ბათუმში 80 წლამდე ქალს მატარებელი დაეჯახა

© Sputnik / Alexander Imedashviliსასწრაფო დახმარება
სასწრაფო დახმარება - Sputnik საქართველო, 1920, 02.07.2021
გამოწერა
უბედური შემთხვევა დღეს, ნაშუადღევს მოხდა. სამართალდამცველები ადგილზე საგამოძიებო ღონისძიებებს ატარებენ.
თბილისი, 2 ივლისი – Sputnik. ბათუმში 80 წლამდე ქალს მატარებელი დაეჯახა, იუწყება „აჭარის ტელევიზია“.
უბედური შემთხვევა თამარის დასახლების ტერიტორიაზე, სარკინიგზო გადასასვლელზე დღეს მოხდა.
ტელეკომპანიის ინფორმაციით, შემთხვევის ადგილზე მობილიზებულმა სასწრაფო სამედიცინო დახმარების ეკიპაჟმა ქალი კლინიკა „მედცენტრში“ გადაიყვანა, მაგრამ მისი მდგომარეობა მძიმე იყო და ექიმებმა პაციენტის გადარჩენა ვერ მოახერხეს.
მომხდარზე გამოძიება საქართველოს სსკ-ის 275-ე მუხლით დაიწყო, რაც რკინიგზის და სხვა ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ყველა ახალი ამბავი
0