შულგინმა OPCW-ში რუსეთის მიზნები განმარტა

© photo: Sputnik / Alexey VitvitskiyOPCW
OPCW - Sputnik საქართველო, 1920, 30.07.2021
გამოწერა
Yandex newsTelegram
თბილისი, 30 ივლისი — Sputnik. რუსეთი განაგრძობს ქიმიური იარაღის აკრძალვის ორგანიზაციაში (OPCW) მუშაობას, რაც მიზნად ისახავს საერთაშორისო სამართლის დაცვას, ორგანიზაციაში რუსეთის ფედერაციის შეზღუდულ მონაწილეობაზე საუბარიც არ შეიძლება, თქვა რუსეთის ელჩმა ნიდერლანდებში და ასევე მუდმივმა წარმომადგენელმა OPCW-ში ალექსანდრ შულგინმა.
მან ყურადღება გაამახვილა იმ ფაქტზე, რომ OPCW ტექნიკური სამდივნო, ისევე როგორც დასავლეთის ზოგიერთი ქვეყანა, ცდილობს ორგანიზაციის რეფორმირებას „მათი გეოპოლიტიკური ინტერესების შესაბამისად".
ამავე დროს, შულგინმა ხაზი გაუსვა OPCW-ის მნიშვნელოვან როლს განვითარებადი ქვეყნებისთვის ეკონომიკური და ტექნოლოგიური განვითარების ხელშეწყობაში, ასევე ქიმიის მშვიდობიანი მიზნებისთვის გამოყენებაში.
„თუმცა — და ეს, რა თქმა უნდა, სამწუხაროა — ბევრი განვითარებული ქვეყანა არ ჩქარობს ამ სფეროში საკუთარი გამოცდილებისა და აღჭურვილობის გაზიარებას, ასევე ახორციელებს სანქციებს და სხვა შემზღუდველ ზომებს. ერთი სიტყვით, OPCW კვლავ მოთხოვნადია და ჩვენ განზრახული გვაქვს, ყველაფერი გავაკეთოთ დებულებების გამოსასწორებლად, ამიტომ, ორგანიზაციაში რუსეთის რაიმე შეზღუდულ მონაწილეობაზე საუბარი არ შეიძლება“, — აღნიშნა მან.
მანამდე რადიო Sputnik-მა გაავრცელა ინფორმაცია, რომ სახელმწიფო დუმამ ბუნდესტაგისა და OPCW-ის ხელმძღვანელებს ალექსეი ნავალნის სავარაუდო მოწამვლის შესახებ მოხსენებაში შეუსაბამობის გამო მიმართა.
ყველა ახალი ამბავი
0