დღეს 2021 წლის 27 ივნისია, კვირა. კლებადი მთვარე მერწყულის ნიშანშია. ამ დღეს პლანეტა მზე მფარველობს.
კარგი დღეა ურთიერთობების, გართობის, მოგზაურობის, დასვენების, სწავლის, ახალი ნაცნობობის, საქმიანი მოლაპარაკებებისთვის. რუტინული საქმეების შესრულება გართულდება. რომანტიკული პაემანი შეიძლება დაუვიწყარი აღმოჩნდეს. ასევე შესაძლებელია საინტერესო ადამიანის გაცნობა და გატაცება.
რა უპირატესობა და ნაკლი აქვს ქორწინებას ზოდიაქოს თითოეულ ნიშანთან>>
ვერძი: დღეს რამე ან ვინმე ძალიან დაგაინტერესებთ და გაგიტაცებთ. ეს შეიძლება იყოს ახალი ჰობი, რომანტიკული ნაცნობობა, ან სულაც თვითონ შეიძლება გახდეთ რამე პროექტის შთაგონების წყარო სხვებისთვის. მოგეძალებათ ცნობისმოყვარეობა და ცნობისწადილის დასაკმაყოფილებლად მზად ხართ მთები გადადგათ. ვარსკვლავების გაფრთხილებენ, რომ თუ თქვენს ინტერესს არ გააღრმავებთ, ის შეიძლება მალე გაქრეს.
კურო: კარგი შესაძლებლობები მოგეცემათ გონებრივ სამუშაოსთან დაკავშირებულ საქმეებში. არცთუ ხელსაყრელი დღეა იმისთვის, რომ იდეების ცხოვრებაში ხორცშესხმას შეუდგეთ, მაგრამ მათუ მოფიქრების, დაგეგმვისა და გენერირებისთვის იდეალური დღეა. დღეს მოფიქრებულ გეგმებს წარმატების კარგი შანსი აქვს. დაიმახსოვრებთ ყველა აზრი, იდეა – შესაძლოა, რომელიმე მართლაც გენიალური აღმოჩნდეს.
ტყუპი: დღეს თქვენთვის ერთ ადგილზე ჯდომა, უბრალოდ, უკუნაჩვენებია. ცხოვრება თქვენგან ახალ მოვლენებს, ემოციებს, შთაბეჭდილებებსა და რაც შეიძლება მეტ ადრენალინს მოითხოვს სისხლში. არავითარ შემთხვევაში არ მოთოკოთ თქვენი სწრაფვა მოძრაობისა და ურთიერთობებისკენ. თქვენთვის სასიცოცხლოდ აუცილებელია ფიტნესი, შოპინგი, ახალი ნაცნობობა, თუნდაც ექსტრემალურ სპორტში თავის მოსინჯვა და ფლირტი უცნობთან... რატომაც არა? მთავარია კონტროლი არ დაკარგოთ საკუთარ თავზე და სიტუაციაზე.
კირჩხიბი: მოსალოდნელია უთანხმოებები გარშემომყოფებთან. საერთო ენის გამონახვა მეგობრებთან და ახლობლებთანაც კი გაგიჭირდებათ. ამის მიზეზი თქვენი კატეგორიულობა იქნება – არანაირი სურვილი არ გაქვთ, რომ კომპრომისზე წახვიდეთ. დღეს დიპლომატიურობა და მოთმინება გმართებთ. თუ კამათი რაღაც უაღრესად პრინციპულ საკითხს არ ეხება, რატომ არ უნდა დათმოთ?
ლომი: ვითარება დღეს, შესაძლოა, არჩევნის წინაშე დაგაყენოთ. მოგიწევთ გადაწყვეტა, რა გააკეთოთ და როგორ მოიქცეთ. ეს შეიძლება ეხებოდეს როგორც საქმეებს, ისე პირად ცხოვრებას, მათ შორის მომავალსა და სასიყვარულო ურთიერთობებს. მთავარი ისაა, რომ ამ გადაწყვეტილების მიღების შემდეგ ყველა სხვა ვარიანტი უნდა დაივიწყოთ. ამიტომ ვარსკვლავები გირჩევენ, კარგად აწონ–დაწონოთ ყველაფერი. წარმატებული არჩევნის წესი ამგვარია: გული მიგითითებთ, რა უნდა გააკეთოთ და გონება – რა არ უნდა გააკეთოთ.
ქალწული: თქვენი გული და გონება დღეს ჰარმნონიაში არ იქნება ერთმანეთთან. სურვილები ერთ მხარეს გიბიძგებენ, ხოლო ლოგიკა და ფაქტები – სრულიად სხვა მიმართულებით. თუ ასეთი რამ მოხდა, ასტროლოგები გირჩევენ, არ აჩქარდეთ. დიდი ალბათობით, რაც არ უნდა აირჩიოთ, არასწორი იქნება. ნამდვილი გადაწყვეტილება გულმაც და გონებამაც უნდა მოიწონოს. და თუ თავდაჯერებულად არ გრძნობთ თავს, ე.ი. სხვა ვარიანტები უნდა მოძებნოთ.
სასწორი: დღეს კარგი შესაძლებლობები მოგეცემათ იქ, სადაც ხალხმრავლობა და მხიარულებაა, სადაც შეიძლება ახალი ნაცნობობის გაბმა. ხართ ძალზე კომუნიკაბელური, ადვილად ურთიერთობთ ადამიანებთან. სწორედ ამიტომ ვარსკვლავები გირჩევენ, რამე ღონისძიებას დაესწროთ, თუნდაც წახვიდეთ კაფეში ან სტუმრად. საუბრების დროს თავს მთელი ბრწყინვალებით წარმოაჩენთ.
მორიელი: საერთოდ არ ხართ განწყობილი, რომ ყოველდღიური, რუტინული სამუშაო შეასრულოთ – თქვენს თავში შორეული მოგზაურობის სურათები იტრიალებს. ექსპერტები გირჩევენ, სასიამოვნო სასარგებლოს შეუთავსოთ – დაგეგმოთ თქვენი შვებულება, დაათვალიეროთ ტურისტული მარშრუტები. ეს დაგეხმარებათ გასცდეთ სახლისა და თუ ოფისის კედლებს და ლამაზ ადგილებში იმოგზაუროთ, დაიმუხტოთ პოზიტიურად და ამავე დროს, ყოველდღიურ ყოფას შეეგუოთ.
მშვილდოსანი: თავს ყველაზე კარგად სახლიდან შორს იგრძნობთ. არ ხართ განწყობილი, რომ სახლში წყნარად ისხდეთ. გაგიჩნდებათ სურვილი, რომ ცხოვრებაში მეტი მრავალფეროვნება შეიტანოთ, წახვიდეთ იქ, სადაც აქამდე არ ყოფილხართ, მიიღოთ ახალი შთაბეჭდილებები. არ წახვიდეთ სურვილის წინააღმდეგ. თუ შორს ვერ წახვალთ, გაისეირნეთ პარკში, გაიცანით ვინმე, იარშიყეთ – ეს თქვენს გრძნობებს გაამძაფრებს და დღეს გაგილამაზებთ.
თხის რქა: ვარსკვლავები გირჩევენ, რაც შეიძლება მეტი დრო გაატაროთ სახლს გარეთ. მოაწყვეთ მეგობრული შეხვედრა, გადით ბუნებაში, ეწვიეთ თეატრს, კინოს... თუ თქვენს ინერტულობას გადალახავთ, არ ინანებთ – დროს შესანიშნავად გაატარებთ, გელოდებათ საინტერესო ნაცნობობა. გაიმრავალფეროვნეთ ნაცრისფერი დღეები. გახსოვდეთ, რომ კარგი დღე – ეს ჩვეულებრივი დღე არ არის, რომელიც მაღვიძარით იწყება და ტელევიზორით მთავრდება.
მერწყული: დიდია ალბათობა, რომ დღეს თქვენი ურთიერთობების სიმტკიცეზე გამოცდა მოეწყოს. ეს შეიძლება ეხებოდეს სამუშაო კონტაქტებსაც და ახლობელ ადამიანებთან ურთიერთობებსაც. მოსალოდნელია კონფლიქტური სიტუაციების პროვოცირება და თუ გსურთ, ამას თავი აარიდოთ, მთელი თქვენი დიპლომატიური უინარები უნდა გამოავლინოთ. როგორც არ უნდა გინდოდეთ გარშემომყოფების გაკრიტიკება, ამისგან თავი უნდა შეიკავოთ, წინააღმდეგ შემთხვევაში შედეგი ძალიან გაგანაწყენებთ.
თევზები: კარგი იქნება, თუ ყველაფერს ყურადღებით მოუსმენთ, რაც ირგვლივ ითქმება. გარშემომყოფების საუბრებიდან თქვენთვის ბევრი საინტერესო რამ შეიძლება გაიგოთ, მაგალითად, რამე ინფორმაცია ან ღირებული იდეა. ამას გარდა, არ ღირს ირგვლივ მყოფთა რჩევების უყურადღებოდ დატოვება, დახმარების შემოთავაზებაზე უარის თქმა. ანუ დღევანდელი წარმატების გასაღები არა მხოლოდ თქვენი ძალისხმევაა, არამედ გვერდით მდგომი ადამიანების დახმარება და ხელშეწყობა.
