ავღანეთის წინააღმდეგობის მოძრაობამ თალიბებს სამი რაიონი წაართვა

© REUTERS / JALIL AHMADაღანეთის ეროვნული არმიის მებრძოლები
აღანეთის ეროვნული არმიის მებრძოლები - Sputnik საქართველო, 1920, 20.08.2021
გამოწერა
წყაროს მიერ გავრცელებული ინფორმაციით, წინააღმდეგობის ძალებმა ბაღლანის რაიონებისთვის ბრძოლებში ათობით თალიბი მოკლეს და დაჭრეს.
თბილისი, 20 აგვისტო — Sputnik. ავღანეთის ყოფილი ადმინისტრაციის თავდაცვის მინისტრი ბისმილა ხან მოჰამადი აცხადებს, რომ წინააღმდეგობის ძალებმა რადიკალურ მოძრაობა „თალიბანი“ პროვინცია ბაღლანის სამი რაიონიდან განდევნეს.
„თალიბანის“ ტერორისტებთან ბრძოლა ჩემი მოვალეობაა. ბაღლანის რაიონები — ფული-ჰესარი, დეხ-სალაჰი და ბანუ წინაღმდეგობის ძალებმა დაიკავეს. წინააღმდეგობა ჯერ ისევ ცოცხალია!“ — დაწერა გენერალმა Twitter-ზე.
სააგენტო РИА Новости-ს წყაროს ინფორმაციით, წინააღმდეგობის ძალებმა ბაღლანის რაიონებისთვის ბრძოლებში ათობით თალიბი მოკლეს და დაჭრეს.  
ვითარება ავღანეთში - Sputnik საქართველო, 1920, 19.08.2021
„მოგვეცით იარაღი“: ავღანეთის წინააღმდეგობის მოძრაობა დასავლეთს დახმარებას სთხოვს
მანამდე ავღანეთის პროვინცია პანჯშერის წინააღმდეგობის მეომრებმა, რომელსაც „თალიბანი“ ვერ აკონტროლებს, დასავლეთს მოუწოდეს, დაეხმარონ მათ იარაღით. პანჯშერის წინააღმდეგობის მოძრაობას აჰმად მასუდი მეთაურობს, რომელიც თალიბებთან მებრძოლი „ჩრდილოეთის ალიანსის“ აწ გარდაცვლილი ხელმძღვანელის აჰმად შაჰ მასუდის ვაჟია. 
ავღანეთიდან ამერიკული სამხედრო კონტინგენტის გაყვანის ფონზე ქვეყანაში ვითარება რამდენიმე კვირის წინ მკვეთრად გამწვავდა. რადიკალურმა მოძრაობა „თალიბანმა“ ქვეყნის დიდ ქალაქებს შეუტია. კვირას, 15 აგვისტოს „თალიბანმა“ ქაბული დაიკავა და ქვეყანაში ძალაუფლება ხელში აიღო. ავღანეთის პრეზიდენტმა აშრაფ ღანიმ ქვეყანა დატოვა. ბოლო ინფორმაციით, ის ოჯახთან ერთად არაბთა გაერთიანებულ საამიროებში იმყოფება, რაც ქვეყნის საგარეო საქმეთა სამინისტრომ უკვე დაადასტურა.
17 აგვისტოს ავღანეთის ვიცე-პრეზიდენტმა ამრულა სალეჰმა განაცხადა, რომ პრეზიდენტის არყოფნის პერიოდში სახელმწიფოს დროებითი მეთაური იქნება. უახლოეს მომავალში ცნობილი გახდება ქვეყნის მმართველობის ახალი ფორმა, ბოევიკები გარდამავალი მთავრობის ჩამოყალიბებაზე უარს აცხადებენ.
ყველა ახალი ამბავი
0