ავიაკომპანია SkyUp-ის თვითმფრინავი, რომელიც ხუთშაბათს კიევიდან ბათუმის მიმართულებით მოფრინავდა, აფრენიდან მალევე ბორისპოლის აეროპორტში დაბრუნდა.
ინფორმაციის თანახმად, ფრენა ჩვეულებრივ რეჟიმში დაიწყო, თუმცა 20 წუთის შემდეგ ბორტზე დამწვრის სუნი დადგა, შემდეგ კი სალონში ჟანგბადის ნიღბები ჩამოიყარა. მომხდარის ამსახველი ვიდეო სოციალურ ქსელში ერთ-ერთმა მგზავრმა გაავრცელა.
ავიაკომპანიაში აცხადებენ, რომ შემთხვევის მიზეზებს სპეციალისტები იკვლევენ.
