https://sputnik-georgia.com/20210704/saqarTvelos-parlamenti-momdevno-kviraSi-mosamarTleobis-kandidatebTan-gasaubrebebs-daiwyebs-252204795.html
საქართველოს პარლამენტი მომდევნო კვირაში მოსამართლეობის კანდიდატებთან გასაუბრებებს დაიწყებს
საქართველოს პარლამენტი მომდევნო კვირაში მოსამართლეობის კანდიდატებთან გასაუბრებებს დაიწყებს
Sputnik საქართველო
ოპოზიციური პარტიები სასამართლო რეფორმის გატარებამდე მოსამართლეთა დანიშვნის პროცესის შეჩერებას მოითხოვენ. 04.07.2021-ს, Sputnik საქართველო
2021-07-04T10:00+0400
2021-07-04T10:00+0400
2021-10-19T18:00+0400
ახალი ამბები
პოლიტიკა
საქართველო
https://cdnn1.img.sputnik-georgia.com/img/07e5/06/19/252126970_342:463:2210:1514_1920x0_80_0_0_ab7e1f41d65ddf08f9d9156efa990619.jpg
თბილისი, 4 ივლისი — Sputnik. საქართველოს პარლამენტი იურიდიული კომიტეტის ფარგლებში სამშაბათიდან უზენაესი სასამართლოს მოსამართლეობის კანდიდატებთან გასაუბრებებს დაიწყებს, განაცხადა კომიტეტის თავმჯდომარემ ანრი ოხანაშვილმა.მისი თქმით, ერთ დღეში კომიტეტი ათიდან ორ კანდიდატს მოუსმენს. ამასთან, პარლამენტის თითოეულ ფრაქციას და პოლიტიკურ ჯგუფს შეკითხვის დასასმელად გარკვეული დრო მიეცემა.ასე მაგალითად, „ქართული ოცნების“ ფრაქციას ამისათვის ექნება 75 წუთი, „შარლ მიშელის რეფორმის“ ფრაქციას - 15 წუთი, „ლელოს“ ფრაქციას - 15 წუთი, „ერთიანი ნაციონალური მოძღაობის“ ფრაქციას - 32 წუთი, პოლიტიკურ ჯგუფებს - „საქართველოსთვის“, „გირჩს“, „ევროპელ სოციალისტებს“ და „მოქალაქეებს“ - თითო 15 წუთი. დამოუკიდებელ დეპუტატებისთვის 33 წუთი გამოიყოფა.მაგრამ პარტიების უმრავლესობა ამ პროცესში მონაწილეობას არ აპირებს. ისინი მოითხოვენ სასამართლო რეფორმამდე მოსამართლეთა დანიშვნის პროცესის შეჩერებას. სხდომას არც სახალხო დამცველი არ დაესწრება.იუსტიციის უმაღლესმა საბჭომ ივნისის ბოლოს წარუდგინა პარლამენტს უზენაესი სასამართლოს მოსამართლეობის კანდიდატთა სია, რაც ოპოზიციის შეშფოთების მიზეზი გახდა, რადგან ეს ევროპული საბჭოს პრეზიდენტ შარლ მიშელის მიერ მომზადებული შეთანხმების დარღვევად მიიჩნია.ოპოზიციის კრიტიკაზე საპასუხოდ სასამართლო კორპუსის წარმომადგენლებმა განაცხადეს, რომ მათ და მართლმსაჯულების სისტემის წინააღმდეგ დისკრედიტაციის მიზანმიმართული კამპანია მიმდინარეობს, მათ შორის დასავლელი პარტნიორების მხრიდანაც.თავის მიმართვაში 300-ზე მეტი მოსამართლე აცხადებს, რომ არის კანონის ერთგული, საქართველოს პატრიოტია და დგას სახელმწიფოს ინტერესების სადარაჯოზე. ხოლო მართლმსაჯულების სფეროში პრინციპულ პროგრესს ადასტურებს ბოლო წლების სასამართლო სტატისტიკა და საერთაშორისი რეიტინგები.სასამართლო რეფორმა და დამოუკიდებელი მართლმსაჯულების სისტემა - ერთ-ერთი ყველაზე მწვავე საკითხია, რომელზეც პოლიტიკურ წრეებში ცხარე კამათი არ წყდება. ოპოზიცია ამტკიცებს, რომ საქართველოში სასამართლოს კლანები მართავენ, მმართველ პარტიაში კი ამ ვერსიას კატეგორიულად უარყოფენ და აცხადებენ, რომ სასამართლო სისტემა ქვეყანაში სრულიად დამოუკიდებელია.აღსანიშნავია, რომ საქართველოს სასამართლო სისტემა არის სფერო, რომელსაც საერთაშორისო ორგანიზაციები და პარტნიორები ყველაზე მეტად აკრიტიკებენ. მათ არაერთხელ მოუწოდეს ხელისუფლების წარმომადგენლებს, გაეტარებინათ მართლმსაჯულების სისტემაში საფუძვლიანი რეფორმა, მანამ კი თავი შეეკავებინათ უზენაესი სასამართლოს მოსამართლეთა დანიშვნისგან.
https://sputnik-georgia.com/20210629/parlamentSi-mosamarTleTa-daniSvnasTan-dakavSirebiT-morigi-skandali-atyda-252165914.html
https://sputnik-georgia.com/20210629/qarTveli-mosamarTleebis-erToblivi-gancxadeba-252157674.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/06/19/252126970_489:464:2001:1598_1920x0_80_0_0_a3c1825051809a49bb20c2653fa51a00.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, პოლიტიკა, საქართველო
ახალი ამბები, პოლიტიკა, საქართველო
საქართველოს პარლამენტი მომდევნო კვირაში მოსამართლეობის კანდიდატებთან გასაუბრებებს დაიწყებს
10:00 04.07.2021 (განახლებულია: 18:00 19.10.2021) ოპოზიციური პარტიები სასამართლო რეფორმის გატარებამდე მოსამართლეთა დანიშვნის პროცესის შეჩერებას მოითხოვენ.
თბილისი, 4 ივლისი — Sputnik. საქართველოს პარლამენტი იურიდიული კომიტეტის ფარგლებში სამშაბათიდან უზენაესი სასამართლოს მოსამართლეობის კანდიდატებთან გასაუბრებებს დაიწყებს, განაცხადა კომიტეტის თავმჯდომარემ ანრი ოხანაშვილმა.
მისი თქმით, ერთ დღეში კომიტეტი ათიდან ორ კანდიდატს მოუსმენს. ამასთან, პარლამენტის თითოეულ ფრაქციას და პოლიტიკურ ჯგუფს შეკითხვის დასასმელად გარკვეული დრო მიეცემა.
ასე მაგალითად, „ქართული ოცნების“ ფრაქციას ამისათვის ექნება 75 წუთი, „შარლ მიშელის რეფორმის“ ფრაქციას - 15 წუთი, „ლელოს“ ფრაქციას - 15 წუთი, „ერთიანი ნაციონალური მოძღაობის“ ფრაქციას - 32 წუთი, პოლიტიკურ ჯგუფებს - „საქართველოსთვის“, „გირჩს“, „ევროპელ სოციალისტებს“ და „მოქალაქეებს“ - თითო 15 წუთი. დამოუკიდებელ დეპუტატებისთვის 33 წუთი გამოიყოფა.
მაგრამ პარტიების უმრავლესობა ამ პროცესში მონაწილეობას არ აპირებს. ისინი მოითხოვენ სასამართლო რეფორმამდე მოსამართლეთა დანიშვნის პროცესის შეჩერებას. სხდომას არც სახალხო დამცველი არ დაესწრება.
იუსტიციის უმაღლესმა საბჭომ ივნისის ბოლოს წარუდგინა პარლამენტს უზენაესი სასამართლოს მოსამართლეობის კანდიდატთა სია, რაც ოპოზიციის შეშფოთების მიზეზი გახდა, რადგან ეს ევროპული საბჭოს პრეზიდენტ შარლ მიშელის მიერ მომზადებული შეთანხმების დარღვევად მიიჩნია.
ოპოზიციის კრიტიკაზე საპასუხოდ სასამართლო კორპუსის წარმომადგენლებმა განაცხადეს, რომ მათ და მართლმსაჯულების სისტემის წინააღმდეგ დისკრედიტაციის მიზანმიმართული კამპანია მიმდინარეობს, მათ შორის დასავლელი პარტნიორების მხრიდანაც.
თავის მიმართვაში 300-ზე მეტი მოსამართლე აცხადებს, რომ არის კანონის ერთგული, საქართველოს პატრიოტია და დგას სახელმწიფოს ინტერესების სადარაჯოზე. ხოლო მართლმსაჯულების სფეროში პრინციპულ პროგრესს ადასტურებს ბოლო წლების სასამართლო სტატისტიკა და საერთაშორისი რეიტინგები.
სასამართლო რეფორმა და დამოუკიდებელი მართლმსაჯულების სისტემა - ერთ-ერთი ყველაზე მწვავე საკითხია, რომელზეც პოლიტიკურ წრეებში ცხარე კამათი არ წყდება. ოპოზიცია ამტკიცებს, რომ საქართველოში სასამართლოს კლანები მართავენ, მმართველ პარტიაში კი ამ ვერსიას კატეგორიულად უარყოფენ და აცხადებენ, რომ სასამართლო სისტემა ქვეყანაში სრულიად დამოუკიდებელია.
აღსანიშნავია, რომ საქართველოს სასამართლო სისტემა არის სფერო, რომელსაც საერთაშორისო ორგანიზაციები და პარტნიორები ყველაზე მეტად აკრიტიკებენ. მათ არაერთხელ მოუწოდეს ხელისუფლების წარმომადგენლებს, გაეტარებინათ მართლმსაჯულების სისტემაში საფუძვლიანი რეფორმა, მანამ კი თავი შეეკავებინათ უზენაესი სასამართლოს მოსამართლეთა დანიშვნისგან.