https://sputnik-georgia.com/20210823/CxaiZe-aseTi-mZime-epidviTareba-saqarTvelos-ar-hqonia-252649235.html
ჩხაიძე: ასეთი ცუდი და მძიმე ეპიდვითარება საქართველოს პანდემიის დაწყებიდან დღემდე არ ჰქონია
ჩხაიძე: ასეთი ცუდი და მძიმე ეპიდვითარება საქართველოს პანდემიის დაწყებიდან დღემდე არ ჰქონია
Sputnik საქართველო
რთული ეპიდემიოლოგიური ვითარების გამო ჯანდაცვის სამინისტრო იძულებული გახდა აემოქმედებინა საველე ჰოსპიტლები, რადგან კლინიკებში ადგილები აღარაა. 23.08.2021-ს, Sputnik საქართველო
2021-08-23T12:58+0400
2021-08-23T12:58+0400
2023-08-17T18:13+0400
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/08/10/252595366_0:0:1621:912_1920x0_80_0_0_cce93fea007c7bbfe4808be578bfa3e7.jpg
თბილისი, 23 აგვისტო – Sputnik. სამედიცინო სფეროს სპეციალისტები მიიჩნევენ, რომ ასეთი ცუდი და მძიმე ეპიდემიოლოგიური ვითარება საქართველოს კორანავირუსის პანდემიის დაწყებიდან დღემდე არ ჰქონია.ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. სპეციალისტების განცხადებით, ბოლო ორი კვირის მონაცემებით, საქართველო 100 ათას მოსახლეზე როგორც ინფიცირებულთა რაოდენობით, ისე სიკვდილიანობის მაჩვენებლით მსოფლიოში პირველ სამეულშია.როგორც იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ განაცხადა, კორონავირუსის „დელტა“ ვარიანტს ახასიათებს უფრო მეტი გადამდებობა და მძიმე მიმდინარეობა, რაც განაპირობებს კიდეც სტაციონარებში მიმართვიანობის მაღალ მაჩვენებელს.„დისტანცირება, ხელების ხშირად დაბანა, თავყრილობების კატეგორიული აკრძალვა. თუ ბევრი ადამიანი მივა ვაქცინაციის კაბინეტებში, სექტემბერი გაცილებით ნაკლებად მძიმე იქნება. აგვისტოს ზეგავლენა მართლაც კატასტროფულია“, – განაცხადა ჩხაიძემ.პანდემიის დასრულების ერთადერთ გზას მასობრივ ვაქცინაციაში ხედავს ინფექციური საავადმყოფოს გენერალური დირექტორი თენგიზ ცერცვაძეც. ის მოსახლეობას იმუნიზაციის პროცესში ჩართვისკენ მოუწოდებს, რათა ქვეყანა ჩვეული ცხოვრების რეჟიმს უმოკლეს ვადაში დაუბრუნდეს.საქართველოში ახალი კორონავირუსით დაავადებულთა რაოდენობა ბოლო დღე-ღამეში 2.354-ით გაიზარდა და ინფიცირებულთა საერთო რიცხვმა 517 ათასს გადააჭარბა. პანდემიის დაწყებიდან კორონავირუსის შედეგად გარდაცვლილთა რაოდენობამ კი 6.831-ს მიაღწია.ეპიდემიოლოგების თქმით, პანდემიის დასაძლევად მოზრდილი მოსახლეობის 60-70%-ის ვაქცინაციაა საჭირო. ამ დროისათვის სრულად ვაქცინირებულია მოზრდილი მოსახლეობის 10.3%.
https://sputnik-georgia.com/20210822/sagangaSo-statistika-saqarTvelo-inficirebulTa-da-sikvdilianobis-ricxviT-pirvel-sameulSia-252643707.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
ჩხაიძე: ასეთი ცუდი და მძიმე ეპიდვითარება საქართველოს პანდემიის დაწყებიდან დღემდე არ ჰქონია
12:58 23.08.2021 (განახლებულია: 18:13 17.08.2023) რთული ეპიდემიოლოგიური ვითარების გამო ჯანდაცვის სამინისტრო იძულებული გახდა აემოქმედებინა საველე ჰოსპიტლები, რადგან კლინიკებში ადგილები აღარაა.
თბილისი, 23 აგვისტო – Sputnik. სამედიცინო სფეროს სპეციალისტები მიიჩნევენ, რომ ასეთი ცუდი და მძიმე ეპიდემიოლოგიური ვითარება საქართველოს კორანავირუსის პანდემიის დაწყებიდან დღემდე არ ჰქონია.
ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. სპეციალისტების განცხადებით, ბოლო ორი კვირის მონაცემებით, საქართველო 100 ათას მოსახლეზე როგორც ინფიცირებულთა რაოდენობით, ისე სიკვდილიანობის მაჩვენებლით მსოფლიოში პირველ სამეულშია.
როგორც იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ განაცხადა, კორონავირუსის „დელტა“ ვარიანტს ახასიათებს უფრო მეტი გადამდებობა და მძიმე მიმდინარეობა, რაც განაპირობებს კიდეც სტაციონარებში მიმართვიანობის მაღალ მაჩვენებელს.
„დისტანცირება, ხელების ხშირად დაბანა, თავყრილობების კატეგორიული აკრძალვა. თუ ბევრი ადამიანი მივა ვაქცინაციის კაბინეტებში, სექტემბერი გაცილებით ნაკლებად მძიმე იქნება. აგვისტოს ზეგავლენა მართლაც კატასტროფულია“, – განაცხადა ჩხაიძემ.
პანდემიის დასრულების ერთადერთ გზას მასობრივ ვაქცინაციაში ხედავს ინფექციური საავადმყოფოს გენერალური დირექტორი თენგიზ ცერცვაძეც. ის მოსახლეობას იმუნიზაციის პროცესში ჩართვისკენ მოუწოდებს, რათა ქვეყანა ჩვეული ცხოვრების რეჟიმს უმოკლეს ვადაში დაუბრუნდეს.
„ვაქცინაცია არის პირდაპირი და ერთადერთი გზა პანდემიის დასაძლევად. თუ აცრის მოწინააღმდეგეები პოზიციას არ შეიცვლიან, სიკვდილიანობის მაღალი მაჩვენებელი საქართველოში კვლავ შენარჩუნდება. ისინი არა ანტივაქსერები, არამედ ანტისახელმწიფოებრივი ელემენტები არიან და შეგნებულად, გამიზნულად ცდილობენ ქვეყანაში კრიზისული მდგომარეობა შექმნან“, – განაცხადა ცერცვაძემ.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 2.354-ით გაიზარდა და ინფიცირებულთა საერთო რიცხვმა 517 ათასს გადააჭარბა. პანდემიის დაწყებიდან კორონავირუსის შედეგად გარდაცვლილთა რაოდენობამ კი 6.831-ს მიაღწია.
ეპიდემიოლოგების თქმით, პანდემიის დასაძლევად მოზრდილი მოსახლეობის 60-70%-ის ვაქცინაციაა საჭირო. ამ დროისათვის სრულად ვაქცინირებულია მოზრდილი მოსახლეობის 10.3%.
