Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

კორონავირუსი საქართველოს ციხეებში: ოპოზიცია ფართო ამნისტიას მოითხოვს

© photo: Sputnik / Aleksey Filippov / გადასვლა მედიაბანკშიციხეში
ციხეში - Sputnik საქართველო, 1920, 30.08.2021
გამოწერა
საქართველოს სპეციალური პენიტენციური სამსახურის პენიტენციურ დაწესებულებებში 9.300-მდე პატიმარი იმყოფება, აქედან 55% ორჯერადად აცრილია.
თბილისი, 30 აგვისტო – Sputnik. მსუბუქი და ნაკლებად მძიმე დანაშაულისთვის მსჯავრდებულების ამნისტია – ასეთი ინიციატივით გამოვიდა „ერთიანი ნაციონალური მოძრაობის“ წევრი სოფო ჯაფარიძე.
მისი თქმით, პენიტენციურ სისტემაში მძიმე სიტუაციაა – ციხეებში კორონავირუსის აფეთქებაა, მსჯავრდებულთა მნიშვნელოვანი ნაწილი ინფიცირებულია.
თამარ გაბუნია - Sputnik საქართველო, 1920, 30.08.2021
COVID-19 - ბოლო ცნობები
თამარ გაბუნია: ციხეებში კორონავირუსთან დაკავშირებული სიტუაცია სრულად კონტროლირებადია

„ციხეებში არის კოვიდაფეთქება, ჩვენი მოქალაქეები არიან ძალიან მძიმე მდგომარეობაში. ნუ დაგვავიწყდება, რომ ისინი არიან ჩვენი ნაწილი და ჩვენ უნდა ვიზრუნოთ მათ ჯანმრთელობასა და მათი სიცოცხლის გადარჩენაზე. იმ ინფრასტრუქტურის პირობებში, რაც დღეს საპატიმროებშია, ძალიან რთულია თუნდაც დისტანციის დაცვა. აქედან გამომდინარე, გამოვდივარ ფართო ამნისტიის ინიციატივით, რაც ითვალისწინებს მსუბუქ, ნაკლებად მძიმე დანაშაულებში მსჯავრდებული ადამიანების მყისიერ გათავისუფლებას“, – განაცხადა ჯაფარიძემ ორშაბათს გამართულ ბრიფინგზე.

ამასთან მან ხაზი გაუსვა, რომ ამნისტია არ უნდა შეეხოს მათ, ვინც საზოგადოებისთვის საფრთხეს წარმოადგენს.
„დღეს დადგა დრო, რომ მათთვის ციხის კარი გავაღოთ და ამით შევამსუბუქოთ მდგომარეობა. განვტვირთოთ საპატიმროები და გადავარჩინოთ თითოეული მათგანის სიცოცხლე. ეს პრაქტიკა გვაჩვენა ევროპის არაერთმა ქვეყანამ, მაგალითად, ბრიტანეთმა, ნიდერლანდმა, საფრანგეთმა. და ჩვენ ვხედავთ, რომ პანდემიის დაწყებიდან დღემდე დაახლოებით 10%-ით შემცირდა პატიმართა რაოდენობა“, – აღნიშნა სოფო ჯაფარიძემ.
შალვა ნათელაშვილი - Sputnik საქართველო, 1920, 30.08.2021
COVID-19 - ბოლო ცნობები
ლეიბორისტების ლიდერი ხალხის ქუჩაში გამოყვანით იმუქრება
მანამდე საქართველოს ჯანდაცვის მინისტრის მოადგილემ თამარ გაბუნიამ აღნიშნა, რომ ამჟამად ერთჯერადად ვაქცინირებულია პატიმრების 66%, ორჯერ კი 55%-ზე მეტი. რაც შეეხება თანამშრომლების ვაქცინაციას, გაბუნიას განცხადებით, ეს პროცესი აპრილის ბოლოდან დაიწყო და თანამშრომლების 80%-ზე მეტია ერთჯერადად ვაქცინირებული, 62%-მდე კი ორჯერ ვაქცინირებული. მისი თქმით, ამგვარი ვაქცინაციის პირობებში ინფექციის გადაცემის ალბათობა პენიტენციურ სისტემაში არის „საკმაოდ დაბალი“.
17 აგვისტოს მონაცემებით, სპეციალური პენიტენციური სამსახურის პენიტენციურ დაწესებულებებში 9.300-მდე პატიმარი იმყოფება.
ყველა ახალი ამბავი
0