იტალიაში დანტეს აქამდე უცნობი ხელნაწერები აღმოაჩინეს

© photo: Sputnik / Alexander Wilf / გადასვლა მედიაბანკშიდანტე ალიგიერის ძეგლი
დანტე ალიგიერის ძეგლი - Sputnik საქართველო, 1920, 09.07.2021
გამოწერა
ხელნაწერები, რომლებიც, სავარაუდოდ, „ღვთაებრივი კომედიის“ ავტორს ეკუთვნის, შემთხვევით აღმოაჩინა მონაზონმა.
თბილისი, 9 ივლისი – Sputnik. იტალიაში შემთხვევით აღმოაჩინეს დიდი იტალიელი პოეტისა და მოაზროვნის დანტე ალიგიერის ჩანაწერები, იუწყება The Times.
საქართველოში გამოსცემენ საფოსტო მარკას დანტე ალიგიერის პორტრეტით>>
ჩანაწერები მონაზონმა ჯულია ბოლტონ ჰოლოუეიმ ვატიკანისა და ფლორენციის ბიბლიოთეკებში იპოვა. ხელნაწერი ფურცლები, სავარაუდოდ, „ღვთაებრივი კომედიის“ ავტორს ეკუთვნის. საინტერესოა, რომ მე-13 საუკუნეში მოღვაწე დიდი მოაზროვნის ხელწერა აქამდე არავინ იცოდა.
Giorgi Aleksidze - Tbilisi Contemporary Ballet - Sputnik საქართველო, 1920, 14.05.2021
თბილისი „ბეატრიჩეს“ მსოფლიო პრემიერას უმასპინძლებს
როგორც გამოცემა წერს, ამ ტექსტების ჩაწერისას ალიგიერი ფლორენციაში სტუდენტი იყო, სადაც მას ფილოსოფიას მეცნიერი, პოლიტიკური და სახელმწიფო მოღვაწე ბრუნეტო ლატინი ასწავლიდა. ცნობილია რომ ლატინი მეურვეობდა დანტეს მამის გარდაცვალების შემდეგ.
თავად ჰოლოუეიმ, რომელიც მონაზვნად აღკვეცამდე შუა საუკუნეების ექსპერტი იყო პრინსტონის უნივერსიტეტში, აღნიშნა, რომ ეს თხზულებები „წარმოდგენას იძლევა დანტეს გენიალობის შესახებ“.
„ცოტა ხნის წინ ნაპოვნ ხელნაწერში ხელწერა სკოლის მოსწავლის ხელწერას ჰგავს, მაგრამ წერილი ბრწყინვალე ტოსკანურ დიალექტზეა შესრულებული“, – განაცხადა ჰოლოუეიმ.
მონაზონმა ასევე აღნიშნა: „დანტეს კომედიის ვერსიის ხელნაწერთა ასლი შემონახული არ არის. თუმცა აღორძინების ეპოქის მეცნიერი ლეონარდო ბრუნი, რომელსაც ნანახი ჰქონდა დანტეს ხელწერა, სწორედ იმგვარად აღწერს მას, როგორიც მე აღმოვაჩინე“.
ამავე დროს ჩანაწერებმა დანტეს შედევრში „ღვთაებრივი კომედია“, რომელიც 1320 წელს, პოეტის გარდაცვალებამდე ერთი წლით ადრე დასრულდა, შეიძლება ნათელი მოჰფინოს ზოგიერთ მომენტს. მაგალითად, იქ გამოსახულია წრეში ჩასმული კვადრატი. ეს კონცეფცია დანტემ მოგვიანებით გამოიყენა „ღვთაებრივ კომედიაში“ ღმერთის აღწერისთვის.
ყველა ახალი ამბავი
0