თბილისი, 21 ივნისი − Sputnik. ინგლისის ქალაქ ჰართლპულის მცხოვრებმა ქალმა პოლიციაში უჩივლა მეზობლის თუთიყუშს, რომელიც, მისი თქმით, შეურაცხყოფას აყენებს მას, იუწყება გამოცემა The Sun.
Parrot called Pablo reported to police for squawking swear words at neighbour https://t.co/QWdocAb77y pic.twitter.com/FWNCPtuWS5
— The Scottish Sun (@ScottishSun) June 21, 2021
58 წლის ჯილ გრიგი 60 წლის მეზობელს სტივენ დევიდსონს ადანაშაულებს იმაში, რომ მან თავის თუთიყუშს, სახელად პაბლოს, დედის გინება ასწავლა და ისიც გამუდმებით აყენებს ქალს შეურაცხყოფას.
პაბლოს გინებით თავგაბეზრებულმა ქალმა დახმარებისთვის სამართალდამცველებს მიმართა.
დევიდსონმა აღიარა, რომ მის 29 წლის თუთიყუშს მართლაც აქვს უცენზურო ლექსიკა, მაგრამ კატეგორიულად უარყო, რომ 29 წლის თუთიყუშს ეს სიტყვები მეზობლის საგინებლად ასწავლა.
„პაბლო ბევრს იგინება. „ბინძურ პირს“ ვეძახი. მაგრამ ის მხოლოდ იმეორებს იმას, რაც ტელევიზორიდან ან ქუჩიდან ესმის. მე ეს სპეციალურად არ მისწავლებია მისთვის“, − ამბობს მამაკაცი.
როგორც დევიდსონი ამბობს, ჯილ გრიგთან მას უსიამოვნება აქვს. ქალი მას იმის გამო ეჩხუბა, რომ სტივენმა სახლის გაფართოება მოისურვა.
„არ მოსწონს, რომ სახლის გაფართოების წინააღმდეგი ვართ. მაგრამ ჩვენ პრობლემები მასთან გვაქვს და არა თუთიყუშთან. სამწუხაროა, რომ პაბლო ამ ისტორიაში აღმოჩნდა ჩათრეული“, − ამბობს ჯილი.
პოლიციაში გამოცემას დაუდასტურეს, რომ მათ ნამდვილად აქვთ მიღებული რამდენიმე მიმართვა თუთიყუშის მხრიდან დევნის თაობაზე. ახლა სამართალდამცველები ცდილობენ მეზობლები ერთმანეთში დააზავონ.
