ცესკო მასმედიას, ადგილობრივ და საერთაშორისო ორგანიზაციებს დროული რეგისტრაციისკენ მოუწოდებს

© Sputnik / Alexander Imedashviliსაქართველოს ცესკო
საქართველოს ცესკო - Sputnik საქართველო, 1920, 04.08.2021
გამოწერა
საქართველოში 2 ოქტომბერს ჩატარდება არჩევნები, რომელზეც ქვეყნის მოსახლეობა მერებს და საკრებულოების დეპუტატებს აირჩევს.
თბილისი, 4 აგვისტო - Sputnik. ცენტრალური საარჩევნო კომისია (ცესკო) საარჩევნო პროცესებში ჩართულ ყველა მხარეს, როგორც მასმედიას, ისე საერთაშორისო ორგანიზაციებსა და ადგილობრივ არასამთავრობო სექტორს მოუწოდებს, დროულად გაიარონ საარჩევნო ადმინისტრაციაში (ცესკო-სა და შესაბამის საოლქო საარჩევნო კომისიებში) რეგისტრაცია/აკრედიტაცია.
საარჩევნო პლაკატები - Sputnik საქართველო, 1920, 04.08.2021
არჩევნები 2021 საქართველოში – რა არის აკრძალული წინასაარჩევნო კამპანიის მსვლელობისას
უწყების განმარტებით, გუშინ ცენტრალურმა საარჩევნო კომისიამ სხდომაზე დაამტკიცა საარჩევნო ღონისძიებათა გრაფიკი, რომელშიც დეტალურადაა აღწერილი არჩევნებთან დაკავშირებული საქმიანობები და ვადები.
„მოგიწოდებთ, დროულად გაიაროთ კანონმდებლობით გაწერილი პროცედურები რეგისტრაციისა და აკრედიტაციის მისაღებად იმისათვის, რომ გქონდეთ სრული ინფორმაცია ჩვენი საქმიანობის შესახებ, შეუფერხებლად შეძლოთ საარჩევნო პროცესებზე დაკვირვება, სხდომებზე დასწრება და გაშუქება“, – განაცხადა ცესკოს პრეს-სპიკერმა ნათია იოსელიანმა.
საქართველოში წინასაარჩევნო კამპანია დაიწყო: ცესკომ ღონიძიებების სრული სია გამოაქვეყნა>>
საქართველოში არჩევნები 2 ოქტომბერს გაიმართება. ქვეყნის მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.
წინასაარჩევნო კამპანია ოფიციალურად 2 აგვისტოს დაიწყო.
ყველა ახალი ამბავი
0