ესტონეთის ტელეკომპანია საქართველოს შესახებ გადაცემების ციკლს ამზადებს

© Sputnik / Alexander Imedashviliტურისტები შავ ზღვაზე ფოტოს იღებენ
ტურისტები შავ ზღვაზე ფოტოს იღებენ - Sputnik საქართველო, 1920, 20.08.2021
გამოწერა
ტურიზმის ადმინისტრაციის ცნობით, გადაცემა 10 ეპიზოდისგან შედგება და ესტონელი ტელემაყურებელი მას სექტემბერში იხილავს.
თბილისი, 20 აგვისტო – Sputnik. ესტონური ტელეკომპანია TV 3 საქართველოს შესახებ ამზადებს გადაცემების ციკლს „იმოგზაურე საქართველოში“, ნათქვამია საქართველოს ტურიზმის ეროვნული ადმინისტრაციის მიერ გავრცელებულ განცხადებაში.
42-წუთიანი გადაცემები საქართველოს ტურისტულ მიმართულებებს, საზღვაო და სამთო კურორტებს, ქართულ ტრადიციებს, კულტურას და ისტორიას დაეთმობა.
უწყების ინფორმაციით, ბალტიისპირეთის ქვეყნებიდან ტურისტული ნაკადების გასაზრდელად ტურიზმის ეროვნული ადმინისტრაცია ესტონეთიდან პრესტურს მასპინძლობს. პრესტურის ფარგლებში ესტონური TV 3-ის რვაკაციანი გადამღები ჯგუფი ორი კვირის განმავლობაში თბილისში, კახეთში, იმერეთში, აჭარაში, სამეგრელოსა და სვანეთში იმყოფებოდა, სადაც მათ ტურისტული ადგილები დაათვალიერეს და გადაიღეს.
„ტელევიზიის წარმომადგენლები საქართველოს თითქმის ყველა ტურისტულ რეგიონს მოინახულებენ. ეს არის ძალიან კარგი შესაძლებლობა ესტონეთში კიდევ ერთხელ მოვახდინოთ ჩვენი ტურისტული პროდუქტის პოზიციონირება, რაც მნიშვნელოვნად ხელს შეუწყობს მოგზაურთა ნაკადის ზრდას“, – განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.
პრესტური საქართველოს საგარეო საქმეთა სამინისტროსა და ესტონეთში საქართველოს საელჩოს ჩართულობით გაიმართა.
ყველა ახალი ამბავი
0