თბილისი, 25 ივნისი – Sputnik. წყლით და გარუჯვით კორონავირუსი არ გადაგედებათ, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.
პანდემიის მიუხედავად, აჭარის რეგიონში წელს ზაფხულის ტურისტული სეზონი 15 ივნისს ოფიციალურად გაიხსნა.
როგორც გამყრელიძემ აღნიშნა, სანაპიროზე პირბადის ტარება სავალდებულო არ იქნება, თუმცა დისტანცია უნდა იყოს დაცული.
„კორონავირუსი მაღალი სიცხით არ გადავა, მაგრამ მაღალი სიცხე კიდევ სხვაგვარად მოქმედებს ადამიანის ორგანიზმზე. ამიტომ ამ მხრივაც პრევენციული ღონისძიებები უნდა ჩავატაროთ. პლაჟზე არავინ დაგავალებთ პირბადის ტარებას, მაგრამ თუ სამი-ოთხი ადამიანი ძალიან ახლოს სხდებით, სასურველია პრევენციული საშუალებები გქონდეთ“, – განაცხადა გამყრელიძემ.
პანდემიის დაწყებიდან პირველად აჭარის რეგიონი უცხოელ ვიზიტორებს უმასპინძლებს როგორც მეზობელი, ისე იმ სამიზნე ქვეყნებიდან, საიდანაც ბათუმის მიმართულებით რეგულარული ფრენები ხორციელდება.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 699–ით გაიზარდა და ინფიცირებულთა საერთო რიცხვმა 362.183-ს მიაღწია.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
