თბილისი, 21 ივნისი – Sputnik. სინოპტიკოსები მოსახლეობას საქართველოში ძლიერი სიცხეების შესახებ აფრთხილებენ, მათი პროგნოზით, ჰაერის ტემპერატურამ შეიძლება 40 გრადუსს მიაღწიოს.
როგორც გარემოს დაცვის ეროვნული სააგენტო იუწყება, 21–23 ივნისს აღმოსავლეთ საქართველოში ჰაერის მაღალი ტემპერატურა შენარჩუნდება – დაბლობში 33–38 გრადუსი, მთიან რეგიონებში კი 31–36 გრადუსი სითბოა ნავარაუდევი.
24 ივნისიდან 1 ივლისამდე აღმოსავლეთ საქართველოში ჰაერის ტემპერატურამ, შესაძლოა, 38 გრადუსს გადააჭარბოს.
მოსალოდნელი მაღალი ტემპერატურის გამო სინოპტიკოსები მოსახლეობას ტყის ხანძრების გაჩენის საფრთხის შესახებ აფრთხილებენ.
