ლევან ვასაძე მოწამლეს? – ბიზნესმენი სასწრაფოდ თურქეთში გადააფრინეს

© photo: Sputnik / Valeriy Levitin / გადასვლა მედიაბანკშილევან ვასაძე
ლევან ვასაძე - Sputnik საქართველო, 1920, 24.06.2021
გამოწერა
ლევან ვასაძე მძიმე მდგომარეობაშია, ის თურქეთის კლინიკაში გუშინ, ღამით გადაიყვანეს. უცნობია რა სჭირს ბიზნესმენს.

თბილისი, 24 ივნისი – Sputnik. ბიზნესმენი ლევან ვასაძე, რომელმაც ცოტა ხნის წინ პოლიტიკაში მოსვლის თაობაზე განაცხადა, ჰოსპიტალიზებულია, იუწყება „მთავარი არხი“.

ტელეკომპანიის ინფორმაციით, ბიზნესმენი ამ დროისათვის თურქეთის ერთ-ერთი კლინიკაში მკურნალობს. იგი გუშინ სასწრაფო ჩარტერით გადააფრინეს. სავარაუდოდ, ის მოწამლულია, თუმცა ზუსტი დიაგნოზი ჯერ უცნობია.

ვასაძის თანაგუნდელები არ გამორიცხავენ, რომ იგი მოწამლეს.

ლევან ვასაძის მიტინგი - Sputnik საქართველო, 1920, 15.06.2021
ლევან ვასაძე გარყვნილების პროპაგანდის ამკრძალავი კანონის მიღებას მოითხოვს

ბიზნესმენმა ლევან ვასაძემ 6 მაისს განაცხადა, რომ აფუძნებს საზოგადოებრივ მოძრაობას, რომელსაც ერქმევა „ერთობა, რაობა, იმედი“, და რომელიც მომავალში, დიდი ალბათობით, პოლიტიკურ მოძრაობად გარდაიქმნება.

ლევან ვასაძის თქმით, მას მტკიცედ სწამს, რომ ქართველი ხალხის მხარდაჭერით „შეძლებს გაარღვიოს მოჯადოებული წრე, რომელზეც საქართველო 30 წელია მოძრაობს“.

როგორც ვასაძემ აღნიშნა, ის ფუჭი დაპირებების გაცემას არ აპირებს.

ვასაძე დასავლეთის აქტიური კრიტიკოსი, პატრიარქალური ღირებულებების დამცველი და პრორუსული კურსის მიმდევარია. მილიონერმა თავისი ქონება რუსეთში დააგროვა. ვასაძეს რვა შვილი ჰყავს - ოთხი გოგონა და ოთხი ვაჟი.

ყველა ახალი ამბავი
0