„Sputnik–საქართველომ“ გაარკვია – პოსტსაბჭოთა სივრცის ქვეყნებში რა ფულად კომპენსაციებს მიიღებენ სპორტსმენები, რომლებიც ოლიმპიური ჩემპიონები გახდებიან. აღსანიშნავია, რომ ზოგიერთ ქვეყანაში სპორტსმენები მატერიალური დახმარების გარდა საჩუქრად უძრავ ქონებას ან ავტომობილს იღებენ.
საქართველო ამ სიაში ლიდერია – ივნისის დასაწყისში ქვეყნის პრემიერ-მინისტრმა ირაკლი ღარიბაშვილმა განაცხადა, რომ მთავრობა თითოეულ სპორტსმენს, რომელიც ტოკიოს ოლიმპიური თამაშების ჩემპიონი გახდება, 1 მლნ ლარს გადასცემს. ამ დროისათვის საქართველოს ნაკრებს ერთი ოქროს მედალი აქვს მოპოვებული.
