რომის პაპს კონვერტით სამი ტყვია გაუგზავნეს: მიმდინარეობს გამოძიება

© photo: Sputnik / Vladimir Astapkovich / გადასვლა მედიაბანკშირომის პაპი
რომის პაპი - Sputnik საქართველო, 1920, 09.08.2021
გამოწერა
საფრანგეთიდან მიღებული საეჭვო კონვერტი ფოსტის თანამშრომლებმა აღმოაჩინეს კორესპონდენციის დახარისხებისას.
თბილისი, 9 აგვისტო — Sputnik. მილანის სამართალდამცველი ორგანოები რომის პაპისთვის განკუთვნილ კორესპონდენციასთან დაკავშირებულ ინციდენტს იძიებენ, იუწყება ABC News-ი იტალიის სამხედრო პოლიციაზე დაყრდნობით.
გავრცელებული ინფორმაციით, მილანის გარეუბანში მდებარე ფოსტის თანამშრომლებმა კორესპონდენციის დახარისხებისას გამოავლინეს პონტიფიკოსის სახელზე მიღებული წერილი, რომელშიც სამი ტყვია იდო.
  • საეჭვო კონვერტი საფრანგეთიდან იყო გაგზავნილი და ზემოდან ხელით ეწერა: „რომის პაპს, ვატიკანი, წმიდა პეტრეს მოედანი, რომი“.
გზავნილში, სავარაუდოდ, პისტოლეტის ტყვიები იყო და ასევე იდო წერილი, რომელიც ვატიკანში ფინანსურ ოპერაციებს ეხებოდა.
ამ დროისათვის მიმდინარეობს გამოძიება. ვატიკანს ჯერჯერობით არანაირი კომენტარი არ გაუკეთებია.
ყველა ახალი ამბავი
0