საქართველოში კორონავირუსისგან სახლსა და კოვიდ-სასტუმროებში 48 ადამიანი გარდაიცვალა

© press-service of the Ministry of Refugees, Labor, Health and Social Affairsთენგიზ ცერცვაძე
თენგიზ ცერცვაძე - Sputnik საქართველო, 1920, 06.08.2021
გამოწერა
თენგიზ ცერცვაძის განცხადებით, წელიწად-ნახევარში სიკვდილის 48 შემთხვევა არც ისე ბევრია და პაციენტების მართვის ეფექტურობაზე მიუთითებს.
თბილისი, 6 აგვისტო – Sputnik. საქართველოში წელიწად-ნახევრის განმავლობაში კორონავირუსისგან სახლის პირობებსა და კოვიდ-სასტუმროებში 48 ადამიანი გარდაიცვალა, განაცხადა თბილისის ინფექციური საავადმყოფოს დირექტორმა თენგიზ ცერცვაძემ.
ამირან გამყრელიძე: ვაქცინაციაზე და პირბადეზე კარგი დამცველი საშუალება ჯერჯერობით არ არის>>
ცერცვაძის თქმით, ეს რიცხვი დიდი არაა და მეტყველებს იმაზე, რომ ქვეყანაში პაციენტების ნაკადს ეფექტურად მართავენ.
„ჰოსპიტალს გარეთ გარდაცვლილთა რიცხვი, ანუ ბინაზე გარდაცვლილებისა და სასტუმროებში, არის 48. ეს მთელი წელიწად-ნახევრის მანძილზე. მაშინ, როდესაც უცხოეთის ყველაზე კარგი ჯანდაცვის მქონე ქვეყნებში არის ასეულები და ათასები. ინგლისში ჯერ კიდევ რამდენიმე თვის წინ ჰყავდათ 10 ათასი ასეთი გარდაცვლილი“, – განაცხადა ცერცვაძემ.
მისი თქმით, საქართველოს ყველაზე დაბალი მაჩვენებელი აქვს სახლში გარდაცვლილების კუთხით და ეს ჯანდაცვის კლინიკური სექტორის კარგ მუშაობაზე მიუთითებს.
კორონავირუსის ეპიდემია - Sputnik საქართველო, 1920, 05.08.2021
რამდენ ხანს გაგრძელდება მეოთხე ტალღის პიკი და რას პროგნოზირებენ ეპიდემიოლოგები
„ჩვენი ოპონენტები ხშირად გვაკრიტიკებენ, რომ საჭიროზე მეტი გადაგვყავს ჰოსპიტალში, ყველა არ საჭიროებს ჰოსპიტალიზაციას და ასეთებიც გვხვდებიან, მაგრამ სწორედ იმიტომ, რომ გარკვეულწილად თავს იზღვევენ ექიმები და გადაჰყავთ ჰოსპიტალში პაციენტები, რომელთაც აქვთ რაღაც კრიტერიუმები ჰოსპიტალიზაციისთვის, სწორედ ამიტომაა ასეთი დაბალი რიცხვი ბინაზე გარდაცვლილების“, – აღნიშნა ცერცვაძემ.
საქართველოში ბოლო დღე-ღამეში ინფიცირების 3.780 ახალი შემთხვევა გამოვლინდა. პანდემიის დაწყებიდან დღემდე დაინფიცირდა 440.353 ადამიანი, გამოჯანმრთელდა 395.505, გარდაიცვალა 6.016 პაციენტი.
ყველა ახალი ამბავი
0