზადებდნენ. მერე თევზის საკვებს ისევ მათგან საკმაოდ ძვირად, ოთხმაგ ფასად ვყიდულობდით. საქონლის საკვებზეც ანალოგიური ხდებოდა. დღეს ეს პრობლემა, შეიძლება ითქვას, უკვე მოგვარდა.
- ანუ თევზის საკვები ადგილზე მზადდება?
- დიახ, უკვე მეორე წელია, რაც ჩვენთან, კერძოდ, წნორში ამუშავდა თევზის საკვების დამამზადებელი ქარხანა, რომელიც იმას, რაც თურქებს უნდა შემოეტანათ, გარკვეულწილად ახორციელებს. თუმცა ეს საკმარისი არ არის, ამიტომ მომავალში ანალოგიური ქარხნების გახსნას კიდევ აპირებენ. ისინი თევზის საკვების უცხოურ მომწოდებებს ჩაენაცვლებიან. ამის შემდეგ მათი თვითღირებულებაც ნაკლები იქნება. აქედან გამომდინარე, თევზი უკვე რეალურ ფასად გაიყიდება.
- თქვენ გიკავშირდებათ თევზის ახალი ქართული ჯიშის ფარიონის მოშენების მნიშვნელოვანი ფაქტი.
- მცირე შესწორებას შევიტან – ეს არ არის ახალი ჯიში, ეს გაუმჯობესებული სახეობის თევზია. მოხდა ფარავნის კობრის შეჯვარება რიონის კობრთან და ამ გზით გაუმჯობესებული კობრი გამოვიყვანეთ. მოგახსენებთ, რომ ბოლო 30 წელია, რაც ჩვენში თევზის სელექციაზე არ მუშაობენ. ბევრი მეურნეობა თევზის გადარჩევას არ ახორციელებს, რათა მათი შეჯვარება მოხდეს. ეს მათ თვისებებზე უარყოფითად მოქმედებს – თევზი სწრაფად არ იზრდება და დაავადებების შედეგად იღუპება. ჩვენ მიერ გამოყვანილი ფარიონი კი ძლიერი იმუნიტეტით გამოირჩევა და თანაც გემრიელი ხორცი აქვს.
- თუ არსებობს ჩვენში სასწავლო დაწესებულება, პროფესიული კოლეჯი, რომელიც ამ დარგის სპეციალისტებს ამზადებს?
- ფოთში დიდი ხანია არსებობს კოლეჯი, მაგრამ იქ არ ისწავლებოდა შესაბამისი დარგი. უკვე რამდენიმე წელია, რაც ეს კოლეჯი ამ დარგის სპეციალისტებს, ფერმერ–მეთევზეებსაც უშვებს. „მილენიუმის პროგრამით“ ამ კოლეჯისთვის შესაბამისი სახელმძღვანელოებიც შევადგინეთ. ასე რომ, უკვე იზრდება ახალი თაობა, რომელიც მიიღებს შესაბამის განათლებას და ფერმერული მეურნეობების განვითარების საქმეში თავის წვლილს შეიტანს.
