https://sputnik-georgia.com/20210705/princesa-dianas-shurisdziebis-kaba-252214597.html
პრინცესა დიანას ცნობილი „შურისძიების კაბა“, რომლის ჩაცმასაც სამი წელი ელოდა
პრინცესა დიანას ცნობილი „შურისძიების კაბა“, რომლის ჩაცმასაც სამი წელი ელოდა
Sputnik საქართველო
მედიამ მოკლე შავ კაბას, რომელსაც ლედი დიანა იმ დღეს ატარებდა, როდესაც მსოფლიომ პრინცი ჩარლზის ღალატის შესახებ შეიტყო, „შურისძიების კაბა“ უწოდა. 05.07.2021-ს, Sputnik საქართველო
2021-07-05T15:45+0400
2021-07-05T15:45+0400
2023-07-20T15:42+0400
ეს საინტერესოა
მსოფლიოს ახალი ამბები
https://cdnn1.img.sputnik-georgia.com/img/07e5/07/06/252226009_0:8:2448:1385_1920x0_80_0_0_ed76f123bef48f60a4e280eec6e4f424.jpg
არსებობს ტანისამოსი, რომელიც სიტყვებზე მეტს ამბობს. მათ რიგებს მიეკუთვნება მოკლე შავი კაბა, რომელშიც პრინცესა დიანა 1994 წლის 29 ივნისს ლონდონის The Serpentine Gallery-ს საქველმოქმედო საღამოზე გამოჩნდა. სწორედ იმ დღეს ტელევიზიით გავიდა დოკუმენტური ფილმი პრინც ჩარლზის შესახებ, რომელშიც იგი აღიარებდა, რომ მან ცოლი მოატყუა და უღალატა მას. დოკუმენტურ ფილმს მრავალმილიონიანი აუდიტორია ჰყავდა. მედია გაოცებული იყო, სხვა თემა დღის წესრიგში აღარ იდგა. დიანამ შეძლო ყველას ყურადღება მისკენ მიეპყრო და ეჩვენებინა ქმრისთვის, ვინ დაკარგა მან ახლახან.ქრისტინა სტამბოლიანის მიერ შექმნილმა ფენომენალურმა კაბამ სამუდამო ადგილი დაიკავა დიანას გარდერობში. ჰერცოგინია სამი წლის განმავლობაში ელოდა კაბის ჩაცმას, „ეშინოდა, რომ ძალიან პროვოკაციული იყო“, – გაიხსენა დიზაინერმა წლების შემდეგ.კაბის ჩაცმის გადაწყვეტილება ძალიან თამამი ნაბიჯი იყო ინგლისის მომავალი მეფის მეუღლისთვის და, რა თქმა უნდა, ის მიდიოდა სამეფო პროტოკოლის წინააღმდეგ. ეს სტილი ჰოლივუდის ვარსკვლავს უფრო მოგაგონებთ, ვიდრე უელსის პრინცესას. იმ საღამოს დიანამ (და მთლიანად ბრიტანეთმა) იცოდა, რომ მისი და პრინც ჩარლზის ქორწინება დასრულდებოდა. ასე რომ, მას დასაკარგი არაფერი ჰქონდა. იგი მზად იყო ცხოვრებაში ახალი თავი დაეწყო და მან ეს სანახაობრივი გზით გააკეთა.ჰერცოგინია აქამდე ასე სექსუალურად არასოდეს გამოჩენილა. კაბა ხაზს უსვამდა მის სპორტულ ფიგურას. მიუხედავად იმისა, რომ კონსერვატული სასახლის წრეებში კაბა ნამდვილად სკანდალური იყო, დიანა მასში თავს ძალიან კომფორტულად გრძნობდა. ღონისძიების ფოტოებიდან ჩანს, რომ იგი თავდაჯერებული და ენერგიით სავსეა. მისგან ახალგაზრდობა და თავისუფლების სურვილი მოდის.„დიანამ ზუსტად იცოდა რა სურდა და რა მოსწონდა. მისი არჩევანი არასოდეს ყოფილა რაიმე ტენდენციით ნაკარნახევი“, – იხსენებს პრინცესას სტილისტი ერთ-ერთ ინტერვიუში.შავ კაბას უფრო დახვეწილს ულამაზესი მარგალიტის ყელსაბამი ხდიდა. იგი შედგებოდა მარგალიტების, ბრილიანტებისა და უზარმაზარი საფირონის ქვისგან, რომელიც დიანას დედამ აჩუქა. ჰერცოგინიას ძალიან მოსწონდა ეს ყელსაბამი და მას სხვადასხვა დროს ატარებდა.1997 წლის ზაფხულში ნიუ-იორკში დიანამ გადაწყვიტა 79 ყველაზე ცნობილი საღამოს და კოქტეილის კაბა აუქციონზე გამოეტანა, შემოსული თანხა კი კიბოსა და შიდსის წინააღმდეგ ბრძოლას მოხმარდებოდა. ექსპონატებს შორის, რა თქმა უნდა, იყო „შურისძიების კაბაც“, რომელიც 74 000 დოლარად გაიყიდა.
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ეს საინტერესოა, მსოფლიოს ახალი ამბები
ეს საინტერესოა, მსოფლიოს ახალი ამბები
პრინცესა დიანას ცნობილი „შურისძიების კაბა“, რომლის ჩაცმასაც სამი წელი ელოდა
15:45 05.07.2021 (განახლებულია: 15:42 20.07.2023) მედიამ მოკლე შავ კაბას, რომელსაც ლედი დიანა იმ დღეს ატარებდა, როდესაც მსოფლიომ პრინცი ჩარლზის ღალატის შესახებ შეიტყო, „შურისძიების კაბა“ უწოდა.
არსებობს ტანისამოსი, რომელიც სიტყვებზე მეტს ამბობს. მათ რიგებს მიეკუთვნება მოკლე შავი კაბა, რომელშიც პრინცესა დიანა 1994 წლის 29 ივნისს ლონდონის The Serpentine Gallery-ს საქველმოქმედო საღამოზე გამოჩნდა. სწორედ იმ დღეს ტელევიზიით გავიდა დოკუმენტური ფილმი პრინც ჩარლზის შესახებ, რომელშიც იგი აღიარებდა, რომ მან ცოლი მოატყუა და უღალატა მას. დოკუმენტურ ფილმს მრავალმილიონიანი აუდიტორია ჰყავდა. მედია გაოცებული იყო, სხვა თემა დღის წესრიგში აღარ იდგა. დიანამ შეძლო ყველას ყურადღება მისკენ მიეპყრო და ეჩვენებინა ქმრისთვის, ვინ დაკარგა მან ახლახან.
ქრისტინა სტამბოლიანის მიერ შექმნილმა ფენომენალურმა კაბამ სამუდამო ადგილი დაიკავა დიანას გარდერობში. ჰერცოგინია სამი წლის განმავლობაში ელოდა კაბის ჩაცმას, „ეშინოდა, რომ ძალიან პროვოკაციული იყო“, – გაიხსენა დიზაინერმა წლების შემდეგ.
კაბის ჩაცმის გადაწყვეტილება ძალიან თამამი ნაბიჯი იყო ინგლისის მომავალი მეფის მეუღლისთვის და, რა თქმა უნდა, ის მიდიოდა სამეფო პროტოკოლის წინააღმდეგ. ეს სტილი ჰოლივუდის ვარსკვლავს უფრო მოგაგონებთ, ვიდრე უელსის პრინცესას. იმ საღამოს დიანამ (და მთლიანად ბრიტანეთმა) იცოდა, რომ მისი და პრინც ჩარლზის ქორწინება დასრულდებოდა. ასე რომ, მას დასაკარგი არაფერი ჰქონდა. იგი მზად იყო ცხოვრებაში ახალი თავი დაეწყო და მან ეს სანახაობრივი გზით გააკეთა.
ჰერცოგინია აქამდე ასე სექსუალურად არასოდეს გამოჩენილა. კაბა ხაზს უსვამდა მის სპორტულ ფიგურას. მიუხედავად იმისა, რომ კონსერვატული სასახლის წრეებში კაბა ნამდვილად სკანდალური იყო, დიანა მასში თავს ძალიან კომფორტულად გრძნობდა. ღონისძიების ფოტოებიდან ჩანს, რომ იგი თავდაჯერებული და ენერგიით სავსეა. მისგან ახალგაზრდობა და თავისუფლების სურვილი მოდის.
„დიანამ ზუსტად იცოდა რა სურდა და რა მოსწონდა. მისი არჩევანი არასოდეს ყოფილა რაიმე ტენდენციით ნაკარნახევი“, – იხსენებს პრინცესას სტილისტი ერთ-ერთ ინტერვიუში.
შავ კაბას უფრო დახვეწილს ულამაზესი მარგალიტის ყელსაბამი ხდიდა. იგი შედგებოდა მარგალიტების, ბრილიანტებისა და უზარმაზარი საფირონის ქვისგან, რომელიც დიანას დედამ აჩუქა. ჰერცოგინიას ძალიან მოსწონდა ეს ყელსაბამი და მას სხვადასხვა დროს ატარებდა.
1997 წლის ზაფხულში ნიუ-იორკში დიანამ გადაწყვიტა 79 ყველაზე ცნობილი საღამოს და კოქტეილის კაბა აუქციონზე გამოეტანა, შემოსული თანხა კი კიბოსა და შიდსის წინააღმდეგ ბრძოლას მოხმარდებოდა. ექსპონატებს შორის, რა თქმა უნდა, იყო „შურისძიების კაბაც“, რომელიც 74 000 დოლარად გაიყიდა.
